اسمي أمينة، عندي 25 سنة أبي اتقتل قدام عيني
انت في الصفحة 1 من 6 صفحات
اسمي أمينة، عندي 25 سنة أبي اتق@تل قدام عيني..والقانون معملش حاجة ولا المجرم أخذ عقابه..
طفلة طالعة بتغني وفرحانه شكلها راجعة من المدرسة وصلت البيت لقيت الباب مفتوح شوية، جات تدخل لسه بتفتح سمعت صوت مامتها
الام: حرام عليك خد كل اللي عايزه بص خد فلوس اهو وذهب بس سيبه متقتلوش
شخص مسلح ومخبي وشه: مسك رقبته وذب@حه زي ما يكون بي@دبح حيوان مفيش رأفة
الام: استريحنا منه 5 سنين مش عارفة اخد نفسي، خد الفلوس دي بقى حلال عليك،وامشي ومش عايزة مشاكل
– الفلوس قليلة يا حلوة وبعدين دا فلوس المرحوم مفيش أكتر منها
الام: امشي دلوقتي ونتكلم بعدين لحد يجي
-همشي ولينا كلام تاني
“مشي الراجل والام مسحت البصمات وخرجت عشان محدش يشك فيها وهي ماشيه شافت الطفلة،شالتها ومشت وكأن شيئا لم يكن ”
بعد ساعات قليلة في البيت الشرطة في كل مكان بيأخدوا بصمات ويستجوبوا الجيران..
وعلي مسافة تجلس الام بتعيط وبتنهار من العياط،والطفلة نايمة بعد ما عالجوها من حالة الاغماء
الام:بعياط روحت اجيب بنتي من المدرسة
شرطي: اهدي مدام
الام: اهدي ايه وزفت ايه وجوزي مقت@ول معرفش مين قتل@ه حقة لازم يتجاب انتوا متعرفوش هو كان مين ولا ايه يا حضرة الشرطي
شرطي 2: معروف جدا ومن الناس الكويسين في البلد معروف بسمعته الحسنة ي مدام وحقة هيرجع متقلقيش
الام: كملت تمثيل
“اتعمل العزا وحضر ناس كتير جدا من كبار البلد بس لسه لحد هذا الوقت الشرطة بتدور علي القاتل والعزا خلص وبعد يوم جه الشخص الملثم بيطلب فلوس
الام: إيه جابك هنا مش اتفقنا متجيش هنا تاني أبدا
-عايز فلوس تاني
الام: لسه واخد ربع مليون من كام يوم وبعدين كنا متفقين علي مبلغ وأخدته
-لا رجعت في كلامي عرفت ان المرحوم كان معاه فلوس بالهبل هتتمتعي لوحدك تيجي ازاي دي فهنقسمها سوا وبعدين إنتِ حبي الاول ولا نسيتي يرضيكي اتبهدل وقتلت عشانك..
