رواية علاڤة ممنوعه ( كاملة جميع الفصول ) بقلم كوكي سامح
lلام.. شوفتى جاى لوحده من غير اهله علشان احنا مش من توبه
سعيده.. استنى يا عمه لما نشوف اخره
lلام.. اهو ابوكى خرج واخوكى ونشوف هيحصل ايه وقالت فى سرها كله منك يا بنت نعيم عاوزه تضيعى بنتى علشان تطلق وتقعد زيك والناس تجيب فى سيرتنا
.. وlلام قدمت حاجه ساقعه ودخلت قعدت مع عائشه وسعيده
.. وبعد مرور نص ساعه الاب خرج وقال زغرطى يا وليه احنا قرينا الفاتحه
lلام مش مصدقه نفسها وزغرطت
عائشه.. الحمد لله يارب انت قبلت دعوتى شوفتى يا سعيده
سعيده قالت فى سرها مكتوبالك يا عيشه
عائشه.. شوفتى يما بيحبنى ازاى
lلام.. حب ايه يا بت وكلام فارغ ايه
عائشه.. خلاص يما المهم انه هيتجوزنى
سعيده.. مبروك يا بت
الاب.. لازم نجهز البت ده عاوز يتجوز على أول الاسبوع الجاى
lلام.. يا حزنى ايه يا راجل ده وازاى توافق على اسبوع وهى عندها حاجه
الاب.. ده عنده ڤيلا يا وليه مش محتاج حاجه هديكى شويه فلوس وهاتى شويه قمصان نوم وخلاص
lلام.. ايه ده لا بنتى لازم تخرج بأحسن جهاز
سعيده.. مبروك يا عيشه انا همشى انا
عائشه.. هبقى اكلمك يا بت يا وش السعد انتى
lلام.. خلاص اسبوع اسبوع المهم انها تتجوز
الاب.. دى هتبقى جوازه الهنا والواد شكله بيه وغنى
.. وبعد مرور يومين الباب خبط وكانت الشغاله اللى فى ڤيلا احمد وجايبه معاها 4 شنط سفر وقالت دول هديه العروسه من أمه
.. وlلام خدت الشنط وقالت بت يا عيشه مش ملاحظه حاجه ان لحد دلوقتى امه مشوفناش وشها
عائشه.. امه حلوه اوى يما
lلام.. يا بت انا بتكلم على حاجه تانيه خالص يا ترى هى موافقه ولا لأ
عائشه.. اكيد موافقه لانه بيحبنى وبعدين الهدايا دى تتدل على أنها موافقه
وفتحت الشنط وشافت فيها هدوم من أفخر الهدوم وغير القمصان والبرفانات والفساتين وكمان سواريهات وشنط وجزم وكان فى شنطه رابعه وفتحتها ولقت فيها فستان فرح من أجمل الفساتين محدش فى البلد لابس زيه
عائشه.. يا نهار يا نهار كل ده ليه
lلام.. نصيبك يا بنتى
.. ومسكت تليفونها وكلمت احمد وفتح عليها كاميرا وقال خودى كلمى ماما مديحه
وفعلا كلمتها وكانت مبسوطه
احمد.. خلاص يا حبيبتى كلها 5 ايام وتبقى فى بيتى
عائشه.. انا مبسوطه خالص بس طنط برضه كان لازم تيجى تشوفنا وتشوف عيشتنا رد وقال دى حياتى انا انتى فاهمه وماما بتحبنى ومبترفضش ليه طلب وقفلت معاه وهى فرحانه وابتدت تجهز للجواز وعملت كل اللى يخص البنات ولما جه يوم الحنه البنات اتلمت عند دارها وسهروا للصبح وهما بيغنوا وبيرقصوا على نغمات الدى چى
