روايه كاملة مكتملة لجميع فصول الرواية بقلم غاده سعيد (لقاء الروح)
انت في الصفحة 1 من 6 صفحات
الفصل الاول
صحيت من النوم النهاردة علي صوت تليفوني بسبب إشعارات الفيس بوك معرفش ايه الي خلاني انسي اقفل النت قبل ما انام لقيت حد باعتلي طلب صداقة الساعه ٥ الفجر ...
حد معرفهوش معرفش ايه خلاني اقبل وبقي عندي فالفريندس
انا ليلي وعندي ٢ سنه في كلية حقوق بس احنا دلوقتي في اجازه اخر السنه ....
اليوم ده كنت بكلم اصحابي وغلبني النوم ونسيت اقفل النت...
بس بصراحه الاكونت بتاعه شدني جدا هو مش حاطت صور ليه خالص بس البوستات بتاعته عجبتني جدا كلها تفائل وحب للحياه
اول ما قبلت لقيته باعتلي في ساعتها
انت مين انت تعرفني
لا بصراحه بس كنت قاعد زهقان لقيتك قدامي ومحتاج اتكلم مع حد.....
انا اسمي يوسف وعندي ٢ سنه وانتي...
انا ليلي وعندي ٢ سنه....
اتفضل تقدر تحكيلي ايه الي خنقك عشان هعملك بلوك بعد متخلص انا متعودتش اكلم حد معرفهوش وبعدين حد يبعت لحد الساعه ٥ الصبح
انا اسف جدا لو ازعجتك ولو مش عاوزه تتكلمي تقدري تعملي بلوك من دلوقتي....
لقيته بيحكيلي انه اتعرض ل ظلم شديد فالشغل بتاعه واترفد ظلم بسبب واحد بيكرهه ....
سرق عهدة الفلوس منه واترفد واتعمله قضيه وهو دلوقتي ولا عارف يشتغل في مكان تاني عشان القضيه ولا معاه فلوس يصرف ومامته هي الي بتصرف عليه وهو ابنها الوحيد وهو متدايق دلوقتي عشان هي تعبانه وهو مفيش معاه فلوس....
هو انا بحكيلك عشان عاوز فلوس انا بحكيلك عشان مخڼوق من فضلك متقلليش مني
انا خلصت كلامي تقدري تعملي البلوك
قفلنا الكلام ومقدرتش اعمله بلوك وبقيت كل يوم اكلمه بليل اتطمن عليه ويقولي ان المشكله لسه شغالة....
بدأنا نتكلم صوت وبقينا نتكلم صبح وليل بصراحه اتعلقت بيه جدا وانا عمري ماشوفته ولا هو شافني....
لا يا يوسف انا مقدرش انزل اقابل حد معرفهوش
والله متقلقيش ولو عاوزه تجيبي حد معاكي حتي مامتك انا موافق ....
وهنتقابل في مكان عام قدام كل الناس....
بصراحه كلامه طمني ومبقتش خاېفه اروح اقابله بس قولتله يديني كام يوم كده لحد ما اشوف.....
بقي يكلمني ليل نهار وكل شويه يلح اننا نتقابل ....
هعمل ايه بصورتك انتي روحك حلوة وانا حبيت الكلام معاه..
قعدت اتخيل كلامه وهو ليه مش حاطت صورته قولت اكيد شكله مكعبر وتخين ومش مهتم بنفسه عشان كده مش حاطت صورته....
لحد ما قررت اني خلاص اقابله عشان متعلقش بيه وانا مشوفتهوش جايز لما اشوفه اغير رأيي
اتفقنا عالمعاد والمكان ولبست هدوم عادية بنطلون وسويت شيرت ومحطتش فوشي ميك اب خالص مش متعوده احط كتير وصلت المكان ورنيت عليه قالي خلاص انا قربت اوصلك
بقيت قاعدة مستنيه الي بكلمه بقالي فترة ومشوفتهوش لحد ما وصل واټصدمت انه......
يتبع...
الفصل 2
اټصدمت انه غير ما كنت متوقعه خالص شاب طويل وعريض عينه لونها اخضر وشعره ناعم نازل علي وشه لكنه بيعرج وهو ماشي بسيط شكل عنده مشكله في رجله....
لكن جماله غطي علي اي حاجه....
كنت مكسوفه جدا لأني مهتمتش بمظهري وانا جايه اقابله....
سلمنا علي بعض وقعدنا نتكلم بصراحه ارتحت جدا فالكلام معاه حسيت انه انسان
قلبه نضيف ....
روحت البيت وبقي شاغل كل تفكيري دخلت الاوضه واتصلت بيه
