تعرف إن فيه مخلوقات في البحر مرعبة لدرجة الأساطير؟ بقلم محمد صاوي

ولكن الإنسان دايمًا عنده شغف لمعرفة المزيد، حتى لو على حساب حياته.
سنة 1958م، قدرت السفينة السوفيتية "VTS" تكشف عن وجود حياة بحرية ومخلوقات بتعيش في المحيطات على عمق بيوصل لـ7000 متر تحت سطح المياه، أسماك وكائنات عجيبة غير معروفة للبشرية وقتها، وأطلقوا عليها اسم "وحوش البحر".
ولكن العلماء ماكتفوش بالاكتشاف دا، وكان لازم حد يغطس للخندق ويسجل وجود الكائنات بنفسه، وكان من الصعب الغوص في العمق دا بسبب إن الضغط بيكون أعلى 1000 ضعف الضغط اللي موجود على السطح!

سنة 1960م، العالم السويسري (جاكيس كارد) ركب على متن الغواصة "Trieste"، وخرج لحملة استكشافية في المحيط، والغواصة دي لها القدرة على تحمل الضغط العالي في أعماق المحيط، والغوص لمسافات كبيرة بدون التأثر.
وصل لخندق ماريانا، وقرر إنه يغوص فيه لحد ما يوصل للعمق، واستغرقت منه الرحلة 5 ساعات كاملة بيحاول فيها يوصل للقاع، وبالفعل نجح في الوصول لعمق 11 كيلو متر، ووقف بالغواصة لمدة

 20 دقيقة كاملة، وبدأ الباحثين في محاولة البحث عن كائنات حية، وبالفعل توصلوا لنتيجة إن بالرغم من العمق المهول دا إلا إن فيه كائنات عايشة في المكان!
لحد دلوقتي الموضوع طبيعي، مفيش حاجة مريبة، خندق عميق يُعد من أهم الاكتشافات اللي قدر

 يوصل لها الإنسان، فيه كائنات بحرية، ولكن المريب فعلًا لو الكائنات دي اختلفت عن اللي موجودة في جميع المحيطات، كائنات قادرة تتحمل الضغط المهول دا وتعيش وتتعايش وتتغذى وتكبر، زي مثلًا قرش المجالدون، اللي استُخدم في فيلم "The Meg" للممثل (Jason Statham)!

ولكن الغريب فعلًا إن بعد سنين من بعثة (جاكيس كارد)، تم الكشف عن معلومات بخصوص الرحلة، وكان من ضمن المعلومات دي إن أثناء مهمتهم في الكشف عن الخندق، كان فيه مخلوق ضخم على شكل اسطوانة دائرية كان بيتبع الغواصة وبيتحرك حواليها كأنه بيراقبها!
وأول ما عرفوا بوجوده، اختفى من المكان وماحدش قدر يحدد ماهية الكائن دا، وقال بعض العلماء إنه من الممكن يكون من حضارة مائية غير معروفة للبشرية، أو كائن منقرض من سنين طويلة!
سنة 1985م، خرجت السفينة "Glomar Challenger" في رحلة استكشافية لمعرفة المخلوقات الموجودة في خندق ماريانا، واللي حصل كان غريب جدًا ومقبض!.. يتبع