رواية حنين الليل جميع الفصول كاملة بقلم الكاتبة أميرة رمضان

ندي كانت بتتكلم في التلفون
ندي: لاء مش هنزل
المتصل ……
ندي: انا اخر كلام قولته وانت اختار

بسمه: طب لما هو بيتنيل يحبك وانتي كمان مجاش يتقدملك ليه ومتقوليش بيكون نفسه والكلام الفاضي ده
ندي: ماهو بيقولي ان اهلي هيطلبه منه طلبات كتيره عشان كده بيكون نفسه كويس وبعدين احنا مش بنعمل حاجه غلط كل البنات والشباب يكلمو بعض عادي

(دخلتهم الفصل وهما فرحانين اوي وانا في قمت الزعل عليهم طلعت وركبت العربيه وانا بفكر هتعامل ازاي مع المشاكل النفسيه اللي جواهم دي وهحلها ازاي ولقيت التلفون رن وكانت بسمه )
الو
بسمه: وحشاني عامله اي
_ كويسه الحمد لله (وبعد كلام كتير )
بسمه: عايزه حاجه ي قلبي سلميلي علي ليل
_ الله يسلمك ي بسمتي
بسمه: بقولك ي بت عملتي اللي قولنالك عليه
_ اي هو
بسمه: بخصوص موضوعك انتي وليل
_ اهاا افتكرت لاء معملتش حاجه
بسمه: انتي هبله هو مبقاش فيكم عقل خالص تفكرو بيه حرام عليكي اللي بتعمليه ده
_ اي ي بسمه مالك منفعله كده ليه
بسمه: مفيش بس انا عايزاكي تتكلمي معاه في الموضوع ده والقرار يرجع ليه ي اما ياخد حقه او يسيبك فتره لحد متاخدو علي بعض وفي الحالتين هو معاه حق لانك مراته ولازم تفهمي كده وهو صبر عليكي كتير وخلي في بالك ان لصبر حدود
انتي ليكي حق عندي اني انصحك انما القرار ليكي انتي سلام (وقفلت)#بقلمي_اميره_رمضان
_يااااربي هو انا ناقصه بس عندها حق انا كده حرام عليا اني امنعه من الحق ده اووووف
_________
سوسن بفرحه: صرفت الشيك
سيد بجشع: ايوا وكمان عملت حساب في البنك ومش هيبقا اخر مبلغ نحطو فيه
سوسن: دي بس اول مره ولسه الجايات كتيييير وهناخد منهم فلوس كتير اوي لحد منطلع من الفقر ده
سيد: محدش هيقرب لنص مليون ده
سوسن: ايوا طبعا خليه عشان نبقا نجوز بيه ندي
سيد: بقولك محدش هيقرب منه انتي مش بتسمعي
سوسن: امال هتعمل بيه اي هتخلله
سيد: ايوا هخلله ويبقا خلي البت ندي تلبس حلو كده وتروح عند الشملوله حنين عشان عرفت ان ابن عم ليل جه من السفر وعلي وش جواز وكمان ده شريكه في الشركه يعني لو اللي في بالي حصل كده هنبقا مكوشين علي الشركه كلها
سوسن بطمع: يارييييت
(ندي سمعتهم وهما بيتكلمو ودخلت اوضتها تبكي علي حالها )
_______
في المطار
ليل: نورتي مصر ي سندريلا
خديجه: منوره بيك طبعا يلا بسرعه نروح عند فارس
ليل: اهدي شويه هو فارس هيطير
خديجه: انت متعرفش انا هموت عليه ازاي
ليل: ماهو باين عليكي ي اختي
(ركبو العربيه )
خديجه: اه نسيت اقولك مبروك علي الجواز رغم اني زعلانه منك اوووي
ليل: معلش والله الجوازه جات بسرعه وكمان معملناش فرح

خديجه: ليه بقا دانت ليل الحديدي بجلاله قدره متعملش فرح
ليل: يعني هي اول مره اتجوز
خديجه: بس العروسه اول مره كنت المفروض تفرحها #بقلمي_اميره_رمضان
ليل: ده كان قرارها
خديجه: طب هي عامله اي
ليل: زي الفل ي اختي واسكتي بقا عشان هكلمها
خديجه: يعيني علي الحب هي لحقت توحشك
ليل: خليكي في حالك ي حقنه
(رن عليها )
_ عايز اي
ليل: اي اللي عايز اي متتكلمي عدل ي بت
_عايزاك تروح تجيب ايان وتالين من الحضانه انهارده
ليل باستغراب: اشمعني
_ هو كده ي اما اروح انا
ليل: امر واقع هو
_ لاء مش امر واقع بس ده المفروض انه يحصل
ليل: يبقا نتكلم فيه بعدين انتي فين دلوقتي
_ انا في الطريق مروحه البيت
ليل: طب تعالي علي المستشفي *****زي مكنتي عايزه
_ بتتكلم جد يعني انت مش حرارتك عاليه عشان كده بتخرف في الكلام
ليل: بخرف: ي بت قولت مليون مره اتكلمي كويس
_ ماهو انت اللي غريب اول مره ترجع في كلامك عشاني
ليل: خلاص متاجيش
_ لاء خلاص خلاص جايه ي جوزي ي قمررر انت
(ليل قفل التلفون وهو بيضحك علي جنانها )
وصل المستشفي هو وخديجه وكان لسه هيدخل المستشفي بس وقف
خديجه ؛ وقفت ليه
ليل: مستني حنين عشان متعرفش احنا في انهي دور
خديجه: يعيني علي الحلو لما تبهدلو الايام
ليل: هتتريقي هخليكي تحصلي اخوكي
خديجه: لاء ياعم انا مش قدك
ليل: لو كده اطلعي انتي وانا هجيبها واجي
خديجه: لاء هستني معاك عشان عندي فضول اشوفها
بعد شويه

ليل: هي اتاخرت كده لييييه
خديجه: اهدي بس زمانها علي وصول
_ طب ما اجيب اتنين ليمون يحلو القعده الحلوه دي
ليل: اتاخرتي كده ليه
_ عشان يحلالك الجو انت والسنيوره ومالك ي اختي لازقه فيه كده ليه لاء ادخلي في حضنه بالمره
ليل: بطلي جنان ووطي صوتك احنا في المستشفي
_ هو كل ده اللي هاااااامك مغفلني وبتقولي انك مع صاحبك
خديجه: حضرتك اهدي انتي مكبره الموضوع
_ اها عندك حق مليش حق الصراحه (ومسكتها من شعرها )دانا هطلع رووووووووحك في ايدددددددددي

حضرتك اهدي انتي مكبره الموضوع
_ اها عندك حق مليش حق الصراحه(ومسكتها من شعرها) دانا هطلع رووووووحك في ايددددددددي
ليل: حنييييين ابعدي عنها انتي اتجننتي (مسكني وبعدني عنها )
_ انت بتزعقلي بدل متعرفها ان اللي بعملو ده عيب انت بقيت راجل متجوز وهي لسه حطاك في دماغها
خديجه: حاطه مين في دماغي انتي بتتكلمي عن مين بظبط
ليل: معلش ي خديجه حقك عليا
_ لحظه 😳خديجه مين هي دي مش طليقتك
ليل باستغراب: طليقتي واي اللي هيجيب طليقتي هنا دي بنت عميو اتفضلي يلا اوصلك البيت كفايه فضايح
_ لاء لاء استني معلش (وبصيت علي خديجه وانا كلي ندم ) هتصدقيني لو قولتلك اني مقصدش اعمل فيكي انتي كده انا فكرتك طليقته والله وكمان لما شفتك قريبه منه كده الغيره شالتني انا اسفه وهاتي ي ست راسك ابوسها
خديجه: خلاص مش مستاهله كل ده بس بلاش تهورك ده كنتي هتموتيني
_ خلاص اسفه والله وكمان اول مره اشوفك ويحصل بينا الموقف ده حقيقي مش عارفه اقول اي

خديجه بتفهم: علفكره انا لو مكانك كنت هعمل كده واكتر بس الاول كنت هسأل مين دي مش اخل اضرب علطول
_ هههههه ان شاء الله المره الجايه هحاول اسأل
ليل: خلصتي
_ ماهو انا اعتذرت خلاص #بقلمي_اميره_رمضان
ليل: خديجه اخوكي في الدور الرابع تاني اوضه علي ايدك الشمال وانتي طالعه من الأسانسير
خديجه: تمام هستناكم فوق
(ليل بصلي وقال: اتفضلي قدامي وشاور علي العربيه ركبت العربيه وهو ركب وخبط الباب جامد )
ليل: ينفع اللي حصل ددددده
_ماهو
= انا سألتك سؤال وبقول ينفع اللي حصل ده
بصيت في الارض وقولت_لاء
= حلو امال عملتيه ليييه بتتصرفي بالطريقه دي ليه انتي معلمه وقدوه لتلاميذ مفروض يكون عندك تفكير قبل متعملي اي حاجه من التصرفات الطايشه دي
_ ماهو انا لما شفتها جنبك حسيت اني عايزه اولع فيها مفكرتش بقا وضربتها علطول
= انا مش هعلمك ازاي تتصرفي مع الناس وزي ما خديجه قالتلك تبقا تسالي الاول وبعدين اتصرفي بلاش الاندفاع ده
_ خلاص انا قولت اسفه ولو مش قابل اعتذاري ومكسوف انك تمشي معايا بعد اللي حصل روحني (وبصيت الناحيه التانيه مسحت دموعي قبل ميشوفها بس خد بالو )
ليل: انزلي نطمن علي فارس وبعد شويه نطلع نجيب ايان وتالين
بصتلو بعدم استيعاب: انت بتتكلم جد هتروح تجيبهم
ليل: انا مش شرير اوي يعني دول ولادي
__________
عند فارس الباب خبط
نوح: ادخل
(دخلت خديجه وشافت فارس جرت عليه وحضنتو)
خديجه بحزن: حبيبي عامل اي حاسس باي انت متبهدل كده ليييه
فارس ؛ قولي الحمد لله انها جات علي كده
خديجه: الحمد لله انا اول معرفت اتجننت وجيتلك علطول (انا وليل دخلنا في الوقت ده )
ليل: انا عايز اعرف مين اللي قالك
خديجه: انا برن عليه كلعاده بس لقيت حد غريب بيرد عليا وبيقولي صاحب التليفون ده عمل حادثه وراح المستشفي بس بعديها رنيت عليك عشان اتاكد
ليل بص لفارس ونوح: والباشا عمل الحادثه فين وازاي
فارس بص لنوح: انت قلتلو
نوح: لاء والله سايبك انت اللي تقولو

ليل بصوت عالي: اخلص انت وهو وقول اي اللي حصل
فارس: عادي يعني كنت راكب الموتوسيكل بتاعي(المكنه ) وعملت حدثه انت بتسأل اساله مش منطقيه خالص
ليل: ده علي اساس اني عيل صغير هتضحك عليااااا
نوح: من الاخر بقا فارس كان في سباق موتوسيكلات والسلك بتاع الفرامل اتقطع وعمل الحادثه
ليل بغضب: برضووو رحت لسباااااق ده تااااااني
#بقلمي_اميره_رمضان
فارس: قولتلو ليه الله يخربيتك طب منتا كنت معايا
ليل بغضب: انتو الاتنين كنتو هنااااك انتو اتجننتو انا مش قلت مفيش حد فيكم يروح هناك مسمعتوش كلااااامي
نوح: اهدا بس والله كنا زهقانين عشان كده رحنا نغير جو
ليل: حلو اوي الجو الاحنا مقضينو في المستشفي ده
خديجه بدموع: نوح انا مش قولتلك زمان وغلاوتي عندك متروحش المكان ده تاني انت ولا فارس
نوح بغضب: انتي دلوقتي مبقتيش غاليه عليا يعني اعمل اللي عايزو
(خدت بالي ان فيه حاجه بين نوح وخديجه ): متهدو كده ي جماعه مالكم كلكم اتعصبتو كده ليه الحمد لله انها جات علي كده وهو يومين وهيقوم زي الحصان
ليل: حسابي معاكم بعدين
فارس غير الموضوع: هو انا لازم اعمل حادثه يعني عشان حضرتك تنزلي مصر
خديجه: منتا عارف ان حياتي ودراستي هناك اجي مصر ليه
نوح اتضايق اوي: طب انا رايح مشوار كده ي فارس وهبقا اعدي عليك كمان شويه
_ الف سلامه عليك ي كابتن
فارس بهدوء: الله يسلمك تعبتي نفسك وجيتي ليه بس
_ لا تعب ولا حاجه المهم انت شد حيلك كده عشان تطلع من هنا
فارس: قريب ان شاء الله
بصيت لخديجه _ اوعي تكوني لسه زعلانه مني
خديجه: لاء والله خلاص وبعدين انا عندي فضول اتعرف عليكي اوي ومش هحسب اللي حصل تحت ده
فارس: هو اي اللي حصل
_______#بقلمي_اميره_رمضان
في السوبر ماركت
زياد: انتي عملتيلي بلوك ليه
ندي:لان ده لازم يحصل واديني الطلبات بقا خليني امشي
زياد باستغراب: ندي انتي بتتكلمي كده ليه
ندي: زياد انت ملكش عندي غير كلمتين وانت حر لو عايزني مش هيفرق معاك طلبات امي وابويا وهتشتريني بالغالي لكن الشغل ده مش عايزاه ومش هستنا اكتر من كده انا تعبت واستحملت كلام زي السم عشانك وانت مش قادر تعمل اي حاجه عشاني كل اللي في ايدي عملته الدور عليك انت بقا سلام
__________
في العربيه
_ ليل هو في حاجه بين خديجه ونوح

ليل: اممممم كانو بيحبو بعض بس محصلش نصيب يتجوزو وكل واحد مشي في طريق
_ ليه حصل اي
= ملناش دعوه بحد مش هتستفادي حاجه لو عرفتي
_ ماهو برضو انت مش هتخسر حاجه لو قولتلي
= هخسر صحه وهاخد ذنوب عايزه تعرفي يبقا اساليها هي
_ماشي المهم يبقا فكرني لما نروح عايزه اتكلم معاك في موضوع
=هو مهم
_ اه لاء مش مهم يعني هو مهم شويه اقولك سيبك ولا كأني قولت حاجه
= انتي هبله ي بت انتي ولا اي
(وصلنا واقنعت ليل بطلوع الروح ننزل نجيب ايان وتالين واقتنع بالعافيه )
ايان اول مشاف ليل جري عليه وحضنه اووووووي
تالين ؛ انا بحبك ي بابا عشان جيت تاخدنا
ليل بصلهم بحزن
_طب يلا بقا نمشي انا جعانه اوووي
ايان: لاء خلينا واقفين شويه عشان اغيظ حمزه زي ما كان بيغيظني
ليل باستغراب: بيغيظك ليه
ايان: عشان هو ديما باباه ومامته بيوصله الحضانه وانا لاء
(ليل بان عليه الحزن اوي وفضل ساكت لحد ما حمزه خرج )
حمزه: مين ده باباك
ايان: اه ده بابا (وبصلي وغمزلي وقال )ودي ماما
_ عامل اي ي حمزه
حمزه: كويس بس مش بشوفكم ليه مع ايان (ده اي الواد الرخم ده )
(ميلت علي ايان حضنتو وقولت ) مش هتبقا اخر مره تشوفنا معاه #بقلمي_اميره_رمضان
_________
خديجه كانت خارجه من الاوضه وقابلت نوح
نوح بصلها وسابها ومشي وهي راحت وراه
خديجه: نوح مسلمتش عليا ليه دانا حتي جايه من سفر
نوح بعدم اهتمام: حمد لله علي السلامه
خديجه: هو ده ترحيبك بيا
نوح بغضب: ليه حضرتك كنتي مستنياني اخدك بالحضن ولا اي

خديجه بحزن: لاء بس انت مكنتش بتعاملني بطريقه ده
نوح: اتعودي بقا علي كده
خديجه: انت ليه مش مقدر موقفي
نوح: لاء طبعا ازاي مقدر طبعا ماهو انا افضل اقدر مواقفك ومشاعرك وانا بنسبالك حيوان معنديش مشاعر ده حتي الحيوان بيكون عندو وبيحس برضو
خديجه: انا اسفه مقصدش ازعلك نوح:اسكتي ي خديجه بالله عليك وبلاش اعذارك لانها اقبح من الذنب نفسه #بقلمي_اميره_رمضان
وسابها ومشي
خديجه قعدت علي الكرسي بحزن وبكت علي اللي وصلت ليه
_________
بليل
(ليل كان قاعد بيشتغل في الاوضه وانا اقتحمت عليه الاوضه )
_ تعرف انا مبسوطه اووي
ليل: ربنا يسعدك كمان وكمان
_ مش هتسأل فرحانه ليه
ليل: لو عايزه تقولي قولي
_ دانت فصيل بجد بس برضو هقول فرحانه لما سمحتلي اني اوصل ايان وتالين وكمان اروح المستشفي عشان اكون معاك
ليل: والله
خدت بالي انا بقول اي: لاء مش قصدي كده اقصد يعني اني ازور صاحبك وانك متعصبتش عليا لما اتصرفت وحش مع خديجه بالعكس فهمتني غلطي وكمان والمفاجاء اللي مكنتش متوقعاها انك تروح انهارده الحضانه لايان وتالين
ليل ببعض الحزن: هو انا اب قاسي اوي كده
_ شوف انت مش اب قاسي بس انت معندكش فكره تتصرف معاهم ازاي وكمان معندكش وقت كافي انك تكون معاهم
ليل: امال فكرتك عني في اول يوم شفتك فيه كانت وحشه ليه
_ مكنتش فاهمه بس ده ميدكش الحق انك صح لاء طبعا ومش هنجيب الغلط عليك برضو
ليل: يعني اي بقا

_ يعني هنحاول نصلح المواضيع اي رايك تحدد يومين في الاسبوع تودي فيهم ايان وتالين الحضانه وتجيبهم مش هقولك كل يوم #بقلمي_اميره_رمضان
ليل: مش عارف
_ لاء متقولش مش عارف قول موافق
ليل: خايف اوعدهم بكدا ويحصل حاجه مرحش اجيلهم ويزعلو
_ خلاص نحدد يوم واحد ومهما يحصل لازم تروح تجيبهم اي رايك وانا برضو معاك وهساعدك
ليل بحب: شكرا
_ العفو متنساش برضو انت كنت لسه عاملي معروف لما كان عمي هنا وحده بوحده خالصين
ليل: لاء مش خالصين كان ليا مقابل
_ انت لسه فاااااكر
ليل: اه
_طب قول واخلص
ليل: اتكلمي عدل (وخبطني علي كتفي )
_ هو ده طلبك يعني
ليل: لاء طبعا انتي هتتعدلي غصب عنك 😂
_ امال اي الطلب
ليل: انك هتنامي جنبي علي السرير
_ ااااااااي لاء طبعاااا متفقناش علي كده
ليل: هو احنا كنا متفقين علي حاجه اصلا
_ لاء
ليل: امال مالك انفعلتي كده ليه
_ ايوا ي اخويا عايزني انام جنبك عشان تتحمرش بيا
ليل: اااي اتحمرش اي ده
_ يخربيت الغباء يعني تتحر*ش بيا
ليل: نعام ي اختي يعني انا لو عايز اتحر* ش زي مبتقولي هسيب المزز دي كلها وابصلك انتي ي جعفر
_يالهووووووي بقا انا في نظرك جعفر امال اتجوزتني ليه ي شاروخان زمانك دانت كنت هتموت عليااااا #بقلمي_اميره_رمضان
ليل بضحك: اموت واعرف مين اللي فهمك كده
_ اكيد يعني انا مزه وعارفه
ليل: طب اسكتي اسكتي مزه اي
_ بقا كده ماشي
ليل: انتي زعلتي
_ لا زعلت ولا اتنيلت اسكت بقا
ليل: طب كنتي عايزه تقوليلي حاجه اي هيه
_ انا مقولتش اني عايزه اقول حاجه
ليل: لاء قولتي لما كنا في العربيه اني افكرك تقوليلي موضوع
_ حتي لو هقول بعد الكلام اللي قولته ده مش هقول

ليل: مخلاااص ي بت بقا عايزه تقولي اي
(كنت لازم اقول ماهو مينفعش اسكت اكتر من كده حرام عليا )
اتكلمت بصعوبه من الكسوف _ شوف انا عرفت اني اللي بعمله ده حرام
ليل: اي هو
_ اني يعني هقولك افهمني طب بص منا مش عارفه اقولها
ليل: اتكلمي علطول متخافيش
خدت نفس عميق وقولت: اني مانعاك من حقك الشرعي
ليل: اهااا طب متقولي من الصبح هو ده اللي مخوفك
(سكت ومتكلمتش )
ليل: علفكره انا لو وحش معاكي كنت خدت الحق ده غصب عنك ومفيش حاجه تمنعني بس انا سايبك براحتك وفاهم موقفك ومش هغصبك علي حاجه خالص
فرحت اوي انه قال كده بس قولت بانفعال _ طب لما انت مش عايز تغصبني علي حاجه عايزني انام جنبيك لييييه
ليل: عشان انا عايز كده وده كان شرط يعني بعيد عن الموضوع ده خاااالص
اتكلمت بهدوء: يعني انت مش زعلان مني
ليل: ومالك شايله هم اني اكون زعلان منك ليه كده
_ عشان لو وحده نامت وجوزها زعلان منها الملايكه بتفضل طول الليل تلعنها وانا مش عايزه كده خالص (وقولت بضحك)
اهم حاجه رضاك ي زوجي العزيز
ليل: الله اكبر ده اي الحكم اللي نازله عليك دي انهارده #بقلمي_اميره_رمضان
_ ماهو انا بعرف اكون عاقله وبعرف اكون مجنونه ميغركش الهبل ده
ليل: طب كويس انك قولتيلي (ورجع اشتغل في الورق تاني )
_ عايزني اساعدك في حاجه انا برضو بفهم انجليزي
ليل: مش هتفهمي الشغل ده
_ ليه ي اخويا شايفني غبيه

