هي قسمة وانت مامقسوملي بقلم زيزي
انت في الصفحة 1 من 4 صفحات
اليوم قصتنا ترويلكم المعاناة الي عاشوها وكيفية القسمة والقدر بعدتهم. عن بعض
مرحبا اعرفكم عن نفسي اسمي إيمان من عائلة متكونة من ام واب واربع اخوات واني خامس وحدة
اخر العنقود اهلي جانو يتمنون دائما يجيهم ولد لكن الله ما كتب هذا الشي
اخواتي كلهن من الابتدائية تركن المدرسة وتزوجن طبعا كلهم ولد عمامي
احنة عدنة البنية متروح غير لابن عمها غصبن عليها وما عدنة سالفة الحب
من جنت بالابتدائية اكول اني مصيري مثل خواتي اترك المدرسة واتزوج مع انو خواتي محد جبرهن يتركن هنة من كيفهن تركن
بعدها وصلت متوسطة مستواي العلمي مو هلكد بس انجح جنت حتى لو مو بدرجات عالية
امي عانت هواي من بيت جدي
وخاصة ابوي مت تزوج امي اكو فرق السن بينهم جبير ومريض
ومع ذلك امي وافقت
عائلة جبيرة وجانت متلحك ع شغل وبيبيتي ام ابوية جانت تكرهة
لاءن متخلف ولد الي يكول بيدهة هذا الشي
وجناينها هذنيج شايلتهن بالصلاوات وامي تكرب ومالها ملحكة
المهم مرت اليام وصرت بالاعداية كل فكري اترك بس بعد ما شفت المطبقات
الي اجني علينا كمت اقرة حتى بس اريد ادخل للكلية
حالتنة ميسورة لاءن جدي ترك لولدة كل واحد حصة جبيرة
وخاصة جنت اني المدلله الي اريدة بس أشر عليه يجيني
بس امي دائئما تكلي عمج مراد يريدج الابنة سامي
وانتي تعرفين اذا وافقتي واذا ما وافقتي انتي اله جنت اكول الله كريم
من يجي وقتها
يتبع
ايمان مرت الايام وامتحنت سادس طلعت كلية ادارة واقتصاد لابأس بها
صار وقت الدوام وبديت اداوم وعادي تمر اليام واني اشوف اشكال
الوان ومن اشوف ولد ويا بنية لازم ايدها اضل فاتحة حلكي
لاءن احنة ما عدنة هذا لشي
واول مدخلت الكلية صداقتي ويا الولد مجرد سلام مااريد اختلط ويصير شي
لاءن اعتبر اني محجوزة
صديقاتي 5 مقربات احنة كروب حيل حلو ويومية من نطلع من الدوام
سهى بنات اليوم نروح لمطعم فاتحيه جديد
الكل موافقين
ايمان رحنة للمطعم اجة الكرسون ديسجل شنو طلبنة
الكرسون شنو تحبين تاكلين
ايمان لو سمحت بيتزا
هو بقة ياخذ الطلبيات وعينة ابد مشالهة علية ياربي هذا شبي
فراس السلام عليكم اعرفكم عن نفسي اسمي فراس عمري 25 سنة
تركت المدرسة من المتوسطة رغم جنت شاطر لكن تركتها في سبيل اعين اهلي
ومكدرت اوفق بين دراسة والشغل
امي تلح عليو ازوجك مااعرف ليش ارفض
من اني وصغير مخليت شغلة مشتغلتها مرات اشتغل شغلتين في سبيل
اكدر الم المصرف مال البيت واخلي اخواتي يكملن دراسة
ما عدهن احد غيري
واخير شغلة اشتغلتها هي شغلة المطعم صار اسبوع من نفتح وتعرفون مطعم جديد
