كبرياء أنثى بقلم مرام
بسمه وبمرور الوقت حسيت نفسي احسن وكدرت انسه حيدر.. ويوم من الايام قررت ارجع اشتغل لازم اساعد امي ب المصاريف.. بس هل المره مااشتغل ب مكتب حاجيت خالو ايطلعلي هويه مال محامي واشتغل ب محكمه وفعلا خالي سوالي واسطه بمعارفه وانقبلت بالمحكمه
وكمت اداوم واني قويه وماكو احد ايهزني واستلمت قضايا ونجحت بيهن وبيوم من الايام اجتني قضيه جبيره وأثناء الترافع ب المحكمه وشفت القاضي هوه حيدر صاير قاضي..
وطلعت وخلال ايام حاول ايدزلي بنات محاميات ايقنعوني ارجعله وراد يخطبني اني ماقبلت الي يبيع مره يكدر يبيع كل مره
وصديت كل محاولاته وهوه كدر ايقدم نقل علمود ميشوفني واني هم ارتاحيت...
حسيت اني الي ربحت وهوه إلى خسر.. اي هوه إلى خسر
للحكاية بقايا!!
كبرياء أنثى
مرام
مرات من تفقد شخص بالبدايه تشعر انت خسړت خسړت كل شي.. الذكريات اللحظات الحلوه الكلام الحلو إلى جنت تشعر بأنك ملكت الدنيا كله وانك بعد متريد شي من الدنيا بس تكتشف مر الحقيقه تعرف بأن الي جنت تفكر بي أوهام مو حقيقه..
هذا الي جان يدور ب تفكيري بس هسه صرت أقوى من قبل محد يكدر يهزمني وكلش مرتاحه وفرحانه بحياتي وبنجاحاتي ب كسب كل قضيه استلمهه ويوم من الايام عرض عليه محامي جبير ومشهور انو اشتغل وياه بالمكتب..
واروح للمحكمة اتونس وي صديقاتي المحاميات وبيوم من الايام كسبت قضيه وواعدتهم إذا اكسبهه اسويلكم عزيمه وحلويات من الي اني اسويهه..
اني بنات اني راح اروح اترافع إذا كسبتهه باجر غداكم عليه
ساره صدك ولج متسويهه
هند الله يعني باجر مااسوي اكل لج همزين ماالحك وذوله جهالي ايخبصوني
اني اوك بس ادعولي يله اني رايحه باي
وفعلا كسبت القضيه ومن طلعت من المرافعة موكلتي اتشكرت مني هواي وكلش فرحت واني هم فرحت لأن قضيه صعبه شغله أراضي وأملاك مو بسهوله تتحصل
اني ولجن هلهلن ربحت ربحت مامصدكه
ساره الله يعني اجه الاكل اجتي العزيمه
اني اي اجتي اي ههههه
يله اروح للبيت شنو انبات هنا بباي
هند بباي مو تنسين الاكل باجر
رجعت للبيت فرحت امي وكلش فرحتلي وكامت اتهلهل ههه
اني ماما ماما وينج
امي ها شكو شبيج
اني يومه كسبت القضيه مامصدكه
امي صدك يمه بالخير عليج الله يوفقج وميضيعلج تعب
اني امين يارب.. يمه هاج هاي جم فلس خليهه يمج
اني لا يمه عندي الحمد لله شسوي بيهن قابل
امي الله ايرزقج حبيبتي
وصار اليل والتهيت بالعزيمة وسويت أشكال لحم بعجين.. بيتزا.. برياني.. ومقبلات وحلويات وكلش اتونسنه بالعزيمة بس انكسر ضهري بالكدور ههههه
وره العزيمه اجتني ساره وحاجتني
ساره ريتا اريدج بموضوع
اني كولي حب رأيده فلوس
ساره لا حب الله كافيهه
اني لعد شكو
ساره ريتا بصراحه بالعزيمة اجه خويه وشافج وكلش عجبتي شنو رايج?!!
اني شوفي حبي رايدني ذيج بابي ايدكهه اني مااسوي اي علاقه
ساره خوش اني أكله لعد. طبعا يجي ايشوف اهلج والله كريم
اني الله كريم..
ماجنت أقبل اسوي علاقه ولا ادخل بأي شي لاني مؤمنه إلى يريدني ايدك بابي..
اجه اخو ساره ل خوالي وخوالي حسب العادات ايسالون عل الولد..
يله تعال عرف ب نفسك.. يولي شكد تنطيني هههه
ههه عابت تعال..
مرحبا اني محمد عمري 25 سنه طويل ضخم حنطي عيون واسعه يعني شكلي وسيم ههه اشتغل محامي بالمحكمة كاعد وي والدتي مره