ليل: العفو انا اللي غبي
_ طب وريني كده وريني بس الورق ده (وهوووب كبيت القهوه علي الورق )
يالهووووووووي
ليل بصلي بغضب حسيت انه هايكلني
_ اهدي بس وصلي علي النبي

ليل بغضب اكتر: اااااي اللي عملتيه ده (وكان جاي عليا بس جريت بسرعه علي اوضه ايان وتالين وقفلت الباب)
ليل: افتحي الباااااااااب
ايان: هو بابا متضايق كده ليه في اي
_ لاء ياحبيبي دي حركه بنحب نعملها قبل العشاء
ليل: حنين افتحي والا هكسر الباب علي دماغك
_ قال يعني لو فتحتو انت هتبوس علي دماغي ماهو انت هتكسرني برضو
ليل بصوت عالي: افتحي الباب احسنلك
تالين ببكاء: انا خايفه

_ بس ي قلبي ( وقولت بصوت عالي )عاجبك كده خوفت البت
ليل: براحتك ي حنين (ومشي)
اتنهدت وقولت: الحمد لله مشي وقعدت مع ايان وتالين نلعب مع بعض #بقلمي_اميره_رمضان
________
سندس: اوس اوس حبيبي يناااااااس
اسامه: عايزه اي
سندس: عايزه تلفونك شويه ممعيش راصييييييد فقيره اعطف عليا
أسامه: يابنتي هو حرام عليكي تشحني رصيد
سندس: استغفر الله ي اخي رصيد اي بس التليفون يتفزع
أسامه: خدي لخصي بقا عشان مش رصيد امك هو
سندس: في اي ي عم هو انت عشان عريس هتشوف نفسك عليا
أسامه: عاجبك ولا مش عاجبك ي بت
سندس: عاجبني يا باشا
(خدت التليفون ورنت علي ندي)
سندس: ندوشه عامله اي
ندي: تمام الحمد لله اي فينك مش بتاجي ليه
سندس: مشغوله والله في الخطوبه
ندي: نعاااااااام اتخطبتي من غير متقووووولي
سندس: انتي هبله ازاي يعني هتخطب من غير معرفكم وبعدين ده لو انا اللي هتخطب كانت مصر كلها عرفت
ندي: انا قولت برضو امال مين
سندس بتمثل البكاء:العيله كلهااا ياختي هتتجوز وانا قاعده زي القلقاسه كده
ندي: معلش ي اختي ههههههه بكرا النحس يتفك
سندس: يلا عقبالك ي بت انتي كمان #بقلمي_اميره_رمضان
ندي: يسمع منك ربنا ي اختي بس مقولتيش خطوبه مين بظبط
سندس: اه نسيت يوم الجمعه ان شاء الله خطوبه اوس اوس اخويا علي بنت عمي شهد
ندي بفرحه: بجد والله الف ملييييون مبروك ي قلبي مبروك ليهم وربنا يتمم فرحتهم علي خير
سندس: يارب ي قلبي متتاخريش بقا واديني رقم الزفته حنين اللي اتجوزت ونسيتنا
ندي: حرام عليكي دي لسه عروسه جديده المفروض احنا اللي نسأل

سندس: عندك حق بس مفكره يعني اني هجيب الغلط عندي ولا اي انتي عبيطه
ندي: ههههههههه طب خدي الرقم ي اختي
___________
سيد: بتكلمي مين ي بت
ندي: دي سندس
سيد: البت دي مش بطيقها عايزه اي منك
ندي: بتطمن عليا وبتعزمني علي خطوبه اخوها
سيد: احنا مش بنروح عند الناس المعفنه دي
ندي بعصبيه: بابا متقولش كده هما كويسين جداا
سيد: اتحمقتي عليها كده ليه ده ابوها مرديش يشغلني معاه
ندي: ي بابا الله يرضي عليك في حد يروح يقول لحد دخلني شريك معاك في مصنع الملابس من غير متدفع فلوس
سيد: طب منا كنت هديلو من الارباح #بقلمي_اميره_رمضان
ندي: يالهووووووي ارباح اي بس انت بتفكر ازاي ده بدل متقوله شغلني عندك في المصنع
سيد: انتي عبيطه ي بت انا اروح اشتغل عند الناس الفقرا دي
ياسين اتدخل في الكلام: علفكرا ي حاج دول ناس محترمه ومستواهم المادي كويس جدا مش فقرا
سيد: اسكت انت مقدرتش تطلع ظابط زي ابنه
ياسين بضيق: وهي يعني كانت جاتلي وانا قولتلها لاء وبعدين مش حضرتك اللي قولتلي لازم اسافر السعوديه عشان فلوسها كتير
سيد: ايوا قولت كده بس فلوسها دلوقتي مابقتش مكفيانا مراتك واولادك واخدين كل الفلوس اللي بتجيبها
(بسمه بصت لياسين وسكتت )
ياسين بعصبيه: بقا مراتي واولادي هما اللي مخلصين الفلوس خلاص انا هاخدهم وامشي من هنا ونروح نخلص فلوسنا في حته تانيه بعيد عنكم (وسابهم وطلع برا البيت )
سوسن: قومتي الواد علينا ي ست بسمه علي الله تكوني فرحتي انتي وامك
بسمه: ي مرات عمي هو انا اتكلمت
سيد: بس ي بت اسكتي انتي هتردي علي مرات عمك ولا اي وبعدين بدل متقولي خلاص ي عمي مش عايزين فلوس ايجار العماره كل شهر وخليها ليك عشان الدنيا ضيقه معاك
بسمه: علفكره دي مش فلوسي لوحدي دي ورث اختي وامي كمان وانا مليش اني اتحكم في ورثهم
سيد: واختك دلوقتي محتاجه فلوس ده هي الفلوس نفسها
ندي: ربنا يزيدها ي بابا ملناش دعوه
سوسن: ملناش دعوه ازاي ي بنت بطني وبعدين احنا هنجوزك انتي كمان لابن عم ليل
سيد: ايوا عشان تطلعينا من الفقر اللي احنا فيه ده

ندي بعصبيه: اقسم بالله لو اخر عريس في الدنيا ماهتجوزو انتو مشبعتوش فلوس مش كفايه اللي اخدتو من ليل وقبضتو تمن حنين عايزين تبعوني انا كمان هي رضت واتجوزت غصب عنها عشان مسكتوها من ايدها اللي بتوجعها لكن انا لاء وانتو عارفين اني مش هسكت زيهااااا #بقلمي_اميره_رمضان
سيد: انتي بتعلي صوتك علينا ي بنت الك*لب ونزل علي وشها بالقلم طططططخخخخ وكان هيضربها
بسمه: ي عمي بالله عليك سيبها(ووقفت بينهم )
سمر ببرود: سبيه خليه يعلمها الادب هتفضل قاعده كده لحد ايمتا اللي في سنها بقا معاهم عيال
ندي بحرقه: اه وبعدها بيطلقو زيك كده وبيرجع يقعدو لاهلهم تاني
سمر: انتي بتعايريني ي بنت ابويا
ندي ببكاء: انا لا بعايرك ولا زفت انا كرهت نفسي بسببكم منكم لله وسابتهم ودخلت اوضتها تبكي
________
سندس: الو ي جذ*مه نسيتي ان ليكي صاحبه تسألي عليها
_ حبيبي والله وحشتيني
سندس: علعموم دي عزومه علي الماشي انا يومين كده واجي اعزمك انتي وجوزك علي خطوبه اخوياااا
_ اي ده حضرت الظابط اخيرا هيتجوز
سندس: الحمد لله هنشوفو عريس قبل ما نموت
_ ههههههههه اه والله هيخطب مين
سندس: شهد بنت عمي
_ الف الف مبروك ربنا يتمملهم علي خير عقبالك ي عانس
سندس: متنساش نفسك ي بت منتي كنتي عانس معايا الشهر اللي فات
_طب ودلوقتي #بقلمي_اميره_رمضان
سندس بتمثل الحزن: بقيت عانس لوحدي اااااااه متقلقيش انا ساكته كل ده عشان اجبلكم حاجه نضيفه
_ ياشيخه اتوكسي انتي لاقيه حد يعبرك
سندس: اااااي ي ست حنيييين مالك جايه علينا كده لييييييييه
_ ههههههههه خلاص بس هسيبك لله
سندس: جوزك عامل اي ي بت
_ زي الفل هيموتني بس
سندس: عملتي مصيبه اااي
(حكيت لسندس كل اللي حصل )
سندس: حنيييين اي التصرفات بتاعتك دي انتي لما كان حد من ولاد اختك يشغبطلك علي صفحه في دفتر التحضير بتاعك كنتي بتقلبي الدنيا وبتزعلي عشان هما بوظو شغلك رغم انها صفحه وعادي تكتبيها تاني لكن انتي بتقولي بوظتي كام صفحه وقهوه يعني خلاص الورق باظ علي كده ومش هيشوف اي اللي كان مكتوب فيه
_ يعني هو انا كنت اقصد
سندس: لاء متقصديش بس تصرفاتك بقت طايشه سيكا بالاخص الموقف اللي قولتيلي عليه لما كنتو في المستشفي يعني انا لو رحيم ابن عمي متجوز وانا واقفه معاه مجرد وقفه بريئه ومراته شافتني وعملت التصرف ده والله انا شخصيا هتضايق منها

_ مش عارفه ي سندس حاسه اني متلغبطه فعلا مكنتش كده بس لما شفته معاها جه في بالي طليقته وغيرت عليه وكل محس انه متجاهلني بضطر اعمل تصرف عبيط عشان يتعصب ويهتم بيا
سندس: ثانيه ثانيه اي الكلام الجامد ده انتي بتتكلمي جد ولا اي والله ووقعنا في الحب
_ مش عارفه برضو ده اي حب ولا تعود ولا كره
سندس: كره اي احنا هنستهبل
_ لاء والله بتكلم بجد مش ممكن اكون بكرهو بسبب الجواز ده
سندس: لاء ده مش كره واللي يثبت كده انك بتقولي مش بتبقي مضايقه لما بتكونو قاعدين مع بعض
_ اه فعلا بكون فرحانه وعايزه اتكلم كتير
سندس: يلا يا اختي روحي شوفي جوزك بيعمل اي واعتذري علي اللي عملتيه مش تهربي
_ منا خايفه ليضربني
سندس: كان ضربك لما غسلتي هدومه كلها واديتي البدله للبواب وكبيتي القهوه علي ايدو ولما ضربتي بنت عمه مش هيسيب المصايب دي كلها وياجي علي المصيبه دي
_ عندك حق وزمانه هدي شويه انا سيباه من ساعه
سندس: اشطا وانا ان شاء الله بعد بكرا هبقا اجي اقعد معاكي شويه
_ تنوريني
(سندس قفلت )
أسامه: حرام عليكي كل ده كلااااام اي مش بتفصلو
سندس: والله اختصرنا ده انا لسه هروح ليها بعد بكرا عشان ادعيهم
أسامه: طب حطي الاكل بسرعه انا والراجل موتنا من الجوع
سندس: رحيييييم انت جعان
رحيم: لاء خاااالص اقسم بالله ي زفته لو مجبتي الاكل لانفخك انا علي لحم بطني من الصبح
سندس: طب متقوم حط الاكل لنفسك
رحيم بغرور: بقا انا ي بت احط الاكل انتي عايزه البشمهندس يدخل المطبخ
سندس: يالهوووي علي النفخه الكدابه اللي المهندسين بيكونو فيها وبعدين انت مهندس ميكانيكي يااض يعني اسمك ميكانيكي
رحيم بطريقه كوميديا: الحقي نووووجه بنتك بتقولي ميكانيكي من غير مهندس الفاشله
نجلاء: غيرانه منك
سندس: علي ايمتي وتتجوز ي أسامه عشان شهد تاجي تريحني
رحيم ؛ عايزين تاخدو اختي مني طب انا مين هيريحني

أسامه: ماهو انت اكل شارب طافح نايم طول الوقت عندنا انت ملكش بيت ياض
رحيم: ماهو ده بيتي برضو ولا اي ي نووووجه
نجلاء: طبعا ي حبيبي
سندس: طب بقولك اي بقا ي ماما حطيلو الاكل طلاما نوووجه وطبعا ي حبيبي والشغل ده
نجلاء: قومي ي بنت الجذ*مه حطي الاكل #بقلمي_اميره_رمضان
__________
طلعت ادور علي ليل بس ملقتهوش في البيت كله رنيت عليه كتير مفيش رد خالص
قعدت وانا هموت من القلق: ياترا انت رحت فين ي ليل

(بعد نص ساعه) لقيته جاي البيت هو وخديجه (رغم اني كنت متضايقه انه خرج من غير ميعرفني بس ماحبتش اتكلم قدام خديجه)
_ خديجه نورتي البيت
خديجه: ده نورك والله انا كنت هروح البيت بس ليل اصر اني اجي هنا عشان مبقاش لوحدي في البيت
_ طبعا مينفعش تبقي لوحدك وده بيتك ومطرحك واطلعي الاوضه دي غيري لبسك لحد مجهز الاكل ونتعشي كلنا
(خديجه طلعت )
_ انت خرجت من غير متعرفني ليه انا دورت عليك كتير ورنيت اكتر وقلقت عليك
ليل: عادي يعني انتي مش كنتي قافله علي نفسك الاوضه شاغله بالك بيا ليه بقا
_ ماهو بصراحه كنت خايفه لتضربني
ليل: اضربك؟!هو انتي كنتي قاصده
_ لاء بس انت كنت متعصب اوي
ليل: بتعصب لما بتستفزيني
_ يعني انت مش متضايق مني لما بوظتلك شغلك
ليل: متضايق شويه بس عادي

_ خلاص بالله عليك بقا انا اسفه انا حطيت نفسي مكانك وعرفت ان الموضوع بيضايق بس اوعدك اني هحاول متصرفش بالطريقه الفوضويه دي تاني
ليل: اتصرفي براحتك انا اصلا بتعامل معاكي زيك زي تالين طفله
قولت بعصبيه_ انا طفلللللله
ليل: جدااااا
________
تاني يوم
في الكافيه
جاسمن ماسكه ورق: برافو عليكي مكنتش اعرف انك هتوصليلو بسرعه كده
حبيبه: انتي مش قولتي كل ماكون سريعه هتزودي الفلوس
جاسمن: بظبط وانا اد كلمتي اهو واتفضلي ي ستي (اديتها مبلغ كبير من المال )
حبيبه: كده خالصين بس لو الموضوع اتكشف هعمل اي
جاسمن: معاكي فلوس تامن مستقبلك في مكان تاني غيرهم روحي اي مكان بس اياكي تجيبي سيرتي
حبيبه: تمام
جاسمن: لو احتاجت حاجه تاني هبقا ابلغك وكله بحسابه
________
بسمه: ندوشه قاعده زعلانه ليه كده
ندي: بقالو يومين من بعد اخر مره اتكلمنا فيها محاولش يتكلم معايا ولا حتي جه يتقدملي
بسمه: متزعليش مني ي ندي بس هو ده زياد انتي مستنيه اي يعني
هو مش صغير عشان مياجيش يتقدم وكمان ماشاء الله حالته الماديه كويسه وعندو شقته وعربيه وامه بتدور ليه علي عروسه اي كل شويه موضوع انه بيجهز نفسه ده عشان لو ابوكي طلب منه حاجه يبقا قدها
رغم انك قولتيلو تعالي انت بس وانا هقف معاك مش هخليهم يطلبه منك حاجه كتيره
وفسختي عشانه الخطوبه مرتين واستحملتي كتير لكن هو عمل اي ولا حاجه #بقلمي_اميره_رمضان
لو كان راجل بجد كان جالك اتقدم علطول ودخل البيت من بابه بس اللي عملتوه ده حرام وانتي ربنا نور بصيرتك وسبتي الحرام عشان الحلال كان المفروض لما يحس انك هتروحي منه وطلب منك تفسخي الخطوبه وانتي سمعتي كلامه كان جه علطول اتقدم لكن مازال واقف مكانه يتفرج عليكي
(ندي قاعده تسمع وهي ندمانه )
بس الغلط كان غلطتك انتي لانك سمحتيله يعمل فيكي كده يتمادي معاكي في الكلام وموقفتهوش عند حده لما كل متجبيلو سيرت الجواز يتهرب كنتي لازم تفهمي وقتها
بصي ي حبيبتي لو زياد مكنش نصيبك ربنا هيعوضك بواحد يداوي الجرح بتاع زياد واهلك اتفائلي خير ربنا شايلك الاحسن وهتبقي تقولي بسمه قالت
ندي: انا زعلانه اني هونت عليه رغم انه مكنش بيهون عليا سمعت كلام كتير من حنين وسندس انه بيتسلي بيا وانه بيكلم بنات غيري ومفيش حب بيبقي فيه كل التنازلات دي بس انا كنت بقول هما ميعرفوش الحب بتاعنا عامل ازاي بس كان عندهم حق هو لو كان بيحبني مكنش سايبني اتهان من الكل بطريقه دي #بقلمي_اميره_رمضان
بسمه:بصي ي ندي انا برضو مش هكون ضده اوي هو ممكن يكون بيحبك فعلا بس ده سوري جبان خايف من اهلك واهلك مينفعش معاهم واحد طري زي ده لازم يكون واحد مقتدر عشان يقدر عليهم وفي نفس الوقت لازم يكون بيحبك بجد ويستحملك ويستحمل اهلك مهما حصل مش انتي بس اللي تستحمليه وكمان انا بقيت فرحانه انك ملتزمه بالصلاه اوي وكمان قيام الليل
الله اكبر عليكي
ندي: اهي دي الحاجه الوحيده اللي بتريحني وبتصبرني علي اللي انا فيه
بسمه حضنتها: متزعليش ي قلبي فرج الله قريب
_________
تاني يوم
_ هتروح تجيب فارس ايمتي
ليل: ليه
_ هو انت ما بتعرفش تجاوب من غير ليه دي بسال عشان اعرف اجهز الاكل ايمتا
ليل: هبقا اتصل بيكي واقولك

_ ماشي سندس هتاجي تقعد معايا شويه
ليل: تنور في اي وقت ولو محتاجه حاجه قولي لعم صبري يجبهالك ومعاكي مدام كريمه ولو سندس جات خليكي معاها ومدام كريمه هتعمل الاكل
_ اقعد معاها اي دانا هخليها هي اللي تعمل الاكل
ليل: عيب دي ضيفه
_ ضيفه اي اسكت ي ليل اسكت دانا كنت بخليها تغسل الموعين في بيت امي مش تطبخ وبس
______
في الشركه
ليل دخل كانت الشركه كلها متوتره والامور مش كويسه
ليل: اي في اي
نوح بحزن وعصبيه: ورق الصفقه ضاع مش لاقيه في المكتب خالص
ليل: انت بتكلم بجد
نوح: اه والله انا لما خدته منك حطيته في هنا مع باقي الورق وجيت اجيبه انهارده عشان اراجع عليه ملقتهوش
وقلبنا عليه الشركه مش لاقينه خااالص
ليل بضيق: ازاي يحصل حاجه زي كده في شركتي
نوح: انا هتجنن الورق ده لازم يكون معانا بكرا والا هنخسر كتير اوووي #بقلمي_اميره_رمضان
_________
في الورشه
وليد: بشمهندس عامل اااي
رحيم: اهلا ي وليد اخبارك اي ازيك ي زياد
وليد: احنا تمام بس بالله عليك عايزينك تصلح العربيه دي بسرعه عشان عندنا مشوار بليل وكمان يومين الخطوبه بتاع ابن عمك ماهو برضو ابن منطقتنا ولازم نعمل معاه الواجب
رحيم: من عنيا اقعدو اشربو الشاي انا بنفسي اللي هصلحها
زياد: تسلم ي بشمهندس
بقولك اي ياض هات سيجاره عشان السجاير بتاعتي خلصت
وليد: خد ياعم مالك كده ههههههه زعلان عشان هتخسر في الرهان وهتدفع
زياد: بس بقا انا كل اللي مضايقني انها مباقتش ترد عليا ولما قولتلها تعالي نتقابل ضروري وبتاع عملتلي بلوك
وليد: منا قولتلك البت دي اخرها تلفونات وبس ملهاش هي في الحوارات التانيه دي
انت بقا اللي قعدت تظيط وتقول انا هخليها تحبني وتبقا زي الخاتم في صباعي وهتعمل كل اللي اطلبه منها والكلام ده كلو وفي الاخر كرفتلك هههههههه
زياد: متضحكش وربنا مهرحمها هي مش عملتلي فيها البت المحترمه انا بقا هخليها تندم انها قالتلي لاء
وليد: انت بتحبها ياض ولا اي
زياد: هحب مين ولا مين دانا بكلم بنات بعدد شعر راسي هو انا بتاع حب بس اديني بتسلي
وليد: خلاص فكك منها وخليك مع البنات التانيه وملكش دعوه بالمشاكل وادفع فلوس الرهان وانت ساكت
زياد: لسه مستسلمتش هخليها تاجي لحد عندي وهعمل فيها اللي انا عايزو وساعتها هكسب الرهان وفي نفس الوقت هرد كرامتي
رحيم اتدخل في الكلام لانه كان قريب منهم وسمعهم: زياد بلاش اللي انت بتعملو ده واتقي ربنا انت عندك اخوات بنات برضو
زياد: انا اخواتي محترمين مش زي البنات الصايعه دي
رحيم: انا مقولتش انهم مش محترمين بالعكس انا بقول ممكن حد يوقعهم في الغلط زي منتا عايز تعمل في البنت اللي بتتكلم عليها دي ولو هي صايعه زي مابتقول كانت جات معاك اول مقولتلها مش قالتلك لاء وعملتلك بلوك

