تعرف إن علامات الساعة الصغرى تقريبًا كلها حصلت بقلم محمد صاوي
العلامة التالتة فتح بيت المقدس.
وبيت المقدس تم فتحه في عصر (عمر بن الخطاب) -رضي الله عنه-، لما راح بنفسه ودخل وبنى فيه مسجد وصالح أهل المنطقة.
رابع علامة نار عظيمة تخرج من أرض الحجاز.
الرسول -صلى الله عليه وسلم- قال:
(لا تقوم الساعة حتى تخرج نار من أرض الحجاز تذيء أعناق الإبل ببُصرى).
سنة 654 هجريًا، ظهرت نار عظيمة من الحجاز والعلماء تجادلوا حولها كتير وقالوا إنها غير النار اللي هتظهر من اليمن آخر الزمان كعلامة كبرى وهتطرد الناس لمحشرهم… يتبع
خامس علامة ولادة الأمة ربتها.
في يوم جيه سيدنا (جبريل) -عليه السلام- للرسول -صلى الله عليه وسلم- بهيئة رجل شديد بياض الثياب، شديد سواد الشعر، قعد جنب النبي وفضل يسأله لحد ما قال:فأخبرني عن الساعة، قال: ما المسؤول عنها بأعلم من السائل، قال: فأخبرني عن أمارتها، قال: أن تلد الأمة ربتها).
وهنا حصل اختلاف بين العلماء في النقطة دي.
فيه اللي قال إن الدولة الإسلامية لما تتوسع والجواري تكتر هتولد الأمة -العبدة- ولد لمالكها فيكون سيدها.
وفيه اللي قال لما يبيع المُلاك الجواري ويتم بيع واحدة منهم والدة ملك وبعدين تلف الدنيا ويشتريها كجارية.
وفيه اللي قال إن العبدة تولد حر من غير سيدها، يعني لو زنت مع شخص تاني وبعدين حصل إن ابنها اشتراها.
وآخر حاجة لما ولد يشتم أمه ويسبها ويلعنها ويضربها فأطلق عليه اسم ربها مجازًا.
والله أعلى وأعلم.
كل العلامات اللي فاتت دي ظهرت وحصلت وانتهت، وفيه بس اختلاف على آخر نقطة إنها ما زالت بتحصل وبتتكرر كتير.
تعالى بقى اسحلك مع العلامات الصغرى اللي حصلت ولسه مستمرة لحد وقتنا هذا، وهيصدم@وك حرفيًا.
