كبرياء أنثى بقلم مرام

مرحبا اني ريتا من بابل عمري 23 سنه طولي 154 يعني قزومه هه حنطيه عيون واسعه وزني 54 خريجه كليه القانون وطبعا حالي حال اي وحده متخرجه بالعراق ماكو شغل.. عائلتي الصغيره متكونه من امي ربة بيت وخواتي 2 بنات.. بسمه الجبيره الحمد لله الله وفقهه و تدرس دراسات دكتوراه مخطوبه من ولد وياهم عجبته واجه خطبهه اسمه احمد مدللهه... والثانيه نور الصغيره تدرس مرحله أولى آداب عربي.. واخو واحد ب الإعدادية اسمه جو.. طبعا والدنه اتوفه واحنه صغار وامي بقت ويانه وماعافتنه وشكد ماانسوي منجازيهه ماحرمتنه من شي وكلشي وفرته النه لحد ماوصلنه لهيج مستوى الله ايقدرنه ونسعدهه.. نرجع للقصه

عادتي اكعد من الصبح كلي أمل وحيوية افتح شبابيك الغرفه اشتم الهوه ووجه يضحك وأشعر الحياة حلوه اعدل فراشي والغرفه وانزل أصبح عل امي وابوسهه من راسهه الكاهه محضره الريوك النه..
اني ها ماما صباح الخير
امي هلا بهل الصباح
اني شلونهه نومتكم البارحه حاره زينه
امي لا ايخبل الجو
اني اي صح اني فتحت شبابيك الغرفه ايخبل منعش الهواء
امي الحمد لله
وكعدنه اكلنه اجه جو..
جو يمه شمسويتلنه اكل مېت جوع
اني الناس اتكول صباح الخير شي عابت لوجهك
جو واتي شعليج
امي عيفي خل ياكل.. أكل يمه الف عافيه حته اتروح لمدرستك ديربالك عل دروسك يمه..
جو اي يوم ان شاء الله
اني أكلج يمه إلى متى أضل كاعده بالبيت يعني درست حته اكعد هنا
امي صدك كلتلهم لخوالج بلكي ايشوفلج شغله
دك التلفون وخالو خابر امي وكللهه صديقي محامي وعنده مكتب وايريد مساعده إله وكال خل باجر تجي اتداوم..
واني طرت من الفرح كمت اكمز وكالت خالو يجي ياخذني..
وخلص اليوم ماكو شي.. وصار ثاني يوم واني مكيفة وطلعت شكو شي عندي بالكنتور مااعرف ش البس..
بدلت لبست تنوره وستره وقميص جواه وكملت واتعطرت وميكب اب خفيف ولبست حجابي ونزلت
اني هايمه صباح الخير
امي هله يمه اتخلين طالعه
اني صدك يمه بس خاېفه حيل
امي لا يمه لتخافين اقري الفاتحه واتوكلي عل الله
بسمه ولج هاي شطالعه هسه ايخطبج المدير
اني ليش متنجبين مېته خوف يله اجه خالو بباي ادعولي
امي الله وياج يمه عود طمنينه
وصلنه للمكتب ورحب بينه المدير سالم وقدمنه كهوه وضل ايسولف وبعدين راح خالو واني كلي باشري شغل.. ظليت مااعرف شسوي طلعت موبايلي العب بي طبعا المكتب جبير غرفه بيهه المدير وغرفه ثانيه استقبال الدعواي.. فجأه اجه شخص
شخص هلاو منو انتي
اني اني موضفه جديده منو حضرتك
شخص اني حيدر موضف هنا اهلا وسهلا
اني اهلا بيك اشكرك
وطبعا من اول يوم نظراته إلي اتخوف بس مااهتميت شعليه بي.. وخلص الدوام كال اوصلج
اني لا شكرا اني اروح
حيدر انتضري اوصلج
اني كلت لا اشكرك
وصلت للبيت تعبانه شمرت الجنطه عل جربايه ودخلت للحمام غسلت وبدلت واكلت ونمت......
كعدت الصبح فتحت النوافذ استنشقت الهواء يامحلى هوه الحله وطيبتهه اتخبل افيييييش 
نزلت من الغرفه غسلت وبدلت خليت ميكب اب خفيف ولفيت حجابي لكيت امي مسويه الريوك
اني هاي مام صباح العسل
امي هلا ب بنيتي صباح الورد طالعه كيك شون بيج
اني ههههه اي ماما راح انغر عليكم خل ناكل
نسمه ها ولج هاي منيلج الجنطه لونه ذهبي اتخبل متخليني ابوكهه
اني ليش متنجبين عدج كومه روحي خلي أحمد يشتريلج ختيبج ههه
نسمه لج خطيه منيله ديكون روحه
اني اممم يله اني اروح كود بأي
امي مودعه ب الله حبيبتي ديربالج من الطريق
انياي ماما
وصلت للمكتب لكيت المدير بالمحكمة عنده قضيه جبيره وحاير بيهه ميجي هواي بس حيدر موجود
اني صباح الخير
حيدر صباح النور ليش متأخره
اني