زياد: رحيييم بقولك اي اللي سمعته تنساه وملكش دعوه بيا مش عشان ابن منطقتي تتكلم معايا بعشم كده
رحيم: والله انا بقولك اللي المفروض اي راجل يعمله لكن اللي زيك ميعرفش حاجه عن الرجوله
زياد بعصبيه: انت ملكش انك تتكلم معايا كددددده ساااااامع ولا لاء وهعمل اللي في دماغي
وليد: اهدي ي زياد مينفعش اللي بتعمله ده
رحيم: عربيتكم خلصت اتفضلو خدوها وحسابها وصل وياريت تفهم صاحبك ان غلط اللي بيعمله ده بدل منتا مستني فلوس الرهان
(زياد طلع من الورشه متضايق اووي من اللي حصل)
زياد: دانا بقيت ملطشه بسببها طب والله لاخد حقي منها انهارده
وليد:متنساش ان ياسين اخوها ممكن يقتلك لو قربت منها
زياد: دي جبانه متقدرش تقول حاجه (وقال بشر) وانا ي انتي ي ندي

متنساااااش ان ياسين اخوها ممكن يقتلك لو قربت منها
زياد: دي جبانه متقدرش تقول حاجه(وقال بشر) ي انا ي انتي ي ندي
هات تلفونك بسرعه
وليد: اهو هتعمل اي
زياد: هكلمها من عندك عشان عملالي بلوك (بعد كذا رنه ردت)
الو عايزك ضروري ومتقوليش لاء لقيت حل لموضوعنا بس لازم اشوفك عشان نتفق هنعمل اي بظبط
ندي: لاء مش هينفع
زياد: براحتك ي ندي اديني انا اهو اللي بحلها وانتي اللي بتعقديها
ندي: طب قول في التلفون
زياد: ندي انتي خايفه مني مش واثقه فيا تاجي تقابليني
ندي: انا مش خايفه منك انا خايفه من ربنا #بقلمي_اميره_رمضان

زياد: طب قوليلي انتي هعمل اي مش هينفع في التلفون وبعدين دول خمس دقايق هتاجي هقولك هنعمل اي وهتمشي
ندي: لاء ي زياد مش هاجي
زياد بغضب: خلاص متاجيش وانا هروح لاخوكي وابوكي وهقولهم علي كل حاجه
ندي بخوف: هتقولهم اي
زياد: هقولهم ان بنتكم بتحبني وبتكلمني وصورها معايا اي رايك بقا
ندي بصدمه: زياد انت ممكن تعمل كده فعلا
زياد بشر: جربي متاجيش وساعتها شوفي هعمل اي هستناكي في الشارع اللي وراه الجيم واياكي تتاخري الساعه 5 وتكوني قدامي (وقفل التليفون )
وليد: انت ناوي تعمل اي
زياد: مش عارف بس اما تاجي اللي نصيبها فيه هيحصل
________
في الشركه
اثناء اجتماع كل الموظفين
ليل بغضب: انتو عارفين الورق اللي ضاع ده مهم ازاي انا مش بتهم حد فيكم انتو بتشتغلو من زمان ومصدر ثقه وحتي الموظفين الجداد كلهم كفاءه بس انا بقول في حين ان حد شاف حد عمل كده يقول لان ورحمت امي اللي هعرف انه هو اللي خد الورق مش هيحصلو كويس وانتو حرين #بقلمي_اميره_رمضان
حبيبه: حضرتك ليك اعداء في الشركه
ليل: لو ليا اكيد مكنتش خليتهم قاعدين لدلوقتي
حبيبه: انا من راي ممكن حد خد الورق لحساب عدوك في السوق

مدير الحسابات خالد: انتي مضفتيش جديد ماهو ده اكيد اللي حصل بس مفيش حد بيدخل المكاتب بتاع مستر ليل ومستر نوح ومستر فارس غيري انا والفريق الجديد والسكرتاريه فالموضوع بيدور حولينا احنا بس
حبيبه بخوف ولكنها تتحلي بالثبات: طب وليه ميكونش انت اللي اخدته
ليل بغضب: استاذ خالد معانا من زمان ومصدر ثقه
حبيبه: يعني الفريق الجديد هو اللي عمله انتو بتتهمونا
نوح: اهدي ي انسه حبيبه احنا مش بنتهم حد احنا بنحاول نوصل لمين اللي عمل كده
______
اي رايك في البانيه
سندس: حلو اوي بس اي الدلع ده قاعده بشعرك عادي مش خايفه ليل يدخل فجاءه
_ اسكتي انتي متعرفيش اخر الاخبار
سندس: خير
_ ليل ده طلع احن واجمل واحسن حد في الدنيا كلها حصلت حاجات كتيره اوي الفتره اللي فاتت اثبتلي انه فعلا سندي وعوضي من ربنا وان ربنا مخذلنيش لما كنت بدعي #بقلمي_اميره_رمضان
سندس: ماشاء الله ده اي الجمال ده ربنا يسعدكم ويديمها عليكم سعاده
_ يارب هو لسه ناقص بس اني اخليه يلتزم في الصلاه وكده ابقا مرتاحه
سندس: فرحانه اوي انك فرحانه كده وكمان كنت هجيب ندي معايا واتصلت بيها كان صوتها تعبان كده قولت وانا راجعه من عندك ابقا اروح اشوفها رغم ان عمك بيكرهني بس هشوفها من علي الباب وهمشي
_ اه بالله عليك شوفيها البت دي مش عارفه حظها عامل ليه كده مشافتش يوم عدل وكمان موضوع زياد متعرفيش وصل لفين
سندس: مبقتش تكلمو
رديت بفرحه: انتي بتتكلمي بجد
سندس: اه والله قالتلي من يومين انها مش هتكلمو تاني وده اخر قرار لحد مياجي يتقدم
_ طب كويس والمحروس ده هياجي ايمتي مش عارفه انا هو مستني اي
سندس: مستني لما ياخد الاذن من مامي (وقالت بضحك) منا قولتلكم اجوزكم اخواتي وانتو اللي اتبطرتو
دخلت خديجه وقالت بضحك: مين اللي هيتجوز
سندس: اهلا انا سندس صاحبه حنين وانتي
خديجه بفرحه: وانا خديجه اخت فارس اللي متكسر في المستشفي وبنت عم ليل

سندس: اهلا بيكي ي قمر بقولك اي انا جايه اعزمكم علي خطوبه اخويا يبقا تعالي مع حنين وليل ماشي
خديجه:الف مبروك عقبالك ولا انتي متجوزه
سندس بتمثل الحزن: لاء ياختي سنجل
خديجه: هههههه وانا كمان بس متوهيش الموضوع مين اللي هيتجوز
سندس: هقولك انا اخويا ظابط شرطه
_ يادي ام ظابط الشرطه اللي واجعه دماغنا بيه ده #بقلمي_اميره_رمضان
سندس: بس ي بت ده انا كنت هجوزهولها بس هو اللي مرديش
_ ي بنت الكد*ابه
سندس بضحك: بصراحه ابن عمك اللي سبق وخدها
_ دي كدابه اصلا اسامه اخوها كده كده هيخطب بنت عمه واهلهم متكلمين عليهم من وهما صغيرين
خديجه: وانتي محدش اتكلم عليكي ي حزينه
سندس: منهم لله كانوووو هيتكلمووو عليااااااا بس نعمل اي في خبث الامهات ده
خديجه بفضول: حصل اي
سندس: هقولك انا ورحيم ابن عمي واحمدابن خالي اتولدنا كلنا في سنه وحده رحيم اكبر مني بسنه واحمد اكبر مني ب 6شهور
طبعا امي كانت عارفه انهم هياخدوني لرحيم وهي عايزه احمد ابن خالي راحت بقا عملت اي رضعت رحيم عشان كده يبقا اخويا ومينفعش نتجوز واتجوز احمد ابن خالي
خديجه: حلو يعني انتي كده محجوزه لاحمد ابن خالك
سندس: متفكرنيش احمد ده م١ت وهو عندو سنتين يعني كده انا لا طولت احمد ولا رحيم شفتي حظ منيل كده 😭😂
خديجه: يالهوووووي ههههههههه دانتي احزانك مسخره
سندس: بتضحكي علي احزاني ي جذ*مه #بقلمي_اميره_رمضان
______
ندي كانت بتصلي وبتدعي: يارب انا عارفه اني اللي هعمله ده غلط بس مش عارفه اعمل اي انا خايفه اوووي يعمل حاجه بصوري انا غطانه اني كلمته بس ندمت وهو مش هيسيبني يارب طلعني من الانا فيه ده علي خير واسترها معايا يارب وانا مش هرجع لطريق ده تاني وانت اللي عالم بيا 😢
(طلعت من اوضتها ) رايحه فين ي بسمه

بسمه: طالعه عند امي شويه كنتي عايزه حاجه
ندي: لاء بسأل بس
(بسمه مشت وندي جهزت وراحت تقول لامها )
ندي: انا نازله اجيب كريم لشعر عشان خلص
سوسن: هاتي اجبلك انا
ندي: وانتي من ايمتي بتجبيلي حاجه #بقلمي_اميره_رمضان
سوسن: تصدقي انا غلطانه ي بنت الجذ*مه طب مفيش نزول
ندي:لاء لازم انزل عشان شعري هيبوظ
سوسن بعصبيه: غوري انتي هتصدعيني
________
تالين: كفايه انا ثبعت (شبعت)
_ خلصي كل الاكل اللي فيه طبقك شوفي ايان شاطر ازاي وخلصه
تالين: انا خلاص مث قادره
سندس: كده ي لولو طب اي رايك خلصي كل الاكل ده وانا اخلي حنين تجيبك معاها بعد بكراخطوبه اخويا
ايان: وانا هاجي الفرح
سندس: انت كده كده جاي ي قلبي عشان خلصت اكلك كله لكن تالين مش هتاجي الا لما تخلص
تالين: هو مالك هيبقا هناك
_ ايوا ي صايعه هيبقا هناك
ليل: مين دي اللي صايعه
_ يالهووووي انت جيت نورت لاء دانا بقول لسندس
ليل: اهلا ي ميس سندس نورتي والله
سندس بتكتم ضحكتها: الله يكرمك تسلم
(ليل بصلي وقال) البسي الطرحه عشان فارس هنا
فارس من وراه بصوت عالي: يابني حرام عليك تعالي اسندني هو مش باين عليا اني مريض ولا اي
ليل: ماهو انت معاك عكاز اسند عليه ي صغنن
خديجه: حبيبي اسندك انا تعالي
فارس: تعالي ي سندي انما انت ربنا هيخدلي حقي منك (وشاف سندس وافقه)
انتي ميس سندس
سندس: ايوا انا
فارس: ازيك انا فارس الحديدي
ليل: حصلنا الرعب ي اخويا يلا اخلص عشان تطفح واوصلك بيتك واخلص منك
فارس: بيتي ااااي امال مين هيساعدني لاء ي عم انا هقعد هنا
ليل: مش عارف انا اي الناس الطفسه دي #بقلمي_اميره_رمضان
سندس: انا همشي ومتتاخروش بقا بعد بكرا خطوبه اخويا هستناكم تنورونا
________

ندي وصلت المكان وكانت خايفه
زياد: نورتي
ندي بخوف: اي الحل اللي عايز تقوله
زياد: مالك خايفه كده ليه تعالي بس نقعد الاول ونتكلم
ندي: زياااااد خلص بقا وقول عايز اي وبعدين بتهددني انك هتقول لاهلي مكنتش متخيله انك تعمل كده
زياد: تعالي بس نقعد الاول واسمعي الكلام
ندي: لاء انا مش هقعد كفايه اني جيت لحد هنا قولي بقا عايز ااااااي
زياد: متعليش صوتك علياااااا
ندي: خلاص انا ماشيه (وجات تمشي مسك ايدها جامد وقال بغضب) بقولك ااااااي انتي هتستعبطي
ندي بخوف اكبر: انت ماسك ايدي كده لييييه اوعي ايدددددك
زياد: شد ايدها اووووي
ندي بخوف والم: ااااااااه ايدي
وفجاء زياد اتفاجاء بالبوكس في وشه: اااااااااه
ندي بخوف وصدمه: رحيييم 😳
______

زياد بغضب: انت بتراقبني ولا اااااي وازاي تمد ايدك عليااااا كدددده
رحيم بغضب: انا مش قولتلك غلط اللي هتعملو ده وحذرتككككك وهتعمل كده في مين في بنت منطقنك ي و*ااااطي
(ومسكو من ملابسه وضربه بدماغه علي وشه مناخيرو نزفت وندي واقفه هتموت من الرعب رحيم لاحظ ان الناس هتتلم علي صوتهم )
رحيم بصوت عالي: ندددددي امشي من هناااا
(ندي واقفه تايهه في صدمتها) #بقلمي_اميره_رمضان
رحيم بصوت اعلي: قوووولتلكككك روحي علي البيت يلااااااااا
(ندي فاقت من صدمتها وروحت البيت بسرعه وهي مش مستوعبه اي حاجه )
زياد: انت فاكر نفسك راجل عشان بتضربني
رحييم: ابدا والله دانا زعلان بس عارف ليه عشان بمد ايدي علي حررررريم مش راجل
زياد قام وضرب رحيم بالبوكس في وشه: انا هوريك مين الحريم

(وجه يضربه تاني بس رحيم فلت منها وضربه بغضب شديد وزياد ضرب رحيم كذا ضربه خفيفه)
رحيم: انا مشفتش في وسا*ختك بتهددها بصورها يعني هي امنتك علي صورها وانت بتهددها ي ك*لب
زياد: مش هي اللي وس*خه وكانت ماشيه معايا
رحيم ضربه مره كمان: عشان كانت مفكراك راجل وعزه جلاله الله لو قربت منها ولو حتي من بعيد مش هيحصلك طيب
(ومشي شويه ورجع تاني )
رحيم: هات تلفووووونك
زياد: لاء (رحيم لف دراع زياد وراه ضهره جامد )
زياد: ااااااااه انت مجنووووون دراعي هيتكسر ااااااااااااه
رحيم: مش هقرر كلمتي تاني
زياد بالم: سيب دراعي هطلع ازااااااي (رحيم ساب دراعه وزياد طلع التلفون)
رحيم: افتحو ي خفيف (ومسك دراعه تاني نفس المسكه) (زياد قاله الباسورد وفتح الموبايل )
رحيم دخل علي كل مواقع السوشيال وفتح محادثات ندي ومسح كل الصور من علي الموبايل خالص وبعدها مسك التلفون كسره برجليه
زياد بغضب: طب انت مسحت صورها بتكسرو ليه #بقلمي_اميره_رمضان
رحيم: عشان صور البنات التانيه ي زبا*له (ورغم ان التلفون اتكسر خالص رماه في البحر جنبيه)
رحيم وهو ماشي: متخليش دماغك تشتغل وتحاول تجيب صورها باي طريقه كانت عشان انا اللي هقفلك لو قربت منها واتقي شري احسنلك
__________
ندي وصلت البيت شافت سندس نازله منه
سندس بقلق: ندي مااالك بتبكي ليه
(ندي انهارت في البكاء ومش بتتكلم خالص )#بقلمي_اميره_رمضان
سندس: طب تعالي نطلع فوق
ندي ببكاء: لاء امي فوق ومش عايزاها تسالني مالك
سندس: طب تعالي عندي البيت يلا
ندي: لاء تعالي نطلع شقه ياسين
سندس: طب تعالي بسرعه اما اشوف في اااااي #بقلمي_اميره_رمضان
________

حبيبه بتكلم صحبتها شيماء في الشغل
شيماء: ي حبيبه مينفعش اللي بتعمليه ده
حبيبه: اوف بقا انا غلطانه اني قولتلك اصلا عشان انا عارفه هتصدعيني
شيماء: انا مش بصدعك انا بقولك اللي المفروض تكوني عارفاه انتي خونتي شغلك وسرقتي وخدتي مال حرام
حبيبه: انتي مكبره الموضوع انا خدت ملف يعني مش حوار
شيماء: لاء حوار انتي عارفه ان الملف ده مهم اووي انتي كده هتخسري مديرك كتير اوي ده غير ان لو اتكشفتي يبقي قولي علي نفسك يا رحمن يا رحيم
حبيبه: ي شيخه فال الله ولا فالك
شيماء: احنا كلنا قدام المدير مشكوك فينا وبذات انا وانتي وباقي الفريق الجديد منك لله علي اللي عملتيه في نفسك وفينا
_______
سندس: انا بقالي ساعه قاعده بسالك في اي مش راضيه تقولي وجبت بسمه كمان تعرف مالك
بسمه: الواد زياد ده عملك حاجه
(ندي منهاره في البكاء ومش بتتكلم )
سندس: ي بنتي ردي علينا حرام عليكي
بسمه: انا تعبت من الكلام معاك خليكي ساكته انا هنزل اسأله هو عمل اي
ندي بخوف: لاء لاء بالله عليكي اسكتي
سندس: طب اتكلمي
(واخيرا ندي اتكلمت وقالت كل اللي حصل )
سندس: يالهوووووي طب رحيم عرف منين وشافك ازاي #بقلمي_اميره_رمضان
ندي: مش عارفه انا هتجنن
بسمه: مش ممكن يكون كان معدي وشافك صدفه
ندي: لاء كان باين انه عارف الموضوع عشان زياد قاله انت بتراقبني ورحيم قاله انا مش حذرتك انك تعمل كده
سندس: انا حقيقي مش مستوعبه اللي حصل
بسمه: اي اللي خلاكي اصلا تروحي للزب*له ده
ندي: ماهو كان هيفضحني ويقول لابويا وياسين
بسمه: كان هبقا احسن من انك تروحي افرضي كان عمل فيكي حاجه افرضي اصلا رحيم مكنش موجود كان حصل فيكي ااااي يخربيتكككككك ده غير انك وقعتي رحيم في مشكله يمكن الزفت ده يضربه بحاجه يموته
سندس: بس ي بسمه بقا هي مش ناقصه ان شاء الله رحيم هيبقي كويس انا عارفاه
(وحضنتها وندي مصدقت حد يطبطب عليها وبكت بحرقه)

(سندس روحت وكان رحيم مش في البيت ولما سالت اسامه عليه قال انه عندو شغل كتير وفضلت وراه لحد معرفت انه جه البيت ونام)
________
تاني يوم
نوح: انا مش عارف خليتنا نحضر ليه طلاما مش هناخد الصفقه وهنخسر العربون كمان عايز تخسرنا مقامنا
ليل ببرود: انا معرفش يعني اي خساره #بقلمي_اميره_رمضان
نوح: بلاش الثقه دي انا وانت عارفين اللي فيها
ليل: استني وهتشوف
(في الجانب التاني )
جاسمن: متقلقش ي بابي الصفقه في جيبنا
عزت: انا مش عارف انتي جبتي الورق ده ازاي شوفتي لما بتركزي اي اللي بيحصل وكمان هيبقا اول مره في التاريخ ليل الحديدي يخسر وهيبقا خسران مني انا
جاسمن: دانا مستنيه اللحظه دي عشان ادفعه تمن اللي عمله فيا ولسه ي بابا هتشوف هعمل فيه اي تاني
______
سندس: شوشو اخوكي فين
شهد: نايم كلعاده يعني هيكون فين دلوقتي
سندس: طب جهزي الغدا انا جعانه علي مشوفه
شهد: غدا اي احنا لسه مفطرناش
سندس: اعملي اي اكل بقا واخرسي عايزه اطفح
(دخلت عند رحيم كان قاعد ماسك التلفون)
سندس: يالهووووي وشك مالو
رحيم: مفيش
سندس: مفيش ازاي يعني وشك متخرشم
رحيم: كنت في خناقه امبارح
سندس: مع زياد

رحيم: انتي عرفتي اه ماهي صحبتك واكيد قالتلك طب مش من باب اولي كنتي تنصحيها ان اللي بتعمله ده غلط
سندس: رحيم ندي معملتش حاجه غلط هي بس مشكلتها انها حبت الشخص الغلط
رحيم: لاء هي كل حاجه كانت غلط اصلا انها تكلمه من وراه اهلها ده كان غلط انها تبعتله صورها ده غلط انها نزلت تقابله في حته مقطوعه اصلا ده برضو غلط واكبر غلط
سندس: مش عايزاك تشوفها وحشه
رحيم: انا مش شايفها وحشه كفايه هي شايفه نفسها ازاي ولا اي احساسها دلوقتي بعد ما اتخذلت فيه
سندس بحزن: متدمره اووي ندي دي مفيش في طيبتها بتثق في الناس بسرعه اوي لو حد قالها خلي بالك من نفسك تقعد سنه فاكره الكلمه دي ومبسوطه من الشخص ده مشافتش الحنيه والامان من ابوها وامها فسهل جدا اي حد يديها شويه حنيه تتعلق بيه سواء الشخص ده صح ولا غلط هي بتتعلق بيه وخلاص
رحيم: متبرريش غلطتها
سندس: مش ببرر والله بس حقيقي هي معذوره هي كده كده غلطانه بس ظروفها كانت اقوي من كده بس هي فاقت من فتره وبعدت عنه وعملتلو بلوك
رحيم: منا عارف #بقلمي_اميره_رمضان
سندس: انا عايزه اعرف انت عرفت ازاي كل ده وازاي رحت هناك
رحيم: سمعت زياد ووليد بيتكلمو في الورشه وحذرته انه يعمل كده مع اني معرفش هي كانت مين ولما لقيته اتضايق من كلامي وطلع خد تلفون صاحبه ورن علي حد وهو متعصب بصراحه ربنا يسامحني بقا اتصنت عليه وعرفت انه هيقابل البنت دي في الشارع اللي وراه الجيم قولت انا هروح هناك عشان لو حاول يعمل حاجه كده ولا كده اوقفه عند حده لما شفت ندي هي اللي جايه كنت بقول يارب متكونش هي وتكون معديه عادي بس هتعدي عادي ازاي في الحته المقطوعه دي ولقيتها وقفت تتكلم معاه انا اتصدمت ازاي تكون هي ندي ولما صوتهم علي ومسك ايدها غصب عنها مدرتش بنفسي الا وانا ضاربه في وشه
سندس: انت زعلان من اللي عملته ولا زعلان منها هي

رحيم: وهي هتفرق انا زعلان من كله
سندس بمكر: طب ليه
رحيم: عادي بنت منطقتي ولازم اخاف عليها وبعدين دي صحبتك يعني زي اختي
سندس بتلقأئيه: انت معجب بندي
رحيم: لاء طبعا عادي انا لامعجب ولا حاجه
سندس: امال ليه شامه الريحه دي وحاسه انك غيران عليها
رحيم: انتي كنتي علطول بتقوليلي فيها شعر وانها اد اي هي محترمه واتصدمت لما شفتها
سندس: طب انا مش عايزاك تقول لابوها بالله عليك خلي الموضوع ده سر
رحيم: مش مستني انك تقوليلي كده الموضوع م١ت خلاص بس ياريت هي اللي تقفله علي كده ومترجعش تاني
سندس: دي حالتها بقت وحشه اووي ومنهاره بمعني الكلمه
رحيم حزن علي حالها: يبقا قوليلها متخفش انا مسحت صورها ودمرت التلفون وزياد مش هيقرب منها تاني ولو حاول بس تقولي علطول
سندس بمكر: انت متاكد ان مفيش اي حاجه ناحيتها #بقلمي_اميره_رمضان
رحيم: بت انتي اطلعي من دماغي مش فايقلك علي الصبح
___________
نوح: انا مش مصدق ازاااي
ليل: مش قولتلك معرفش يعني اي خساره
نوح بصدمه:طب قولي عملتها ازاي دي
ليل: هقولك بس تعالي الاول نروح نشوف الخصم بتاعنا
جاسمن بغضب: ازااااااااي بعد كل اللي عملته ده وبرضو خسرت
ليل جه وقالها: عشان نياتك سوده المفروض تكوني ناصحه شويه باعته ناس تسرق الورق مش تتاكدي انه هو الورق
جاسمن بدون تركيز: انا شفت الورق وكان هو ورق الصفقه (اتصدمت لما خدت بالها من الكلام)
ليل: يعني انتي عملتي كده فعلا شوفي هي حاجه متوقعه من وحده رخيصه زيك بس بغبائك مقدرتيش تشوفي الورق كامل ولا لاء خدته علي عماكي بس الف مبروك الخساره علي مقاسك انتي وبابي
سلام
________

_ طب انتي سبتيه ليه لما بتقولي انه بيحبك اوي
خديجه بحزن: عشان انا كنت حابه اني اكمل تعليمي بره مصر
_ طب مكنتي تكملي تعليمك وهو معاك اي المشكله
خديجه: كنت خايفه ليقف حاجز بيني وبين احلامي عشان كده سبته
_ لاء انتي بعتيه وبعتي حبه بالرخيص #بقلمي_اميره_رمضان
خديجه بحزن: لاء متقوليش كده انا بحبه اوي ومقدرش ابيعو والله بتمني انه يرجع يكلمني تاني زي زمان عارفه كان علطول يهزر معايا ويستفزني ويصالحني ونلعب ونجري وحياتنا كانت بسيطه مكنتش متخيله اني هخسره بسهوله كده
_ يعني انتي ندمانه
خديجه: انا لو يرجع بيا الزمن مكنتش اسيبه لحظه
نوح من وراها: وانا لو يرجع بيا الزمن مكنتش حبيتك اصلا

انا لو يرجع بيا الزمن مكنتش اسيبه لحظه
نوح من وراها: وانا لو يرجع بيا الزمن مكنتش حبيتك اصلا
(خديجه بصت وراها بخضه وصدمه)= انت بتقول اي
نوح ببرود: زي مسمعتي انتي مش سافرتي تكملي تعليمك راجعه تاني ليه
خديجه بدموع: متكلمنيش بالطريقه دي ي نوح
نوح: هي دي طريقتي
خديجه: لاء عمر مكانت دي طريقتك معايا
نوح: لاء ماهي دي الطريقه الجديده اللي حضرتك تستاهليها
_ في اي ي نوح مالك الكلام مش كده برضو اهدي شويه عليها
نوح: حنين متشغليش بالك وسيبك منها المهم فارس فين
_ في الاوضه دي
(نوح مشي وخديجه قعدت تبكي)
=شوفتي بيقول اي انا مابقتش فارقه معاه خالص
_ انا مقدرش الومه علي تصرفاته ده شئ طبيبعي
خديجه: هي مشكلتي اني حبيت اني اكمل تعليمي
_ لاء ي حبيبتي مشكلتك انك حبيتي نفسك ومشفتيش الا نفسك

خديجه بدموع: ي حنييين قولتلك بلاش الكلام ده لانه بيوجع قلبي اووي
_ خلاص سيبك من الكلام خلينا في المهم انتي دلوقتي بتحبيه وعايزاه يرجعلك وتتجوزو ونخلص منكم صح
#بقلمي_اميره_رمضان
خديجه بتفائل: ايوا صح طبعااا
_ انتي مش قولتي انك دارسه حاجات كتيره في الشغل بتاعهم ده وبتفهمي فيه
خديجه: اه
_ طب خلاص احنا كده هنبدء نحل الموضوع
خديجه: ازااااي
_ركزي معايا واسمعي كل كلمه عشان هتنفذيها بالحرف الواحد
__________
فارس: اي ي عم مش ناوي تاجيلي ولا اي
نوح بضيق: معلش بس الشغل كتير ومضغوط
فارس: خسرتو الصفقه صح هو ده بقا اللي مزعلك احنا كده كده كنا عارفين اننا هنخسر
نوح: بالعكس كسبناها
فارس: انت بتتكلم بجد
نوح: اه والله
فارس: طب ازاي
نوح: هقولك
______
ندي قاعده وتليفونها رن
ندي: مين
سندس: انا سندس ي بت بس بكلمك من عند رحيم
ندي بخوف وتوتر: ررحيم ط طب هو عامل اي دلوقتي حصلو حاجه
سندس: لاء ي حبيبتي هو كويس وشه بس فيه كام خبطه كده هيعملها كمادات تلج وهيبقا زي الفل
ندي بندم: قوليلو انا اسفه والله اسفه
سندس: طب متكلميه هو
ندي: لاء لاء متخلنيش اكلمه بالله عليكي
سندس: خلاص

ندي: هو قالك حاجه عن الموضوع
سندس: ايوا قالي كل حاجه وبصراحه متضايق من تصرفك ده
ندي بحزن: طب كنت اعمل اي ي سندس
سندس: متعمليش حاجه ي قلبي خلاص اللي حصل حصل
ندي: هو ممكن رحيم يقول لحد من الاهلي اللي حصل
سندس: لاء طبعا وهو مكنش هيقولي اصلا لولا اني انا قولتلو اني عارفه الموضوع طلعي بقا الموضوع من دماغك واطلعي بقا من الانتي فيه ده وارجعي ندي الفرفوشه تاني
ندي: ازاي وانا خايفه من اللي زياد هيعمله انا قاعده قلبي هيقف ليبعت الصور لاهلي ابويا مش بيتفاهم
سندس: متشليش هم الموضوع لان الموضوع انتهي خالص
ندي ” ازاي
سندس: رحيم عمل كل حاجه تتعمل مسك الواد طلع عين اهله وخد تلفونه ومسح كل صورك ودمرله التلفون وبيقولك كمان متخافيش منه ولو حاول يقرب منك ولا يقولك كلمه وحده بس قوليلو وشوفي هيعمل فيه اي
#بقلمي_اميره_رمضان
ندي بعدم تصديق: انت بتقولي اي انتي بتتكلمي جد يعني خلاص كابوس زياد ده راح خلاص
سندس: بظبط كده والبركه في البشمهندس
ندي: علي راسي البشمهندس ده والله عمري ما هنسي ليه الموقف ده انا حقيقي مش قادره اوصف انا عامله ازاي حاليا
سندس: حاسه بيكي ي قلبي المهم متتاخريش بقا بكرا
ندي: لاء مش هقدر اجي
سندس: ليه بقاااا ي عنياااا
ندي: مش هقدر اجي واشوف رحيم مش هقدر احط عيني في عينه
سندس: ندي رحيم مش هياكلك وخلاص الموضوع خلص وهو مش هيفكر فيه وزعلان عليكي حقيقي وقال اياك بس تقفلي الموضوع ده ومتفتحهوش تاني خلاص بقا متشغلييييش باااالك
ندي: مش عارفه
سندس: بت انتي انا هستناكي بكرا ولو مجتيش انا هخاصمك بجد يلا سلام
(ندي قفلت مع سندس وجرت علي اوضتها صلت ركعتين شكر لله ان ربنا انقذها من كل اللهم اللي هي فيه )
________
بليل
كنت بتفرج علي المسلسل ولقيت ليل دخل ومعاه شنطه كبيره
_ اي ده
ليل: دي هديه صغيره ليكي
_ بجد انا بحب الهدايا اووووي بس بمناسبه اي
ليل: مكافأه ليكي
_ مكافأه ليا انا ليييه
ليل قعد جنبي مسك ايدي بحب: عشان انتي كان ليكي دور كبير اوي في اني افوز بالصفقه
_ انا عملت اي
ليل: فاكره لما كبيتي القهوه علي الورق #بقلمي_اميره_رمضان

_ هي الهديه دي فيها اي بظبط اكيد متفجرات صح
ليل: اي تفكيرك العبيط ده
_ لاء ده مش تفكير ده اكيد ازاي ابوظلك الورق وانت تجيبلي هديه بالعقل كده
ليل: ماهو العقل ده يخليكي تسكتي شويه وانتي هتفهمي
_ قول اما نشوف
ليل: لما عملتي الكارثه دي انا اخدت الورق الشركه وحاولت كتير اعدل فيه بس معرفتش فطلعت علي الشهر العقاري اعمل ورق تاني وده طبعا خد حوالي يومين وفي الوقت ده الورق اتسرق زي ما عرفتي #بقلمي_اميره_رمضان
_ متفكرنيش والله زعلت اووي
ليل: ماهو الورق اللي اتسرق ده كان فيه الورق اللي اتكب عليه القهوه وناقص الخمس ورقات اللي باظو من القهوه
_ انت بتتكلم جد شوف ربنا انقذك ازاي من خساره زي دي واحنا اللي كنا مفكرين ان ده بلاء لينا اتاريها كانت نعمه اللهم لك الحمد
ليل: الحمد لله
_ طب الشنطه دي فيها اي بقا
ليل: افتحي وانتي تشوفي
(فتحتها وكان فيها فستان روووعه لونه اسود )
_ اي الجمال ده بجد تحفهه تعرف انا بعشق اللون الاسود اوووي بجد شكرا ليك
ليل بمكر: شكرا حاف كده
_ امال عايز جنبها اي ي اخويا
ليل: بو*سه
_ انت سافل وانا مستحيل اعمل كده
ليل: انا جوزك ي بت ومفيش حاجه مستحيله وانتي بتقولي ان لو منعتيني منك يبقا حرام صح
رديت بضيق: ايوا صح
ليل: طب يلا اسمعي الكلام بقا
_ من عيوني وقفت وبوست علي راسه _اهو ملكش حجه بقا
ليل: هو انا ابوكي بتبوسي علي راسي خدي ي بت هنااااااا
__________
جاسمن بغضب: دانا هوديكي وراه الشمس بقا بتخدعيني وتجبيلي ورق ملوش لازمه
حبيبه بخوف: ي مدام انا الورق اللي قولتي عليه جبته مدورتش فيه وانتي شخصيا لما اخدتيه كنتي فرحانه اوووي مش ذنبي انا
جاسمن: غبيه ومتعرفيش تعملي اي حاجه هاتي الفلوس اللي اخدتيها
حبيبه: فلوس اي مش هعرف اجبهالك تاني انا صرفت منها كتير وكمان حضرتك انا مهدده اني اتكشف وليل بيه لو كشفني مش هيرحمني

#بقلمي_اميره_رمضان
جاسمن: انتي مفيش منك فايده بعد كده غوري مش عايزه اشوف وشك
حبيبه: خلاص ي مدام اللي تشوفيه
جاسمن بتفكير: بقولك خليكي علي تواصل معايا عشان ممكن احتاجك بس حذاري تغلطي بعد كده
__________
تاني يوم
ايااااااان لبست الكوتش
ايان: اه يلا بسرعه بقا
_ ماشي جايه اهوووو: يلاااا ي ليييييل
(ليل طلع من الحمام )_ انت لسه ملبستش بسرعه هنتااااخر
ليل: استني كده اي ده
_ اي
ليل: امسحي الروج ده
_ ده خفيف خالص والله
ليل: ماهو مغري اكتر من التقيل امسحيه (وغمز وقال)والا همسحو انا بطريقتي
مسكت المنديل بسرعه ومسحته: اهو اهو مسحته في حاجه تاني
ليل: برضو لسه
_ لاء انت بتهزر مفيش حاجه
ليل: تعالي بس اوريكي (وقرب مني وانا هموت من الكسوف وهووووبا تالين تدخل )
تالين: انتو بتعملو اي
اتخضيت: اسألي ابوكي ي اختي
ليل: اي ده مش مظبطه الفستان ليه تعالي اربطلك الحزام
_ههههههه استاذ في تغير الموضوع
ليل بغمزه: بس لسه مخلصناش كلامنا
__________
خديجه: انت رايح فين
فارس باصرار: جاي معاكم #بقلمي_اميره_رمضان
خديجه: جاي فين ي فارس انت شايف حالتك
فارس: انا تعبت من القعده هنا ولازم اطلع اغير جو شويه
خديجه: هتغير جو ولا تشوف الجو
فارس بضحك: هو باين عليا كده
خديجه: مفضوح اوووي
(نزلنا كلنا وفارس وخديجه كانو جاهزين ومشينا علي القاعده)
________

في القاعه
سندس: ندي مالك متوتره كده ليه
ندي: لاء مفيش بس انا مش هطول وامشي عشان بابا
سندس: عشان ابوكي برضو
ندي: سندس متضغطيش عليا بالله عليكي
سندس: خلاص مش هضغط انا عايزه راحتك اعملي اللي يريحك وبعدين احنا بعيد عن رحيم انا مش عارفه انتي خايفه كده ليه ده لو كان زياد مش هتخافي منه كده
ندي: ماهو عشان رحيم عيني منه في الارض
سندس: طب بقولك اي فكك من النكد ده وتعالي نرقص مع العروسه
ندي: لاء طبعا انتي عارفه اني مش برقص برا البيت
سندس: هههههه طب تعالي سقفي زي كلب البحر #بقلمي_اميره_رمضان
(وصلنا القاعه وكنت مبسوطه اووي عشان شوفت عيلتي كلها هناك والكل كان فرحان )
سندس جات تسلم علينا ومعاها رحيم
سندس: منورين الفرح كله والله ي جماعه
فارس ببعض الضيق:مين اللي معاها ده ان شاء الله
خديجه بصوت واطي: ممكن يبقا خطيبها
فارس: اخرسي ي بت اخرسي جتك داهيه
خديجه: الحق عليا كنت هسألها لكن خلاص مش هسأل وهخرس اهو
فارس: اسالي مش هتحايل انا علي اهلك #بقلمي_اميره_رمضان
خديجه: سندس هو الكابتن ده خطيبك
سندس بضحك: لاء الحمد لله انا ربنا نصرني
رحيم: ده انا اللي ربنا بيحبني اسكتي انتي
سندس: ده البشمهندس رحيم اخويا وابن عمي
خديجه: اهااا ده اللي حكتيلي عليه
سندس: بظبط كدددده
فارس بأرتياح: اهلا ي بشمهندس عقبالك
رحيم: تسلم والف سلامه عليك
فارس: الله يسلمك حضرتك مهندس اي
رحيم: مهندس ميكانيكي
فارس بفرحه عشان يقرب من سندس: انت بتشتغل بقا صح
رحيم: اها عندي ورشه بتاعتي بشتغل فيها
فارس: عارف ان الوقت مش مناسب بس انا عندي الموتوسيكل بتاعي غالي عليا اووي ممكن رقم حضرتك عشان ابقا اجبهولك تصالحه
رحيم: تمام اتفضل

_ بس اي ي بت الحلاوه دي لا كده خطوبتك الاسبوع الجاي
سندس بضحك: يسمع منك ربنا تعالي نقف مع البنات خديجه تعالي معانا
(طلعنا وقفنا مع البنات وايان وتالين ومالك مع ماما)
أسامه بضحك: اخوكي واقف باصص علي البنات كده ليه هيقولو بيتحر*ش بيهم يخربيته #بقلمي_اميره_رمضان
شهد بضحك: لاء هو مش باصص علي البنات هو باصص علي بنوته وحده
أسامه: مين دي
شهد: ندي صاحبه سندس طول اليوم مشلش عينه من عليها
أسامه: طب اي رايك نخطبهالو
شهد: لاااء بعد منتجوز انا وانت الاول مش ناقصه حاجه تاني تعطل الجوااااااااازه
أسامه بضحك:وطي صوتك يخربيتككككك مصلحجيه درجه اولي
_________
(ندي واقفه مكسوفه )_ مالك ي بت في اي
سندس: مكسوفه من رحيم
ندي: اسكتي الله يحرقك
_ تسكت ليه ماهو انتو واضح ان فيه حاجه رحيم منزلش عينه من عليكي ده حتي وهو بسلم علينا عينه عليكي
(وقولت بضحك )ياترا اي اللي حصل
ندي: هبقا احكيلك بعدين انا عايزه اروح
سندس: والله هروح اقتلك رحيم اللي وجعتي دماغنا بيه ده
بعد شويه من اجواء الضحك والزغاريط لقيت رساله جات علي تلفوني فتحتها واتعصبت
رديت: انت مراقيبني ؟!

بعد شويه من اجواء الضحك والزغاريط لقيت رساله جات علي تلفوني بفتحها واتعصبت
(الرساله من ليل: متضحكيش واقفي هاديه بدل ماخدك واروح)
رديت عليه في رساله بعصبيه: انت بتراقيبني متركز مع الناس اللي انت قاعد معاهم
ليل: لاء مش مركز الا معاكي انتي تصدقي انا ندمان اني جبتلك فستان اسود
_ليه بقا ان شاء الله
ليل: ملفت عليكي اوووي
_ يالهووووووي ملفت اي ده اسود امال البس اااي
ليل: متلبسيش يلا نروح
_ ليل انت بتتلكك صح نمشي اي دلوقتي انا لسه مرقصتش (بعتها واستنيت دقيقه مردش )
_ اتاخر في الرد ليه يمكن مشغول (ولقيت حد حط ايدو علي كتفي )
_ يارب ميكونش اللي في بالي
ليل: لاء هو اللي في بالك سمعيني كده كنتي باعته اي #بقلمي_اميره_رمضان
_ بعت اي مبعتش حاجه
ليل: الرساله اللي لسه بعتاها حالا
_ اسكت مش انا الاكونت بتاعي مسروق هو انت متعرفش
ليل بتمثيل: لاء ي شيخه تصدقي معرفش قدااامي علي البيت
_ انت صدقت ولا اي انا والله مش بعرف ارقص اصلا
ليل: يعني الاكونت مش مسروق
_ اي ده انت متعرفش منا رجعتو

#بقلمي_اميره_رمضان
_______
ندي تلفونها رن
الو ايوا ي ماما انا سمعاكي الوو(خرجت برا القاعه تكلمها)
سوسن: اتاخرتي كده ليه ي زفته يلا تعالي
ندي: يا ماما منا هاجي مع مرات عمي وبسمه مش هاجي لوحدي
سوسن: مرات عمك وبنتها صايعين بيتاخرو برا البيت لكن احنا لاء
ندي: علفكره احنا لسه جايين من نص ساعه مفيش تاخير ولا حاجه ساعه كمان واكون عندك
سوسن: طب يلا ي اختي متتاخريش بنات اخر زمن #بقلمي_اميره_رمضان
(ندي قفلت مع ولدتها وشافت رحيم بيستقبل الضيوف برا القاعه )
(ندي حست انها مبسوطه وحاسه بالامان وهو موجود وممنونه ليه جداا، رحيم خد باله انها بتبص عليه )
رحيم: في حاجه واقفه برا ليه
ندي: كنت بتكلم في التلفون ومش سامعه وانا جوا
رحيم: يارب بس منكونش بنكلم حد كده ولا كده
ندي بحزن والم: انا كنت بكلم امي وبعد اللي حصل مستحيل اعمل كده تاني انا عرفت اللي فيها مستحيل حد يحبني واللي هيحبني ده هيحبني علي اي بس انا مش عارفه اشكرك ازاي علي اللي عملته معايا واللي حصلك بسببي
رحيم: اولا مفيش حاجه اسمها محدش بيحبني لان ربنا خلق جوا كل واحد فينا حاجه مميزه بتجذب الشخص التاني ليه وبيكون شايفه احلي شخض في الدنيا اصبري لسه نصيبك مجاش
اما بنسبه انك بتشكريني فانتي زي اختي مفيش شكر ده اقل واجب
ندي بحزن: اختك
رحيم: ايوا اختي مالك مستغربه ليه
ندي قالت بسرعه عشان تنقذ نفسها: اقصد يعني ربنا يبعد اختك عن الحوارات دي ومتكونش زي مهما حصل
رحيم: اللي فات خلاص ركزي في اللي جاي
ندي: اكيد شكرا انا هدخل بقا
(ندي دخلت وهي حزينه اكتر لان الشخص اللي دافع عنها وبقا بنسبالها الامان مش شايفها غير اخت وبس
ندي في بالها: مش رحيم ده اللي كان معجب بيا واحنا عيال صغيرين وكان بيدافع عليا لما كنا بنلعب في الشارع وبيقولي لما تكبري هتجوزك اكيد هو مش فاكر الكلام ده دلوقتي منك لله ي زياد بعدت عني كل حاجه حلوه في حياتي وخلتني مبقتش شايفه مين كان بيحبني ومين لاء )
#بقلمي_اميره_رمضان

________
سندس: مامااااا تعالي اعرفك دي خديجه بنت عم ليل جوز حنين
نجلاء: ازيك ي قمر عامله اي نورتي
خديجه بحب: ده نورك ي طنط مبروك لابنك وربنا يتمملو علي خير
نجلاء: يارب ي حبيبتي
خديجه: اخويا اتصل بيا وبيقولي يلا عشان هنمشي سلام بقا ي سندس هتوحشيني ي طنط
سندس: تمشو تروحو فين انتو لسه جايين
خديجه: لاء والله مش هقدر
نجلاء: مفيش حد هيمشي دلوقتي فين اخوكي ده
خديجه بطريقه كوميديه: هو اللي متخرشم هناك ده (خديجه ونجلاء وسندس راحو عنده)
نجلاء: اهلا ي ابني نورتنا والله
فارس: ده نور حضرتك
نجلاء: الف سلامه عليك ي ابني اي اللي حصلك
فارس: حدثه خفيفه كده
نجلاء: لاء اله الا الله خلي بالك يابني من نفسك طب وعملت الحادثه دي ازاي
سندس: اي ي ماما انت هتتسهري معاه ولا اي معلش ي استاذ فارس ماما بتحب الكلام كتير
فارس بابتسامه: ولا يهمها انا كمان بحب الكلام الكتير
نجلاء: سيبك من البت دي وقولي عملتها ازاي
(وبعد ساعه تمت الخطوبه علي خير وكل واحد راح بيته)
#بقلمي_اميره_رمضان
________
ليل: العيال نامت
_ اه وانا كمان هموت وانام
ليل: كان فيه حاجه قبل منمشي عايزين نكملها
_ اي هي
ليل: يعني مش فاكره
_ لاء ماهو انت عارف الزهايمر بقا يلا نام عشان شغلك صحيح معرفتش مين اللي سرق الورق
ليل قعد علي السرير: معرفتش مين اللي خدو من الشركه لكن عرفت مين اللي كان باعت يسرقه
_ قعدت بسرعه جنبيه علي السرير وقولت بفضول:مين
ليل: جاسمن
_ ااااي طليقتك ازااااي طب وهي تعمل ليه كده في ابو عيالها
ليل: هو ده طبع جاسمن

_ طب ليه وهي هتستفاد اي #بقلمي_اميره_رمضان
ليل: الورق اللي هي كانت عايزاه ده لو كان كامل كانت هي اللي خدت الصفقه وطبعا صقفه زي دي مكسبها ملايين
_ هو انت اتعرفت عليها ازاي وطلقتها ليه
(ليل بصلي وسكت)
_ انا مقصدش حاجه هو فضول بس عايزه اعرف لو مش عايز تقول عادي
(ليل حط راسه علي رجلي وانا اتكسفت انه قرب مني بعدها بدء يحكيلي )
ليل:جاسمن كانت معايا في الجامعه وهي شكلها جميل جدا علفكرا (بص عليا لقيني بصاله بغضب شديد )
ليل: في اي يستار يارب
_ ولا حاجه متحكيش انا عايزه انام
ليل باستفزاز: بس انا عمري ماكان فارق معايا الجمال وبدليل اني اتجوزك #بقلمي_اميره_رمضان
رديت عليه بعصبيه: نعااااام ي عووووووومر دانا جمالي مفيش منه ده كفايه انه طبيعي مش صناعي
ليل بضحك: اهدي انا بهزر معاكي
_متهزرش وقولت اوعي عايزه اناااااام
ليل: خلاص ي بت بقا اسمعي انا اعجبت بيها لان هي كانت عندها طموح
وانا قولت بس دي شبهي واتجوزنا علطول بعد الجامعه ومع اول سنه في الجواز شفت تصرفاتها الغريبه
واتخانقنا كتير جدااا مش هحكي في التفاصيل لانها مهما ان كان كانت في يوم مراتي بس مكناش متفاهمين خالص
حملت في ايان وتالين بعد جوازنا ب5شهور كانت عايزه تجهض لانها مش عايزه بيبي يوقف احلامها ويكون عائق ليها بس انا اصريت اني عايز البيبي ده
#بقلمي_اميره_رمضان
وبعد سنه وشهرين من جوازنا ربنا رزقني بأيان وتالين وكانو اجمل حاجه في حياتي
وجاسمن كانت علطول متعصبه لانهم بهدلو شكلها لانها تخنت شويه وبقا عندها ترهلات من الحمل
كانت علطول بعيده عنهم وشيفاهم اعداء لطموحها مكانتش مهتميه بيهم ولا بيا انا اهم حاجه نفسها وشغلها ولبسها
طبيعي ان ميعجبنيش الوضع ده غير مشاكل تانيه كتير كان الحل والوحيد لحل كل المشاكل دي الطلاق
وهي كانت موافقه جدا علي الطلاق اهم حاجه ترجع لنفسها وشكلها اطلقنا بعد سنتين جواز
وكانت تالين وايان عمرهم 8شهور
_ طب واولادها ازاااي تبعد عنهم
ليل: اقولك علي حاجه كمان ودي كانت سبب اساسي ان اقول لاولادي ان مامتكم ماتت
_ اي

ليل: جاسمن مضت ليا علي تنازل حضانه الاولاد مقابل اني اتنازل عن الشركه ليها وتاخد خمسه مليون جنيه
_ انت بتهزرررر صح اكيد بتهزرررر مستحيل حد يعمل كده مفيش حد يبيع اولاده انت بتقول اااااي
#بقلمي_اميره_رمضان
(ليل قام فتح الدولاب وطلع ورقه وكانت فعلا ورقه التنازل ومتوثقه في المحكمه )
قولت ببكاء: ازاي تعمل كده حرام عليها والله
ليل: دي وحده متعرفش الحرام
_ ربنا يهديها دي لما تفوق من اللي هي فيه هتندم كتير اوووي
ليل: انا مش هقولك انا ملاك برضو انا بعدت عن اولادي كتير وكنت طاحن نفسي في الشغل عشان اقدر اقف علي رجليا من تاني بعد مخدت كل حاجه وسابتني من غير حاجه انا كنت راهن البيت ده وخدت قرض من البنك عشان اديها الفلوس واحاول ارجع اشتغل تاني وبعد خمس سنين بقيت زي منتي شايفه عندي شركه انا وابن عمي وبقا معايا فلوس كتير اوي واقدر اعمل بيها اي حاجه بس بعد كل ده مكنتش قادر اساعد ابني وهو في الحاله دي
#بقلمي_اميره_رمضان
انا بقيت مش بعرف اطبطب عليهم شايف اني انا مشغول علطول ومش شايف احساس بالوحده اللي ديما كانو بيحسو بيه لحد ايان موصل للحاله الانتي شوفتيه فيها عملت كل حاجه عشان اقدر اخرجه من اللي هو فيه معرفتش لحد مظهرتي انتي في حياتي في البدايه المواقف مكانتش لطيفه بيني وبينك بس ايان حبك اوي واتعلق بيكي وانتي بعدتي دورت عليكي لحد موصلتلك وجيت المستشفي والموقف اللي حصل من عمك اللي استغربته جدا وبعدها سمعت عمك بيقولك اول عريس هياجيلك هيوافق عليه
لقيت نفسي جيتلك ومقدرتش اسيبك تتجوزي اي حد في الاول كان عشان اولادي انما دلوقتي
(قام وقعد قدامي وقال دلوقتي مقدرش اسيبك عشان ده (شاور علي قلبه )بقا متعلق بيكي )
فرحت اوي _ اي ي ليل انت في وعيك ولا شارب حاجه
ليل بابتسامه: مش مصدقاني
_ لاء مش حكايه كده الموضوع كله اني انا مش مصدقه ان انت تحب اصلا
ليل قرب مني وقال: ليه مش بحس ولا معنديش قلب
_ ابعد بس ونتكلم باحترام #بقلمي_اميره_رمضان

ليل: تؤتؤ احنا كان فيه موضوع بنتكلم فيه قبل منروح الخطوبه
_ مش فاكره
ليل وهو بيقرب: هفكرك
_ لااااااء (قومت وقفت وقولت بضحك:اهدي بس احنا نتفق اتفاق وبعدها نشوف هنعمل اي )
ليل باستغراب: اتفاق اي بقا وبعدين اقعدي متقفيش زي الارجوز كده
_ شوف اتفاق بسط مدته شهر واحد بس
ليل: مش موافق
_ ليييه بس متبقاش خلقي كده
ليل: انا مش بحب الانتظار في اي حاجه وشهر كتير
_ طب انت كنت عرفت هو اي الاتفاق
ليل: انا معترض علي المده #بقلمي_اميره_رمضان
_ خلاص نقسم البلد نصين هيبقا اسبوعين في الاسبوعين دول انت هتعمل حاجه صغيره خالص وبعدها اممم بعدها
ليل: حاجه اي اللي هعملها وبعدها اي متخلصي
_ شوف هتصلي بانتظام طول الاسبوعين دول من غير متسيب فرض واحد ولو عملت كده انا هكون مبسوطه جدا وليك مكافاءه
ليل: هو انا عيل صغير هتديني مكافاءه
_ ياربي عليك دي حاجه تحفيز كده مش اكتر
ليل: واي هي بقا المكافاءه
قولت بكسوف _ انا المكافاءه
ليل: مش فاهم
_ افهم بقا لو صليت كل الفروض في موعدها خلال الاسبوعين دول هيبقا ليك الحق انك تاخد حقك الشرعي
ليل بابتسامه: اااه فهمت طب ماهو ممكن اخدو دلوقتي عادي
_ عارفه انك تقدر وده حقك مقولناش حاجه بس انت قولت هتسيبني براحتي ومش هتجبرني علي حاجه صح
ليل: صح
قولت بفرحه_ خلاص يبقا احنا كده اتفقنااا
ليل: طب مفيش حاجه تصبيره
_ ولا هتمسك ايدي حتي طول الفتره دي
ليل: ده عند امككككك
#بقلمي_اميره_رمضان
__________
(عدي اسبوع ومفيش حاجه جديده غير ان خديجه اشتغلت معاهم في الشركه وفارس حالته اتحسنت شويه وندي بدءت تطلع من الحزن اللي كانت فيه وانا طول الوقت بلعب مع ايان وتالين ومركزه مع ليل في اوقات الصلاه ماهو لازم يصلي يعني يصلي وحقيقي بان عليه التغير بعد اسبوع واحد بس من التزامه بالصلاه وبقا مهتم بايان وتالين كتير عن الاول )
(بعد اسبوع )
في الشركه
نوح: ليل فين ورق الحسابات بتاع الاسبوع ده عشان بعمل احصائيات للمشروع
ليل: مع خديجه هي بتعمل الاحصائيات دي
نوح بضيق: طب انا عايز نسخه منهم
ليل: عادي روح خدهم منها واعملها نسخه
#بقلمي_اميره_رمضان
_______

فارس: ازيك ي بشمهندس
رحيم بمشاكسه: اهلااااا نورتني امال فين الشاش اللي كان علي راسك
فارس: خلاص بقا خلصت منه عقبال الباقي
رحيم: يارب الموتوسيكل بتاعك جاهز اهو اتفضل
فارس: اي ده بجد ده شغلك انت
رحيم: ايوا ي ابني مالك مستغرب ليه #بقلمي_اميره_رمضان
فارس: دانا كنت جايبهولك خرده ازاي عملته كده
رحيم بضحك: هو انت بتكلم طباخ انا مهندس ميكانيكي
فارس بتفكير: اي رايك اشتغل معاك
رحيم: انت تفهم في الشغلانه دي
فارس: شوف انا مليش في الشغلانه دي لكن بحب اوسع شغلي وانت مكسب لاي حد
رحيم: ازاي
فارس: هقولك اي رايك اشاركك انا بالفلوس وانت بشغلك وبدل الورشه دي يكون مصنع
رحيم: مصنع اي ي بشمهندس انت ليك في البرمجه في الإلكترونيات الحاجات دي لكن ميكانيا لاء المشروع هيفشل
فارس: لاء طبعا انت مش هتكون لوحدك هتجيب ناس متخصصه معاك وانت هتبقا الكل في الكل وانا عليا اني ادفع في الحوار ده كله
رحيم: وانت هتستفاد اي بقا
فارس: هستفاد اكتر منك هبقا قاعد مكاني الجنيه اللي هدفعه دلوفتي بعد فتره هيرجعلي 1000 وعلي حسب شطارتك
والارباح هتبقا بالنص
رحيم: طب افرض خسرنا
فارس: انا واثق فيك وفي شغلك بس رغم كده لو لقدر الله خسرنا يبقا ده قضاء وقدر ومحدش ضامن بكرا فيه اي اهم حاجه نسعي اننا نعمل حاجه
رحيم بتفكير: فكره حلوه بس عايزه تخطيط وتفكير كتير
فارس: فكر براحتك ورقمي معاك يبقا كلمني وقولي ردك اي وانا واثق اننا هنعمل المشروع ده
_______
خديجه قاعده بتشتغل والباب خبط
خديجه: ادخل

(دخلت حبيبه )
حبيبه باستفزاز: مستر نوح عايز ورق الحسابات بتاع الاسبوع ده
خديجه بغيظ: وباعتك انتي ليه مجاش هو ياخدو ليه
حبيبه بدلع: هو قالي كده اقوله لاء انا مقدرش اقول لمستر نوح لاء ابدا
خديجه اتضايقت خدت الورق وطلعت بسرعه علي مكتب نوح وفتحت الباب بسرعه ودخلت
نوح: في اي مش في باب تخبطي عليه
خديجه: دانا هخبطك دلوقتي علي دماغك باعتلي البت المايصه دي تستفزني
نوح: مالها يعني عملتلك اي
خديجه: بتستفززززني
نوح: طلاما مقالتش ليكي حاجه مباشره يبقا مفيش داعي للافكار اللي في دماغك
خديجه بعصبيه: ده علي اساس اني بتبلي عليك ومشفتكش قاعد معاها خمسين مره قبل كده
نوح: وانتي مالك انا اعمل اللي عايزه وانتي هنا اللي بيربطنا ببعض الشغل بس وبلاش شغل الجنان ده
خديجه: تمام، شوف بقا قسما بالله ي نوح لو شفتك قريب منها تاني ولا حتي بالغلط لاوريك شغل الجنان على اصوله
وهات الورق دده

ده علي اساااااس اني بتبلي عليككككككك ومشفتكش قااااااااعد معاها خمسين مره قبل كده
نوح ببرود: وانتي مالك انا اعمل اللي عايزه وانتي هنا اللي بيربطنا ببعض الشغل بس وبلاش شغل الجنان ده
خديجه: تمام، شوف بقا قسما بالله ي نوح لو شفتك قريب منها تاني ولا حتي بالغلط لاوريك شغل الجنان على اصوله
وهات الورق دده (خدت الورق كله ومشت)#بقلمي_اميره_رمضان_مسعود
نوح اتفاجاء من رد فعلها: ي بنت المجنونه هي مالها وخدت الورق كله تاني يخربيتها
(طلع وراها بسرعه عشان الورق دخل المكتب من غير ما يخبط علي الباب)
خديجه ببرود: مش في باب تخبط عليه
نوح: عايز الورق خليني اخلص شغلي
خديجه: وانا مالي متخلص هو انا مانعاك
نوح: انتي ي انسه واخده الورق بتاع الحسابات بتاع الاسبوع ده وانا عايزو ضروري عشان اعمل الاحصائيات
خديجه: هو انت اعمي مش بتشوف (نوح بصلها بغضب وهي خافت) انا اقصد يعني انا بشتغل فيه وهخلصو خلاص
نوح: مش واثقين في شغلك هاتي اعمله انا
خديجه بعصبيه: مش واثقين في شغلي انا طب والله العظيم مفيش حد هيعمل الورق ده غيري حتي لو هتخسرو الصفقه
نوح: بلاش عند هاتي الورق ( وقرب منها بغضب)

خديجه مسكت الكابتشينو وقالت بعصبيه: اقف مكانك اقسم بالله هكب الكابتشينو علي الورق دلوقتي وهخليه يبوظ وهيبقا لا انا ولا انت هنشتغل فيه
نوح: انتي عبيطه اي شغل المجانين ده
خديجه: بتقولو علينا بنص عقل ومجانين خليك انت بقا ي عاقل مكانك واطلع برا مكتبي حالا
نوح: لاء انا هشوف حل مع الجنان ده انهارده (وطلع من المكتب)
خديجه بتنهيده: اوووف الحمد لله كان هيموتني
#بقلمي_اميره_رمضان_مسعود
___________
مامااااا وحشاني ووحشني بيتي اووووي
ماما: حبيبت قلبي نورتي (حضنتها)
_ قوليلي بقا البيت عامل اي من غيري
ماما بحزن: وحش اووي بقيت وحيده ومحدش بيونسني غير اختك واولادها
_ حبيبتي ي ماما خلاااص انا هقعد معاكي هنا
ماما: طب وجوزك
_ انا مالي بيه هقعد هنا وخلاص
ماما: امشي ي بت هو انا جوزتك عشان ترجعيلي تاني ده اي الهم ده
_ بقا انا هم ماااشي ي ست الحبايب
ايان: تيتا هو مفيش لعب هنا
ماما ؛ في لعب كتيره اوي بتاع مالك هناك اهي هاتها ونلعب بيها كلنا
تالين بطفوله: طب هو فين مالك
_ يخربيتك ديما فضحانا ي بت اتقلي
ماما: هياجي دلوقتي تعالي بس اقعدي معايا شويه وهو جاي
_ هي البت سندس لسه مجاتش
ماما: لاء مجتش انهارده خالص
#بقلمي_اميره_رمضان_مسعود
_______

في الورشه
فارس: انا ماشي بقا وهبعتلك حد ياخد الموتوسيكل وشكرا علي القهوه
رحيم: مفيش شكرا بقا المره الجايه هتبقا علي حسابك انت
فارس: احنا هنبتديها كددددده
سندس وهي داخله الورشه: رحيييييييم
(فارس انتبه لصوتها بسرعه وبصلها بحب،رحيم لاحظ انه بصلها واستغرب )
فارس: طب سلام انا (ومشي)
رحيم: اي ي زفته انا مش قولت قبل كده متاجيش الورشه دي تاني عشان بيبقا في رجاله هنا
سندس: انا لو عليا لا عايزه اجي ولا عايزه اشوف وشك بس اعمل اي في امي واختك قالولي رحيم مطفحش روحي وديلو يطفح اللهي الاكل يقف في زورك يقطع نفسك ونخلص منك
#بقلمي_اميره_رمضان_مسعود
رحيم: طب غوري من هنا بقا بدل ما اديكي بالحديده دي في دماغك
(سندس طلعت بسرعه وهي بتضحك ومشت )(وفارس كان راكب في العربيه وشايفها وهي ماشيه)
فارس اتضايق انها بتضحك مع ابن عمها كده: هو ممكن يكونو بيحبو بعض ياربي لو فعلا كده يبقا البت اللي تدخل قلبي مش ملكي لااااء اكيد لاااء
وبعدين اي جو المراهقين اللي انا بعملو ده مينفعش كده لازم اخد خطوه في الموضوع ده بس ازاي
(فكر شويه وقال )لقيتهاااا
_________
ندي: لما عرفت انك هنا مصدقتش نفسي وانا اقول الجو حر اوي ليه انهارده كده اتاريكي منورانا
_ ماشي ي كلبه البحر وحشاني اوووي بس مالك ي بت خسيتي ليه كده
سندس وهي داخله: لاء هي مخستش انتي اللي ضربتي
_ ااااااي انا تخنت #بقلمي_اميره_رمضان مسعود
ندي: لاء ي قلبي والله التخن ده حاجه قليله عليكي
سندس: انا من راي انك تخسي وتعملي رجيم قاسي عشان ليل ميهربش منك لانك هتبقي شبه البقره الحلوب
_ متهزوش ي جماعه والله هو انا فعلا جيت البس البجامه بتاعتي اللي كنت بلبسها قبل الجواز مدخلتش فيا بس اكيد هي كشت عشان بقالها كتير في الدلاب

ندي: اها طبعا العيب في الهدوم
سندس: اي اللي انتي ماسكاه ده
_ ده طبق محشي طعمه جااامد لو عايزه ادخلي هاتي من المطبخ عشان مش هديكي من ده
سندس: حرررررام عليكي يعني انا اقولك خسي تقومي تاكلي محشي هاتي الطبق ددددده
ندي: هو ليل هياجي هنا
_ اه طبعا هياجي ياخدني وهو راجع من الشغل
سندس: بياجي ايمتي
_ ملوش مواعيد بس انهارده عنده شغل كتير هيتاخر
سندس: ياجي بسلامه بس وحيات امك لاخد الطبق ده
_ لاااااااءءء
#بقلمي_اميره_رمضان_مسعود
________
بليل
ليل جه خدنا عشان نروح ووصلنا البيت
خديجه كانت باين عليها متعصبه ونوح واقف في الجنينه وفارس بيتكلم في التلفون
ليل: خير كده مالكم في اي
خديجه: مفيش حاجه
نوح دخل بعصبيه: اخيرا جيت انا عايزك بقا تشوف حل لشغل العيال ده طول عمرنا بنشتغل حلو رجاله مع بعض مفيش مشاكل من وقت مجات الهانم ودخلت في الشغل وكل حاجه ماشيه عكس
خديجه: بطل تقول كلام علي الفاضي يتقول اي المشكله اللي حصلت ي تسكت
نوح: شايف طريقه كلامها عامله ازاي
ليل: ايان خد اختك واطلعو العبو فوق (دخلنا وقعدنا )
ليل: اتكلمي كويس ي خديجه
_ هو اي اللي اتكلمي كويس ي خديجه عملت اي خديجه مقالتش حاجه غلط فعلا يتقول المشكله اللي حصلت ي تسكت اي الغلط في كده #بقلمي_اميره_رمضان_مسعود
فارس: لاء خديجه بقت تصرفاتها غريبه لما حكالي نوح علي اللي عملته ده هيخليني امنعها انها تروح الشركه تاني
خديجه بحزن وعصبيه: انا معملتش حاااااجه وعايزه اشتغل

ليل بصوت عالي: بسسسسسسس اي ده مش عايز اسمع صوت حد الا اللي هسمحله يتكلم
(سكتنا كلنا )
ليل: قول ي نوح اي اللي حصل
(نوح قال كل اللي حصل من خديجه في الشركه )
ليل: خديجه الكلام ده صح انتي فعلا كنتي هتكبي الكابتشينو علي الورق
خديجه: ايوا كنت هعمل كده بس هو استفزني
نوح: اهو عشان استفزيتها هتبوظلنا شغل بملايين
_ واااانت تستفزها ليييه كنت عايز الورق منها ليه وهي بتشتغل وبتقلل من شغلها وتقول مش واثقين فيه
خديجه: ايوا قوليلو وقال من شويه قدام فارس ده شغل لرجاله مش لينا احنا مكانا المطبخ
_ جرااااا اي ي استاذ نوح ماااالك واخدنا ونازل بينا الارض ليه كده لاء ي اخويا ده لولا احنا مكنتوش انتو عرفته توصلو لحااااجه
ليل: اقلعي اللي في رجلك وانزلي علي دماغه بالمره
#بقلمي_اميره_رمضان_مسعود
_ كنت هعمل كده بس للاسف لابسه كوتش مش لسه هقلعو
ليل: بسسسسس اي الهبل ده هو انا مش هعرف اسكتكم ولا اي ده اخر كلام في الموضوع ده خديجه هتروح الشغل عادي وهتستلم شغلها مني انا والشغل اللي هتاخدو هتخلصه ومحدش ليه كلمه عليها في الشركه غيري انا ولو غلطت انا اللي هحاسبها مش حد تاني
(انا وخديجه في صوت واحد) يحياااااا العدل هههههه
نوح: تمام انا غلطان اني خايف علي الشركه من افكارها
خديجه: الشركه لو كانت هتبوظ من الافكار كانت زمانها باظت من افكارك
قولت بصوت واطي لخديجه: الله عليكي بس اخرسي بقا عشان كده انتي مش هترجعيه انتي هتخليه يقتلك ويرتاح منك
#بقلمي_اميره_رمضان_مسعود
_________

رحيم: بت ي دوسه
سندس: عايز اي من زفته
رحيم: بتعملي اي
سندس: بلعب لودو
رحيم: هو مفيش غير اللعبه دي لحسه دماغك سيبك منها عايز اتكلم معاكي في موضوع
سندس: طب استني هخلص الجيم
رحيم: انا غلطان اني جيت لحما*ره زيك اخد رايها
سندس: خلاص خلاص قفلت اهو قولي بقا اي الموضوع
(رحيم حكالها اللي حصل بينه هو وفارس )
سندس بفرحه: انت لسه هتفكر وافق طبعااا
رحيم: اهدي بلاش تسرعه انا بس مش عارف ازاي هو شخصيا يعرض عليا حاجه زي دي من غير مطلب منه
سندس: هو زي مقالك بيحب يوسع شغله وانت فعلا شغلك ممتاز ومكسب لاي حد عشان كده المشروع ده هيبقا خير ليك وليه
لان ده حلمك من زمان ان يكون عندك شركه كبيره لصيانات واهو ابتدء يتحقق دلوقتي ورشه بكرا مصنع بعد كده شركه وهتكبر وهتقول دوسه قالت بس يبقا افتكرنا بقااا
رحيم: انتي مين
سندس: نسيتني واحنا لسه في البدايه ي وا*طي
رحيم: صحبتك ندي عامله اي
سندس: الحمد لله بقت كويسه شويه ورجعت زي مكانت الاول ومبقاش في حاجه مخوفاها الا انت
رحيم باستغراب: انا ؟! طب ليه
سندس: يعني انت عرفت عنها كل حاجه وساعدتها خايفه لتغدر بيها وتقول لااهلها او تذلها لما تشوفها وبعيد عن كل ده بتقول انها مش قادره ترفع عينها في عينك عشان ندمانه علي الغلط اللي عملته
رحيم: اممممم عشان كده لما شافتني انهارده وشها جاب الوان هو الواد زياد حاول يكلمها
سندس: لاء خالص حتي مابقتش بتشوفو واقف في السوبر ماركت
رحيم: زياد ده اكتر واحد خواف في الدنيا دي بس بيستقوي بالبنات الوا*طي
سندس: بقولك اي بس جاوبني بصراحه انت بتحب ندي
رحيم: بت انتي هبله هو كل شويه تقوليلي بتحب ندي معجب بندي متطلعي من دماغي انتي وندي بقا
سندس: انت مش فاكر زمان لما كنا في ابتدائى كنت بتقول انك بتحبها وهتتجوزها
رحيم: انا هاخدك علي اد عقلك انتي بتقولي لما كنا في ابتدائى يعني كنا عيال مش بنفهم حاجه طب ماهو انتي كنتي بتقولي علطول ان انا وانتي هنتجوز وكنتي بتغيري من ندي وبتضربيها عشاني ومكنتيش مستوعبه يعني اي احنا اخوات في الرضاعه
اقدر بقا احسبك علي الكلام ده دلوقتي
سندس: انت اهبل انا كنت صغيره مش فاهمه
رحيم: بظبط كده ياربي تكوني فهمتي بقا
#بقلمي_اميره_رمضان_مسعود
_____________

سوسن: الشملوله كانت هنا انهارده
سيد: مجابتش حاجه وهي جايه
سوسن: شفتها كانت جايبه شنط كتيره لامها مقدرتش تقولي خدي ي مرات عمي حاجه
سيد: مش بيطمر فيها هي وامها
سوسن: بعتت ياخويا لاختها كتير وبسمه طلعت كله شقتها من غير متديني حاجه
ندي: قال يعني انتو بتدوها حاجه من ساعه ما ياسين سافر وانتو اللقمه اللي بتاكولها بتبصولها فيها
سوسن ؛ واحنا هنصرف عليها يعني ولا اي
ندي: جوزها اللي بيصرف عليها وبيبعتلها الفوس وانتو بتاخدوها
سيد: فلوس ابني واخودها زي منا عايز سيبك انتي مش الحقد بتاعك ده
ندي: انا برضو اللي بحقد
سوسن: بكرا هنروح خطوبه بنت خالتك اتخطبت وهي اصغر منك وانتي لسه قعدالي شاطره بس تطفشي العرسان دانتي وش فقر
ندي: مبقتش اتعصب واتضايق من كلامك عارفه ليه لان من كميه الطاقه السلبيه اللي باخدها منك دمرتلي مشاعري ومبقاش يأثر فيا حااااااجه
#بقلمي_اميره_رمضان_مسعود
_________
كنت واقفه بسرح شعري وليل دخل
ليل: مالك مكلتيش ليه
_ لاء مش هتعشا
= ليه
_عشان بعمل رجيم
= رجيييييم ليييه
_ انا تخنت ولازم اخس شويه العيال قالولي انك هتطفش مني لو فضلت كده
ليل بضحك: اطفش متقلقيش انا لو هطفش هطفش من لسانك مش من شكلك ثم ان فين التخن ده
_ مالو لساني يعني هو انا بتكلم
ليل: لاء خااالص دانتي كنتي هتخلي نوح يولع في خديجه تحت
#بقلمي_اميره_رمضان_مسعود
_ مش هو اللي بيقول كلام مش مظبوط

ليل: هو برضو وبعدين خديجه طول عمرها مش بتحب تشتغل معانا اشمعنا الفتره دي جات تشتغل
_ الله اعلم وبعدين نصيبها كده
ليل: نصيبها ولا فيه حد لعب في دماغها
_ مش عارفه ياترا مين اللي لعب في دماغها
ليل: اممممم تلاقيها حربايه صغيره لابسه بجامه وردي
_ اي ده ههههه دي لابسه بجامه زي
ليل: اللهم طولك ي روح يلا اتعشي قبل ما تنامي
_ قولتلك لاء بعمل رجيم بقا سيبني في احزاني
ليل: رجيييم اي اللي هتعمليه فين التخن ده بطلي هبل وبعدين انا عايزك تتخني كده وتبقي بطايه اكتر
_ لاء اكتر من كده هعدي مرحله البط وهدخل في مراحل تانيه احنا مش قدها
ليل: عارفه انا لو سمعت كلمه رجيم في البيت ده تاني هعمل فيكي اااي
__________
تاني يوم بعد الفطار
فارس: حنين عايز اتكلم معاكي في موضوع مهم قومي ي بت ي خديجه من هنا
خديجه: والله ما هتحرك وهسمع كل حاجه هتقولها
فارس: مش عندك شغل انهارده
خديجه: هعمله هنا متشغلش بااالك
_ سيبك منها وقولي اي الموضوع
فارس: بصراحه كده انا عايز اتجوز سندس

_اااي سندس مين سندس صحبتي
فارس: ايوا هو فيه غيرها
خديجه: انا مش مصدقه معقوله يا فارس عايز تتجوز اخييييراااا
فارس: ها هتساعديني ولا اي
_ ثانيه بس انا مش مستوعبه معقوله الكلام بتاع زمان هيتحقق
فارس: كلام اي
_ اصل انا وسندس كان نفسنا نتجوز اتنين اخوات او اصحاب ودلوقتي فعلااا هيتحقق
خديجه بمكر: بس يخساره الحلم مش هيتحقق
فارس باستغراب: ليه
خديجه: عشان سندس هتتجوز ابن عمها رحيم
فارس بصدمه: ااااي الكلام ده حقيقي
قولت بضحك_ شوف هو (قاطع كلامي رنه تلفون فارس )
#بقلمي_اميره_رمضان
فارس: ده رحيم
(خديجه بصدمه: يالهووي اوعي تقوله )
_ وانت اي علاقتك برحيم
فارس: بقينا اصحاب (وقال بضيق) بس مجبليش سيره انه هيتجوز وكده

_ هههههههه خديجه بتهزر معاك دول اخوات في الرضاعه اصلا
فارس بصدمه وفرحه: انتي بتتكلمي بجد يعني هو فعلا مش هيتجوزها
خديجه: ايوا بتقوووولك اخوات في الرضااااااعه رد علي الراجل بقا
فارس: حسابك معايا بعدين ي بومه
________
جاسمن: بابااا انا زهقت شوف حل بقا انا كل ماجي انتقم من ليل مش بعرف وافشل انا زهقت
عزت: شوفي كل البتعمليه انك بتبقي ضده عشان كده بتفشلي بس المرادي لازم تكوني هاديه عشان تصلي للي انتي عايزاه
جاسمن: ايوا يعني اعمل اي
عزت: لازم تروحي وتتكلمي معاه بخصوص اولادك وانك نفسك تشوفيهم وتاخديهم حجه عشان تصلي لهدفك
جاسمن: تصدق مفكرتش في الموضوع ده خالص بس ياترا هو هيتصرف ازاي
عزت: هو مش هيقدر يمنعك
جاسمن: لاء هيقدر انا عامله تنازل عنهم
عزت: ليل مش هيقدر يمنع ام من انها تشوف اولادها بالاخص لما تبيني انك ندمانه
جاسمن: تمام ويمكن فعلا اعرف اصل لحاجه واخسرو كل حاجه
#بقلمي_اميره_رمضان
____لا حوله ولا قوه الا بالله ❤_____
نوح: حبيبه هتبقا فاضيه بعد الاجتماع
حبيبه: ايوا ي مستر
نوح: تمام يبقا نشرب قهوه مع بعض في الكافتيريا
حبيبه بخبث: اسفه ي مستر مش هينفع لان انسه خديجه بتبهدلني لما بقعد معاك
نوح بضيق: انتي هتقعدي معايا انا مش معاها هي ولو قالتلك كلمه عرفيني
حبيبه بابتسامه: تمام ي مستر
شيماء دخلت وهما بيتكلمو: مستر نوح مستر ليل عايز حضرتك في المكتب
نوح: تمام (وبص لحبيبه وقال: علي اتفاقنا )

شيماء: برضو هتقعدي معاه
حبيبه: وانتي متضايقه ليه اوعي تكوني راسمه عليه
شيماء: انا مش برسم علي حد وانتي عارفه كده انا خايفه عليكي انتي بتغلطي وهتودي نفسك في داهيه
حبيبه: انتي لسه في الموال ده
شيماء: انا مستغرباك انتي مش حاسه بالذنب خالص كده مش متضايقه من تصرفاتك وفرحانه بمستر نوح بكرا يتصالح هو وخديجه وانتي للي هتبقا وحشه #بقلمي_اميره_رمضان
حبيبه: انا مش بخسر وهكون مستفاده هعمل كل حاجه وهاخد نوح انا عرفت اوقعه فيا ويعجب بيا وجاتلي الزفته خديجه دي بس ناويه اولع الدنيا بينهم عشان الدنيا تحلالي
شيماء: ربنا يهديكي ويبعد عنك شيطانك
___الحمد لله _______
فارس: الحمد لله كده الدنيا بقت حلوه اووي قوليلي بقا هنروح ليهم ايمتا
_ استني بس دنيا اي اللي احلوة
فارس: رحيم كلمني وقال انه موافق نفتح مصنع انا وهو ونشتغل مع بعض ودي حاجه حلوه عشان اكون قريب شويه من سندس
_ وانت فاكر ان سندس هتبقا قدامك كل شويه دي صدفه انك شوفتها في الورشه
فارس: منا قولتلك عايز اتجوزها بلا ورشه بلا بتاع
_ عايزني اكلمهالك يعني
فارس: عايزك تشوفي ميولها اي لو في قبول هتقدملها انهارده مفيش (قال بحزن) يبقا كل شي قسمه ونصيب
__________
ليل: نوح عايزك بكرا تروح تودي الورق ده الشهر العقاري
نوح: ماشي هنروح انا والمحامي
ليل: بقولك
نوح: اي
ليل: خف شويه علي خديجه مش كده
نوح: امممم
ليل: وكلامك كتر اوي مع الموظفه الجديده دي انت متعرفهاش كويس
نوح: عادي ادينا بنتعرف
ليل: طب وخديجه
نوح بغضب: مش خديجه دي هي اللي سابتني وسافرت عشان طموحها واحلامها وكسرت بخاطري
ليل: هي مكسرتش خاطرك هي قالت هتكمل تعليمها
نوح: دي اكتر حاجه تكسر الواحد لما الشخص اللي بيحبه يفضل عليه حاجه تانيه وهي فضلت عليا تعليمها
انا مكنتش همنعها انها تكمل تعليمها بس بعد متقدمتلها وكنت فرحان رفضتني عشان تسافر وتشوف احلامها خليها بقا تنفعها وتطلع من دماغي انا نسيتها اصلا #بقلمي_اميره_رمضان
ليل: انا مش هقولك انها بتحبك ولا الكلام ده لانك عارفه انا هقولك بس فكر كويس قبل متعمل حاجه متخليش عصبيتك وغضبك هما اللي يتحكمه فيك (التلفون قاطع كلامهم)
ليل: الو
_ اي ي ليل متنساش انهارده هنروح نجيب ايان وتالين من الحضانه
ليل: لاء مش ناسي هعدي عليكي اخدك اجهزي بقا

_ حاضر
___استغفر الله العظيم واتوب اليه ❤___
#بقلمي_اميره_رمضان
مالك: عمتوووو عايز شيبسي
ندي: طب امشي كويس وانا هجبلك قولي خدت اي انهارده في الحضانه
مالك: معرفش لما تروحي يبقا افتحي الكراسه وشوفي
ندي: انا اللي اشوف امال باعتين حضرتك تتعلم ليه
مالك: انا مش عايز اتعلم انا عايز العب الله كوووره (وجري ناحيه الكوره بسرعه وعربيه كانت جايه عليه )
ندي بخوف: مااااااااالك
(وفجاء أسامه شدو بعيد عن العربيه بسرعه )
ندي جرت عليه بسرعه وقالت بخوف: مااالك انت كويس
أسامه: اهدي ي ندي هو كويس
ندي قعدت علي الرصيف مصدومه من اللي كان هيحصل
رحيم: ي بنتي خلاص عدت علي خير
زياد نزل ببرود من العربيه: مش نخلي بالنا بقا من العيال ولا نسيبها تترمي قدام العربيه
رحيم بعصبيه: يعني انت كنت هتموت الواد ونازل تبجح
زياد: مش هو اللي جري قدام العربيه
اسامه: خلاص ي زياد حصل خير وبعدين هدي السرعه شويه انت مش ماشي علي الطريق السريع راعي ان فيه اطفال
#بقلمي_اميره_رمضان
زياد بص لندي وحب يضايقها: مش يمكن هي اللي رمت الواد قدام عربيتي وبتعمل الحراكات الرخيصه دي عشان تجبلي مصيبه
رحيم قرب منه بغضب ومسكه من ملابسه: انا مش قولت متجبش سيرتها علي لسانك الزفر ده (وضربه بدماغه علي وشه مناخيرو نزفت )
اسامه: رحيييييم ابعد عنه عيييب كده (الناس بعدت رحيم عن زياد اللي خاف من شكل رحيم لما اتعصب عليه وخاف ليضربه تاني ويعمل فيه زي قبل كده ركب العربيه بسرعه ومشي)
سندس وشهد نزلو بسرعه: في اااي بتصرخو ليييه
سندس: يالهوووووي ندي مالها
أسامه: مفيش خدوها جوه دلوقتي
سندس: تعالي ي حبيبتي
اسامه: رحيم فكك منه ده عيل خواف
رحيم بغضب: والله ما هرحمه بس يستني عليا
أسامه: مش وقته تعالي نشوف البنت اللي فوق

رحيم: اطلع انت انا رايح الورشه
أسامه: رحييم البنت مرعوبه تعالي نطمن عليها ويبقي امشي
(طلعوه فوق )
نجلاء: هو اي اللي حصل يابني البت وشها اصفر
أسامه: مالك جري قدام العربيه والحمد لله ربنا ستر بس هي اعصابها سابت من المنظر
سندس: ي قلبي عشان كده خلاص ي ندوشه هو محصلش ليه حاجه وزي القرد اهو
رحيم لما شافها كده صعبت عليه وبالاخص بعد الكلام اللي زياد قاله وقال في باله: متزعليش والله لاجبلك حقك منه
#بقلمي_اميره_رمضان
____اللهم صل على سيدنا محمد ❤_____
ليل بعصبيه: ي بنتي يلا اطلعي انا مستني من بدري
_ بالله عليك تعالي خدني انا خايفه اطلع
ليل باستغراب: خايفه من اي
_ من الكلب بينبح وصوته مخوفني اوووي
ليل: اطلعي ي حنين متخافيش هو مربوط
_ لاء بالله عليك
ليل: خلاص خليك هروح اجيبهم انا لوحدي
قولت بدموع_ لاء متسبنيش بقولك خايفه من صوت الكلب
ليل باستسلام: خلاص جاي مش عارف اي الخوف ده كله
(دخل خدني ومشينا ).
ليل: انا عايز اعرف انتي بتخافي من الكلاب اوي كده ليه مع ان مفيش داعي للخوف ده كله
_ الاول كنت مش بخاف علي فكره بس مره كنت بلعب في الشارع وفيه كلاب كتيره اووي كانت بتجري وجات علينا اصحابي كلهم جرو بعيد وانا وقفت لاني مش خايفه وقولت الكلاب هتمشي عادي وفي كلب والله فاكراها كويس بصلي اووي كده ونبح مره وحده بصوت عالي اوووي صرعني وقعدت يومين بحلم بكوابيس بسبب الكلب ده ومن بعدها وانا بترعب بس من صوت الكلاب
ليل:ههههههههه يعني اصحابك كلهم جرو وانتي اللي واقفه عاملالي فيها هركليز
_ ماهم قالو متبينش للكلب انك خايف منه
ليل: طب اي شعورك بقا دلوقتي
_ دلوقتي لو حد جاب سيرت الكلاب قدامي بترعب
ليل ؛خوافه
_ يعني بعد اللي قولته ده كله بتقولي خواااافه انا غلطانه اني حكيت اصلا
ليل: خلاص بقا متقفليش وشك كده

_ انزل هات العيال
ليل: مش هنزل الا لما تفكي التكشيره دي
_ خايف عليا اووي
ليل: لاء عشان العيال متشوفكش كده وياجيلها صرع
_ دانت مستفزززززز
(ليل نزل بضحك ودخل يجيب العيال وانا قاعده مبسوطه عشان بقا بيضحك كتير ومازال محافظ علي الصلاه في وقتها ولقيت شباك العربيه حد بيخبط عليه )
نزلت الازاز: نعم
البنت بدموع: انا محتاجه انك تساعديني بالله عليكي مفيش حد غيرك يقدر يساعدني
_ طب انتي مين
البنت: انا جاسمن

_ نعم 😳
جاسمن بدموع مزيفه: عارفه انك مستغربه بس انا نفسي اشوف ولادي واقعد معاهم
_ مش ولادك دول اللي انتي بعتيهم لما كانو لسه عمرهم شهور
جاسمن بدموع: ندماااانه اوووي علي اللي عملته ندمانه علي كل حاجه
_طب وجيالي انا ليه متروحي لليل وقوليلو
جاسمن ؛ مينفعش اقول لليل هو مش هيرضي مستحيييل
_ ليه
ليل من وراه جاسمن: عشان عمري ما هصدق الدراما اللي انتي عملاها دي
#بقلمي_اميره_رمضان_مسعود
جاسمن: ليل انت مفروض تحس بيا لانهم ولادي زي زيك بظبط
ليل بهدوء: ايان خد اختك واركبو العربيه
تالين: مين دي ي بابا

جاسمن: انا مام…..قاطعها ليل بعصبيه: جاااااااسمن اخرسي
تالين خافت من عصبيه ليل حضنتها وقولتلها: تعالي نستنى بابا في العربيه
(ركبتهم العربيه وجيت اركب لقيت جاسمن جات بسرعه ميلت علي ايدي)
جاسمن: ابوس ايدك خليه يسمحلي اقعد معاهم شويه بالله عليكي
(حقيقي صعبت عليا اووي) _ ليل معلش خليها تشو……..
ليل بعصبيه اكتر:حنييييييين متفتحيش معايا الموضوع ده خااالص وانتي مش عايز اشوف وشك ده تاني يلااااا ي حنييييين
(ركبنا العربيه ولحد موصلنا البيت مفيش حد قال كلمه )
دخلنا البيت وليل دخل المكتب من غير كلام وقفل الباب
خديجه: هو ليل ماله في حاجه
_ لاء ي قلبي مشغول بس شويه
خديجه: تعالي شوفيلي حل في المشكله اللي مش بتتحل دي
_ استغفر الله العظيم ي رب ده اي البيت اللي كله مشاكل ده، خير
خديجه بحزن؛ نوح مش معبرني خالص وزي منتي شايفه مهما اشتغل حلو مش عاجبه ومش شايفني اصلا ده غير البت حبيبه دي لازقه فيه في كل مكان وبصراحه انا حاسه اني مش هسفيد اي حاجه لو فضلت علي كده
#بقلمي_اميره_رمضان_مسعود
قولت بهزار_ طب متشوفيلك واحد حلو كده اتجوزيه وسيبك من نوح خالص
خديجه بحزن وعصبيه: متقوووووليش كدددددده تعرفي انا لما كنت مسافره اتعاملت مع ناس كتيره اووي وكتير منهم طلب مني الجواز مع انهم كاملين المواصفات ومش فيهم عيوب وكنت برفض علطول لاني مش شايفه غير نوح هو لما اتقدملي انا رفضت ارتبط بيه في الوقت ده بس هو فهم اني رفضته هو
_ فهماكي وبعدين فعلا طريقه العند مش هتاجي معاهم
خديجه: يعني اسيب الشركه
_ لاء طبعا كده مش هنعرف نعمل حاجه برضو
خديجه: اي رايك اعمل زي ما بيحصل في المسلسلات اتكلم مع واحد تاني ونخرج ويمسك ايدي واغيظه فهو يغير عليا وياجي يعترفلي بحبه ونتجوز
_ يااالله تصدقي فكره
خديجه: بجد حلوه

_ ياشيخه اتنيلي اسكتي يخربيت المسلسلات اللي واكله دماغك جربي بس تكلمي حد وهو ساعتها هيخليكي مش هتعرفي وشك من قفاك
#بقلمي_اميره_رمضان_مسعود
خديجه: ليه دانا هلعب علي وتر الغيره
_ لعبت عليكي بطنك لاء طبعا اللي بتقوليه ده مرفوض لسببين اول حاجه واهم حاجه انك هتغضبي ربنا اي هتخرجي مع واحد ويمسك ايدك ده ي بنتي اتقي الله انا والله لولا عارفه نيتك انتي ونوح انكم عايزين تتجوزو بس المشكه دي اللي معطله الدنيا مكنتش ساعدتك خالص
خديجه: خلاص اسفه انا مقصدش اغضب ربنا والله انا بس كنت بحاول اعمل حاجه اصلح بيها الغلط اللي عملته
طب واي السبب التاني
_ السبب التاني بقا نوح نفسه تخيلي كده واقفه تتدلعي مع واحد هو رغم انه مش بيكلمك بس والله هيديكي علقه مoت وهيعند اكتر ومش هيسامحك
خديجه: قفلتيها انتي خالص طب واي الحل
_ الحل هو التجاهل
خديجه: تجاهل اي بس ده هو اللي متجاهلني
_ ماهو احنا حيرانين عشان هو متجاهلك هنلعب معاه نفس اللعبه مع شويه من الغموض
خديجه: ازاي
_ هقولك
#بقلمي_اميره_رمضان_مسعود
____لا حوله ولا قوه الا بالله العلى العظيم ❤________
بسمه بقلق: سندس فين ندي
سندس: اهدي بس ندي جوا
بسمه دخلت بسرعه وحضنتها: مالكككك حصلككك اااي حد قالي انك وقعتي ولا مش عارفه حصلك اااي
ندي بهدوء: مفيش حاجه حصلت والله انا كويسه
بسمه: امال انتي هنا ليه ووشك اصفر
شهد بمشاكسه: كله من تحت راس ابنك الشقي ده
بسمه: عمل اي
سندس: أسامه بيقول انه جري قدام العربيه بسرعه والعربيه كانت هتخبطه وربنا ستر وندي اعصابها سابت من المنظر بس
بسمه خبطت علي صدرها ؛ ي لهوووووووووي هو فين الزفت ده
(مالك استخبي في شهد )
بسمه شدته من شعره: تعالي هنا ي ابن الجذ*مه انا مش قوووولت تمشي محترررررم حرررام علييييك
(شهد وسندس خدو مالك من قدامها ومشو بعيد )
سندس: خلاص انتي اتجننتي يعني هو كان قاصد وبعدين ده عيل صغير مش بيفهم حاجه
بسمه: انا تعبت منه والله (وبصت لندي )معلش ي بنتي سيب اعصابك اللهي تسيب اعصابه البعيد
يلا نروح عشان ميقلقوش علينا

______اللهم صل على سيدنا محمد _____
خبطت علي الباب
ليل: حنيين محتاج اقعد شويه لوحدي
(فتحت الباب ودخلت )
ليل: انا مش بقولك عايز اقعد لوحدي
_ العصر اذن وعايزه اصلي معاك
ليل: هصلي كمان شويه
_ ولييه التاخير يلا قوم نصلي وبعدين اقعد احزن براحتك
ليل: احزن ! انا مش حزين
_ امال اي ده
ليل: انا مستغرب هي ليه بتعمل كده علفكره انا حافظ جاسمن اكتر من نفسها هي مش هتعمل كده الا لما يكون في مصلحه وراه الحوار ده
_ مصلحه اي ي ليل حرام عليك بطل تشك في الناس بالطريقه دي
دي مهما ان كانت هي ام ومشتاقه لعيالها طب تعرف انا اهو رغم انهم مش ولادي بس اقسم بالله لما بيتاخرو في الحضانه بس ببقا هموت من القلق عليهم وبشتاق ليهم اووي مبالك دي امهم
#بقلمي_اميره_رمضان_مسعود
ليل: انتي عشان بنت اصول وبتعامليهم بما يرضي الله وقلبك ابيض لكن جاسمن مش زيك
_ طب خليها تقعد معاهم شويه مش هتخسر حاجه
ليل: لاء هخسر اكيد وبعدين انا قايلهم ان امهم ماتت
_ ليل متهزرش قال يعني هما مش هيعرفو انها عايشه ولادك دلوقتي بقا عندهم 6سنين وبكرا يكبرو ويعرفو كل حاجه دي حاجه مش هتستخباه كتير
ليل: يبقا يعرفو بعدين مش دلوقتي انا مش حمل تعب ايان تاني
_ ومين قالك انه هيتعب هو لما يشوف امه و……
ليل بعصبيه ؛ ويتعلق بيها وهي تبعد عنه تاني وقتها بقاااا هو هتبقا حالته عامله ازاااي حنيين انسي الموضوع ده ويلا نصلي
(صلينا وانا مش عارفه اتصرف في الموضوع ده ازاي بس لجأت لربنا كلعاده ودعيت كتير )
_____اللهم صل على سيدنا محمد ❤_____
سوسن: مابدري ي اختي كل ده بتجيبي الواد من الحضانه
بسمه: ي مرات عمي حصل معاها موقف اخرها
سوسن: واي ي اختي اللي حصل انتي كمان
(بسمه حكت اللي حصل )
سوسن ؛ منا عارفه سمعت الناس بتتكلم في الشارع
ندي بحزن: ولما عرفتي مجتيش ليه تشوفي حصلي اي مش يمكن كانت العربيه خبطتني ومت بسمه لما عرفت جات جري تطمن عليا لكن انتي اااااي
سوسن ببرود: ده دلع بنات فاضي وبسمه بتحب تجري يمين وشمال واي يعني اللي شوفتيه يخليكي تفرهدي كده في الشارع وتفرجي الناس عليكي
ندي: دلع بنات ؟! ي شيخه نفسي في مره احس انك بتخافي عليا زي باقي الامهات اي الجبروووت ددده
#بقلمي_اميره_رمضان_مسعود
سوسن: طب ي حنينه اخلصي والبسي عشان نروح خطوبه بنت خالتك اختك سمر هناك من بدري
ندي: مش هروح انا اي مكاااان

سوسن بعصبيه: انتي عايزاهم يقولو انك مجتيش عشان غيراااانه انك متجوزتيش واللي اصغر منك اتخطبت وهتتجوز
ندي بانفعال: الله يخربيت الجواز وسنيييينه حرررررررام عليكي بقااااااا انا تعبت اقسم باللله ارحميني شووووويه
(سندس واقفه علي الباب وسمعت اللي حصل وحزنت علي ندي اووي)
سندس بحزن: بسمه خدي شنطه مالك نسيتيها
بسمه: حبيبتي تعبتك معايا ادخلي واقفه علي الباب ليه
(سندس كانت هتمشي بس دخلت تواسي ندي )
________لا اله الا انت سبحانك اني كنت من الظالمين ❤_____
بليل
فارس: حنيين عملتي اي في الموضوع اللي كلمتك فيه
_ بصراحه لسه مكلمتهاش هرن عليها واقولها بس في الاول انت يابني اد الكلام اللي قولته ده
فارس: هو انا عيل صغير ولا اي
_ لاء العفو انا واثقه فيك بس برضو هخلي ليل يحضر معانا الكلام ده ليييييييييل ي ليييييييييييل
ليل: اي بتصرخي كده ليييه
_ تعالي عايزاك في موضوع خطييير ابن عمك قرر يتجنز قصدي يتجوز
ليل: من ورايا ي كلب
فارس: هو انا لسه عملت حاجه انا يدوبك كلمتها علي العروسه
_ حظر مين العروسه
ليل: ي ندي ي سندس مش محتاجه كلام
_ هي سندس فعلا عرفت منين
ليل: بس مش عايز غباء هو انتي تعرفي حد غيرهم اصلا
_ طب خلاص انا عايزاك تضمنه علي الكلام ده
فارس: هو انا جايب ولي امري يضمني في اااي ي بت
ليل: بت مين ي حما*ر انت متتكلم عدل معاها بدل مكسرك
_ هههههه يخليييك لييا ي رااااجلي
فارس: اضحكي ي اختي اضحكي خلصي بقا وكلميها
_ المواضيع دي متنفعش في التلفون انا هروحلها بكرا اي رايك ي ليل

____سبحان الله العظيم ______
تاني يوم
خديجه قاعده في الجنينه بتقلب في التلفون ونوح دخل وشافها ومشي من غير ميتكلم وهي كانت مطنشاه ومركزه في التلفون
نوح استغرب انها مش بتتكلم معاه زي كل مره سابها ودخل
نوح بعصبيه: ليييييل

نوح بعصبيه: لييييييل
ايان ببراءه: نوح تعالي العب معايا
نوح: مش فاضي انا للعب العيال ده وبعدين انت مرحتش الحضانه ليييييييه
_ في اي ي نوح متعصب علي والواد كده ليه
نوح: بقولك اي جوزك مطلع عيني في الشغل مش ناقصه
_ ومالو يعيش ويطلع عينك
نوح بعصبيه: هوووو فيييين
ليل: في اي ياض
نوح: هات ي عم الورق اللي هوديه الشهر العقاري خليني اخللللص
ليل: طب تعالي واعدل وشك ده
_____صلو على النبي❤____
شهد بتشيل الفطار: حد يشرب شاي
سندس: اعملي كابتشينو
شهد: انا قولت شاي عايزه تطفحي هعمل حسابك مش عايزه مسمعش صوتك
سندس: مش عايزه جتك نيله

(شهد دخلت المطبخ )
رحيم: ندي متكلمتش معاكي في حاجه
سندس: حاجه زي اي يعني
رحيم: مجابتش سيرت زياد
سندس: متكلمتش كتير عن اللي حصل لانها انهارده مكانتش مركزه مع حد يعيني
رحيم: ليه
سندس: انا نفسي افهم امها دي فين قلبها حقيقي والله فيها كمية شر رهيبه مسبتش حد الا لما اذته بشرها اذا كانت حنين ولا ندي
رحيم: عملت اي لندي طب حنين ومتضايقه منها لكن بنتها تاذيها ليه
(سندس حكت لرحيم اللي حصل )
رحيم: انتي بتهزري اكيد
سندس: والله مش بهزر دي ندي كانت بتبكي وتقولها نفسي احس انك بتخافي عليا وامها بتكلمها ببرود فظيع انا كنت عايزه ادخل اضربها والله وطول منا قاعده مع ندي كانت بتبكي وتشتكيلي منها
رحيم: ربنا يصبرها
سندس ؛ رحيم بقولك اي متتجوز ندي وارحمها من اللي هي فيه والله مهتلاقي في طيبة قلبها
رحيم: سندس انتي هبله حقيقي انا زعلان عليها اوي لكن انا بعتبرها زي اختي مفيش اي حاجه بينا وبعدين انا عمري مهتجوز حد بطريقه دي
سندس: طريقه اي بقا

رحيم: طريقه الشفقه مش عشان صعبانه عليا اتجوزها كده مش هنعرف نعيش مع بعض
#بقلمي_اميره_رمضان_مسعود
سندس: خلاص ي رحيم فهمتك بقولك زياد كان بيعمل اي معاكم تحت لما العربيه كانت هتخبط مالك
رحيم: ماهو الاستاذ هو اللي كان هيخبطو وقال كلمه كده ملهاش لازمه بس والله ماهرحمه انا دورت عليه من بعدها بس لسه ملقتهوش
سندس: عشان كده ندي قالتلي اقولك انك متعملش اي حاجه لزياد
رحيم بعصبيه وغيره: ااااي هي لسه بتحبه
(شهد طلعت من المطبخ ): مين اللي بيحب مين
رحيم بضيق: انا طااالع
(مشي وهو متعصب ومتضايق وكل اللي بيفكر فيه هي لسه بتحبه يعني حتي بعد كل اللي حصل ده طب ومش حاسه بيا خالص نست كل الكلام اللي قولتهولها زمان دي سندس لسه فاكراه لكن هي نسته وحبت زياد وبعد كل اللي عملته عشانها زعلانه لاعمل حاااجه في زيااااااد الله يخربيت الحب اللي يوجع القلب بشكل ده )
______استغفرو ❤____
سيد: ندي انتي ي بت ي زفته
دخل الاوضه وشافها بتصلي
سوسن: مش بترد عليك ليه
سيد بسخريه: ست الشيخه بتصلي
سوسن: انا مش عارفه اي الصلاه اللي كل شويه دي اللي نعرفه ان الصلاه خمس مرات وخلاص علي كده لكن دي مش بتبطل
بسمه؛ ي مرات عمي ربنا يهديا ويهدينا سبيها تصلي هي مزعلاكي في اي
سوسن: هو حد كان وكلك ليها محاميه كل منتكلم تدافعي عنها وبعدين انتي اصلا اللي مقوياها علينا انتي واختك
بسمه: وهي اختي كانت عملتلك اي دلوقتي
سمر: مالك اتضايقتي كده ليه لما جبنا سيرتها
بسمه: عشان هي معملتش حاجه ليكم وعايزين تجيبو سيرتها تبقا بالخير وغير كده انا هرد علي اي حد ومش هسكت
#بقلمي_اميره_رمضان_مسعود

سيد: بس ي بت يلا اطلعي شقتك مش عايزين صداع
(بسمه خدت مالك وسليم وطلعت )
ندي خلصت صلاه وكانت سامعاهم: ياربي نجيني منهم انا تعبت ومبقتش قادره استحمل بس انا واثقه في قدرتك يارب
اللهم اخرجني من حولي الي حولك ومن قوتي الي قوتك لا اله الا انت سبحانك اني كنت من الظالمين
______لا حوله ولا قوه الا بالله ____
جاسمن: عملت زي مقولتلي ومفيش اي حاجه حصلت
عزت: مين قالك كده استني بس وشوفي المهم انك تكلمي مراته دي تاني وتتحايلي عليها شويه
جاسمن: اتحايل اي انا عايزه امسكها اموتها في ايدي انا متضايقه وغيرانه منها اوووي
عزت: معلش هي اللي هتساعدك لما تتمسكني شويه كمان قدامها وهي اللي هتدخلك البيت وساعتها يبقا ارميها انتي برا
جاسمن: ياااه مش مصدقه ايمتي ارجع تاني لليل
عزت: بس المرادي انا مش عايز غلط فاهمه
جاسمن: اكيد
______الحمد لله ____
نوح طلع من عند ليل وشاف خديجه قاعده تبكي
نوح بقلق: مالها بتبكي ليه،انا مالي امشي وملكش دعوه،لاء مش هقدر اسيبها كده
نوح راح عندها: بتبكي ليه
خديجه مسحت دموعها: مفيش
نوح: لاء فيه مالك في حد زعلك
خديجه: انا قولتلك مفيش حاجه
نوح: خدييييجه قولي مالك في حاجه وجعاك
خديجه بحزن: لاء انا كويسه عن اذنك (وسابته ودخلت وهو وقف محتار)
#بقلمي_اميره_رمضان_مسعود
خديجه دخلت اوضتها وقفلت الباب واتنطتت من الفرحه
= ايواااا بقااا اخيرا ابتدا يكلمني يخربيت افكاااارك ي حنين
*فلاااااش باااااااك
خديجه: عملت زي مقولتي اهو وفعلا كان باين عليه انه مستغرب اني متجاهلاه بس مكلمنيش
_ معلش وحده وحده هو جاي هياخد ورق من ليل وهيمشي علطول لازم بقا المرادي نزود شويه شطه
خديجه: يعني اعمل اي

_ تعالي (جبت قطره تعقيم للعين)
خديجه: هعمل بيها اي
_ اول متحسي ان نوح طالع من البيت حطي منها بسرعه ومثلي انك بتبكي وهو اكيد هيحاول يسالك مالك قوليلو مفيش وسبيه وادخلي اوضتك علطول وهو اكييييد هيحتار
خديجه: يخربيت افكراك
_ اي خدعه بس اهم حاجه اوعي يشوف القطره
خديجه: اكيييييد
**بااااااااااك
خديجه بفرحه: الحمد لله يارب عدت علي خير يارب الموضوع ده بقا يتحل ونتجوز
_____اللهم صل على سيدنا محمد _____
_ ايوا اقف بقا علي جنب
ليل: هو ده بيتها
_ ايوا هقعد معاها شويه وبعدين هروح اشوف ماما وانت راجع هات ايان وتالين وعدو عليا
ليل: مش عايز تاخير هنا قوليلها الكلمتين وروحي علطول ورني عليا لما تروحي عند والدتك
_ ماشي عايز حاجه
ليل: هتوحشيني
(فرحت اوي لما قال كده نزلت بسرعه وطلعت عند سندس وهو مشي )
سندس: العروسه جااااااات دانا مصدقتش لما بعتيلي الرساله وقولتي انك هتاجيلي
_ منا عارفه ان انهارده عندك اجازه عشان كده جيتلك
(دخلت وسلمت علي الموجودين ودخلنا اوضه سندس)
سندس: بس وحشتيني ي بت اوووووي
قولت بغمزه: بكرا هيبقا وشي في وشك لحد منزهق من بعض
سندس: ازاي
#بقلمي_اميره_رمضان_مسعود

_ ازاي اي ي بت علي اساس انك مش فاهمه شوفتي الواد مرتين وقعتيه علي وشه
سندس: واد مين انا مش فاهمه
قولت بفرحه: فارس معجب بيكي وعايز يتجوزك
(سندس تنحت ومتكلمتش )
_ في اي ي بت افهم انا كده اااي
سندس بتوهان: فارس مين
قولت بسخريه: فارس العزايزي اخو رفيع بيه
سندس: بطلي هزار
_ هو فيه غيرو يعني فارس ابن عم ليل اللي جه الخطوبه متكسر عشان يشوف خلقتك
سندس: اي ده هو فيه اي انا مش عارفه مالي
_ ضحكت يبقا قلبها مال
سندس بفرحه:هو اللي قالك عليا
_ لاء ابوه
سندس: اتكلمي عدل بقا
_ ايوا ي ستي هو بقالو يومين عمال يقولي عايز اتجوز سندس وكل شويه يقولي قولتيلها علفكره هو كان عايز ياجي تقدم علطول بس قالي اشوف رايك اي الاول
سندس حطت ايدها علي وشها بكسوف: يالهووووووي
_ بس كده انا عرفت الرد هقوله مش موافقه
سندس بشهقه: وحيااااااات امككككك
#بقلمي_اميره_رمضان_مسعود
____استغفر الله _____
ندي تلفونها رن قامت تشوف مين كان رقم
ندي: ياترا مين ده حاسه اني شوفت الرقم ده قبل كده اوعي يكون الزفت زياد
(الرقم رن كذا مره واضطرت انها تفتح )
الو

ندي: ايوا مين
= انا رحيم
ندي بتوتر: ررحيم خير في اي
رحيم: هسألك سؤال وتجاوبي عليه اه او لاء
ندي بقلق: سؤال اي
رحيم: تتجوزيني ؟!
ندي: 😳

ندي بصدمه: بتقول اي
رحيم: انتي سمعتي جوابك اي بقاا
ندي: ررحييم انت
رحيم بجديه: انا سألت سؤال وعايز اجابه علطول
ندي بتحاول تستوعب: انا مش مستوعبه ي رحيم انت في وعيك
رحيم: اه في وعي قدامك نص ساعه تفكري وهرن عليكي اشوف ردك ولو وافقتي ان شاء الله بليل هاجي اطلب ايدك
(وقفل التلفون)
ندي بزهول: هو قال اي انا اكيد سمعت غلط في علامات استفهام كتيره اوووي في الكلام ده بس هو قالي ليه كده
مش معقوله فعلا الكلام ده يااااالله
(جرت بسرعه علي سجاده الصلاه صلت ركعتين شكر لله )
#بقلمي_اميره_رمضان_مسعود
________

انتي بتعملي اي ي ماما
امي: بعملك الاكل
_ لاء ي قلبي متتعبيش نفسك شويه كده وليل هيعدي عليا وهمشي
امي: لاء لازم تاكلو الاول
_ ي مامااااا بالله عليكي ريحي نفسك بقاااااا
دخلت ندي بسرعه البرق: حنيييييييين جيتي في وقتك عايزاكي بسرعه في حاجه مهمه
_ طب استني هشوف ماما بتعمل اي
ندي: لااااااااء مفيش وقت ده باقي عشر دقايق بظبط
_ في قنبله هتتفجر ولا اي ي بت
ندي: تعالي بس معلش بقااا ي مرات عموووو
(دخلنا الاوضه وندي قفلت الباب )
_ خير ي بت اي اللي حصل
ندي بفرحه ودموع: مش عارفه اقول اي انا حاسه اني في حلم والله وخايفه اصحي منه
_ فرحانه كده ليه فرحيني معاكي
ندي: لقيت رقم رن عليا انهارده ورديت وكان رحيم
_ رحيم ابن عم سندس كان عايزك في اااي اوعي يكون زياد عمل حاجه
ندي: لاء الموضوع مكنش يخص زياد
_ امال اي
ندي بفرحه: رحيم قالي تتجوزيني
_ ااااي بجد قال كدده
ندي: اه والله انا مش مصدقه لما قالي كده وبعدين معرفتش ارد قالي معاكي نص ساعه وفكري ولو وافقت هياجيلي بليل يطلب ايددددددي
#بقلمي_اميره_رمضان_مسعود
_ انا مش هقولك رايك اي لان باين عليكي طايره من الفرحه
ندي بلغبطه: انا فرحانه وخايفه عايزه ازغرط واضحك وفي نفس الوقت عايزه ابكي واصرخ
_ ااااااي المشاعر اللي داخل فيها قطر دي
ندي: انا حقيقي متلغبطه اووي وصليت ركعتين استخاره
_ طب وحاسه بايه
ندي: حاسه اني عايزه اتجوز رحيم انهارده قبل بكرا وعايزه اسالو علي حاجات كتيره اوووي وخايفه من ابويا
_ كل ده مش مهم انا بتكلم رحيم موافقه بيه زوج ليكي
ندي: طبعاااا عارفه لما تبقي تايهه وحزينه ومفيش حد بيدعمك وفجاء تلاقي حد طلعلك كده مسك ايدك وبمجرد انه مسك ايدك قلبك بقا مطمن ومرتاح هو ده بظبط رحيم ده لما بيكون في نفس المكان اللي بكون فيه بكون فرحااااانه وحاسه بالامان
الشخص اللي ياجي بعد كل الخذلان اللي عيشته ده ويحسسني بالامان ده كله انا امسك فيه بأيدي واسناني وعمري ما هفرط فيه ابداااا

_ اي ي بت الكلام الجامد ده
ندي: ده مش كلام ده حقيقه والله انا مهما اقول مش هعرف اوصف الفرحه اللي جوايا لما كنت بقول لزياد تعالي اتقدملي مكنتش فرحانه بلعكس كانت حاجه ممله لان زياد محسسنيش اني غاليه عليه او ليه قيمه لكن رحيم غيييير اي حدددد
يالهوووووووي ده بيرن
_ طب ردي بسرعه
ندي بتوتر: اقول اااي مش عارفه طب ردي عليه انتي
_ ارد انا اقوله اي ي حوله انتي
ندي فتحت وقالت بتوتر: االوو
رحيم: قولتي اي
ندي غمضه عنيها ومسكت ايدي وقالت بكسوف: م م موافقه
رحيم بارتياح: تمام انهارده الساعه 8هنكون عندكم ان شاء الله
ندي: ماشي
(قفلت التلفون وحضنتني اووووي )
_ في اي ي بت هو انتي اول مره يجيلك عريس
ندي: قولتلك رحيم غير اي حد
_ من البدايه كده وهنتكبر وبعدين كلكم كده هتتجوزو وهتسيبو العزوبيه لوحدها
ندي:ههههههه معلش كفايه عذوبه لحد كده روحي شوفي امك بقااا سلام
#بقلمي_اميره_رمضان_مسعود
_______
عند رحيم
رحيم: مش عارف اي القرار اللي اخدته ده صح ولا اي بس اكيد هو الصح بعد اللي عرفته
فلااااااش باااااااك
سندس: الو انت رحت فين
رحيم: سندس سيبيني في حالي
سندس: انت زعلت ومشيت ليه احنا لسه مخلصناش كلامنا
رحيم: في اي كلام تاني بعد انها لسه بتحبه
سندس: حب اي ندي مش بتكره في حياتها اد زياد

رحيم بانفعال: امال خايفه عليه ليييه
سندس: هي مش خايفه عليه هي خايفه علي اللي هيحصل الزفت ده رجع كلمها تاني وهددها
قالها لو رحيم مطلعش من الموضوع هيعملها مشاكل
حيم: مش هيقدر يعملها حاجه انا هقف في وشه
سندس بصوت عالي ؛ اه هتقف في وشه بصفتك اااي بقا ابن عم صحبتها ده دي مشكله تانيه في حد ذاتها وزياد هددها بكدا قالها
هفضحك وهقول انك ماشيه مع شباب كتيره وانت لما هتضربو هيخلي حد يصورك وبعدها هيفضحها
رحيم: اي اللي انتي بتقوليه ده
سندس: انا بقولك اللي حصل واللي هيحصل لو انت اتدخلت
رحيم: عشان كده هي قالتك ماتدخلش
سندس: ايوا
باااااااااااك
رحيم بغضب: كده بقا مش هيبقا ليك حجه ي زياد الك*لب
_________
في الشركه
فارس دخل المكتب بسرعه: ليييل
ليل ؛ اي ياااض انا مش سايبك في البيت
فارس: خلاص بقا منا بقيت تمام اوي بعد الخبر ده
ليل: وافقت
فارس بفرحه: اخيرااا وافقت انا فرحان اووي
دخل نوح: طب فرحني معاك
فارس: خلاص هخطب والعروسه وافقت
نوح بفرحه: الف مبروووووك ي بررررررو عقبالي
ليل: امين يلا بقا ي استاذ فارس علي مكتبك
فارس: مكتب اااي انا تعبان
ليل: انت مش قولت انك تمام يلا ي عم التمام علي شغلك
نوح بشماته: منتا كنت قاعد في البيت مرتاح
فارس: انا اللي جبته لنفسي بقولك كنت عايز افتح مصنع صيانه لسيارات
ليل: غريبه الفكره شويه
فارس: موجودين اللي هيشتغلو بس ناقص المكان
نوح: اي اللي طلع الفكره في دماغك
ليل: اكيد اهل العروسه
فارس: والله انا كلمته في الموضوع ده من زمان ووافقنا موضوع الخطوبه ده بعيد عنه
ليل: مفيش مشكله هشوف انا مصنع مناسب واقولك
فارس: حبيبي #بقلمي_اميره_رمضان_مسعود
_________

سندس: ي بت اخوكي راح فين
شهد: معرفش منتي كنتي معايا لما طلع
أسامه: خلاص انتي مكبره الموضوع ليه تلقاه هيخلص شغل وياجي
رحيم دخل: اي في اي مالكم
أسامه: فكك منهم دول دماغهم فاضيه
رحيم: عايزك تجهز انهارده بليل عشان هتاجي معايا انا وابوك هنروح نطلب ايد وحده
ام رحيم: لولولولولوووووووووووووي انت بتتكلم جد
أسامه: يعني بعد الزغاريط دي ولسه بتسأليه (وبص لرحيم )غريبه هي الفكره طلعت في دماغك علطول كده
رحيم: ليه في حاجه يعني
أسامه: ابدا والله ي حبيبي انا بس اتفاجات ربنا يتمملك علي خير يارب
شهد: معلش ي أسامه اصلو شافنا اتخطبنا غار مننا بقااا
رحيم: اغير من مين ي بت دانتو تسدو النفس
سندس: لااااء استنو لحظه كده مين البنت اللي هتتجوزها
رحيم: ندي سيد
سندس: نعااام
ام رحيم: والله كنت بدعيلك انها تبقا من نصيبك بنت مفيش في اخلاقها
أسامه بغمزه: حب الطفوله بقااا
شهد: اخيراااا هبقا عمتو الحربايه
أسامه: بس احنا مش هنروح لناس زي القضاء المستعجل كده لازم نديهم خبر اننا جايين
___________

حنييييين في وحده عايزاكي برا
كنت بجهز الاكل: مين دي ي ماما
ماما: معرفش والله هي منقبه وبتقول انها زميلتك في الشغل
(طلعت وانا مستغربه مين دي )
اهلا نورتي
البنت رفعت النقاب وانا اتصدمت: انتي
جاسمن بحزن: صدقيني مليش غيرك يقدر يساعدني والله انا نفسي اقعد مع اولادي حتي لو هتسمحولي اشوفهم كل فتره هما وحشوني اوووي
_ حاسه بيكي والله ومقدره
جاسمن: ليل لو عايز ارجعلو الشركه والفلوس تاني هرجعهم بس يسمحلي اشوف ولادي انا قلبي بيتقطع وهما بعاد عني
_ هحاول اقنع ليل انك تشوفيهم
جاسمن بخبث: مش هيرضي وهيأذيني
_ لاء لاء ليل مش وحش كده انتي بتقولي اي وبعدين لزم نقوله عشان تشوفيهم
جاسمن: طب ممكن تخليني اشوفهم من وراه
_ انا اسفه بس لاء طبعا دول اولاده ولازم يعرف كل حاجه عنهم وبعدين اكيد هيعرف وساعتها هيحصل بيني وبينو مشاكل
جاسمن في بالها: ماهو ده اللي انا عايزاه
جاسمن بحزن مزيف: خلاص بقا يعني مفيش حل
_ لاء ان شاء الله فيه متقلقيش هدور علي طريقه اقنع بيها ليل وساعتها هتشوفي ولادك زي منتي عايزه
جاسمن: شكرا ليكي اووي انا لازم امشي بقا قبل مياجي وتحصل مشكله
_ ماشي مع السلامه
(جاسمن مشت وانا كنت محتاره هي عرفت عنوان بيت اهلي منين وبعدين عرفت منين اني انا موجوده هنا)
__________

سيد: شوفتي الواد رحيم بيكلمني وبيقول عايز ياجي يشرب الشاي معايا انهارده بليل
سوسن: لاء مش موافقين
سمر: ومش موافقين ليه خليه ياجي يمكن النحس بتاعها ده يتفك وتتجوز
سيد: لاء طبعا انا مش هجوزها للواد ده ده حتت عيل ميكانيكي
بسمه: بس هو ي عمي مهندس ميكانيكي يعني حاجه كبيره
سوسن: حصلنا الرعب ي اختي فين الحاجه الكبيره دي ده ابن ابو حماد فاتح ورشه احسن منه ومش بيعرف يقرا ويكتب
بسمه: انا بقول انه مش قليل ده في الاول والاخر مهندس
سيد: علي نفسه انا مش موافق علي الجوازه دي
ندي طلعت وقالت: وانا بقاااا موافقه ومش هتجوز حد غيروو

سيد: انتي تخرسي ي بت ومسمعش صوتك
ندي باصرار: لاء مش هخرس انا مش هتجوز الا رحيم
سوسن: اسمعي ي بت كلام ابوكي وادخلي جوا مفيش جواز
ندي: لاء هتجوز خليني اغور من هنا زهقت من اللي بتعملو فيااااا (واتفاجات بالكف نزل علي وشها )
سيد: انتي متقوليش لاء ابداااا سامعه واللي انا عايزو هعمله مفيش جواز من رحيم انتي هتتجوزي فارس وخلصنا
ندي بانفعال: حرام عليكم بقا عايزين تجوزوني غصب عني ليييه انا والله ماهتجوزو وقلتلكم قبل كده انا مش هتجوز فارس مش هكون نسخه تانيه من حنين هي خافت علي امها لكن انا معنديش اللي هخاف عليه وههرب لو غصبتو عليااااا
(سيد مسكها من شعرها وضربها جامد وندي بتصرخ من الوجع وبسمه بتحاول تبعدو عنها )
بسمه: ابعددددد عنهااااااهتمووووت في ااااايدكككككك
_______
اي الصوت ده ي مامااا
ماما بقلق: مش عااارفه بس ده جاي من شقت عمك تحت
_ يالهوووووي ده صوت ندي وبسمه فين الطررررحه #بقلمي_اميره_رمضان_مسعود
(خدت الطرحه ونزلت جري بسرعه وقابلني ليل علي السلالم )
ليل بقلق: بتجري لييه كده واي الصراخ ده
(مصدقت ان ليل جه لانه هو الوحيد اللي هيقدر يبعد عمي عنهم)
_ كويس انك جيت تعالي بسرعه بالله عليك
(خبطنا علي الباب وفتحتلي بسمه بسرعه )

بسمه بصرع: لييييل بالله عليك خليييه يسيبهاااااا
(لما شفت منظر ندي وهي واقعه في الارض وهو بيضربها باديه ورجليه في بطنها ووشها حسيت اني اتجمدت مكاني )
(ليل مسك عمي بسرعه وبعدو عن ندي اللي مقدرتش تتحرك من مكانها )
بسمه جابت طرحه وغطت شعر ندي وجريت عليها حضنتها وهي مسكت فيا اووي
ليل: انت ازاي اب في حد يعمل كده في بنته
عمي: دي بنت قليله الادب وكنت بربيها
ليل بعصبيه: بتربيها ولا بتموتهاااا ازاااي عندك قلب تعمل فيهاااا كددده (وبص لمرات عمي )وانتي ازاااااي شايفه بنتك بتضرب كده وقاعده في البرود ده كله انتي مش بتحسي
مرات عمي: هي اللي لسانها طويل تستاهل
ماما: منك لله ي سوسن انتي وسيد علي اللي عملتو في البنت ده انتي ازاي ام ازاي بجبروتك ده تكوني اااااام
ندي بحزن وكسره: دخليني اوضتي انا مش عايزه اشوفهم
#بقلمي_اميره_رمضان_مسعود
_ انتوووو ااااااي شياطييييين بتعملو فيهاااااا كده لييييه ده انتو عقابكم هيبقاااا ملوش اخر حسبي الله هو نعم الوكيل فييييييكم
مرات عمي: انتي اي اللي جابك هنا اصلا انتي وامك يلا اطلعو برا بيتي
ليل بغضب: انتي بتقولي ااااي
عمي: اخرسي ي ولييييه وعليا الطلاق لو نطقتي كلمه كمان مهتقعدي فيهاااا احنا اسفين ي بيه هي متقصدش
_ ليل يلا نمشي يلاا ي ماما (بسمه اتضايقت منهم وكانت هتمشي بس انا اصريت انها تبقا موجوده مع ندي )
(ومشيت انا وليل ورحنا الحضانه جبنا ايان وتالين ورجعنا البيت)
_____________
خديجه قاعده بتشتغل وفي رساله جات علي تلفونها
(فتحت الرساله وكان نوح )

نوح: مش هتقوليلي كنتي بتبكي ليه
خديجه كانت مبسوطه اووي ردت عليه برساله: عادي وهي هتفرق معاك تعرف السبب
نوح: مش هتفرق اوي بس احنا كنا في يوم من الايام اصحاب فواجب عليا اني أسالك
خديجه اتضايقت: تمام شكرا علي سؤالك
نوح: مجتيش الشركه انهارده ليه
خديجه: عادي بشتغل في البيت مش حابه اجي واقطع عليكك اللحظه وانت مع الست هانم
نوح حب يغيظها عشان ترجع الشركه: اممممم طب كويس علعموم كده احلي خليكي في البيت
خديجه بضيق: ومالو بس انا اللي اقول اشتغل في البيت ولا الشركه انت ملكش دعوه اصلا
#بقلمي_اميره_رمضان_مسعود
نوح بيحاول يكتم ضحكته: طيب عايزه حاجه بقا عشان ورايا ميعاد
خديجه: لاااااااء مش عاااااايزه ومتتصلش علياااا تاااااني (وقفلت التلفون بغضب)
نوح كان مبسوط وهي غيرانه عليه كده وقال: مهما بعدتي عني انتي لسه جوه قلبي بس لازم اعرفك ازاي تبعدي وتسبيني كده تاني
اما بنسبه لحبيبه فانا لازم اقولها الحقيقه وهعرض عليها تكمل معايا في التمثيل واما نشوف اخرتها ي بنت الحديدي
____________
سيد بيتكلم في التلفون: ي حبيبتي ماهو انتي عارفه المشاكل اللي فيها وكمان زادت مشكله البت ندي
المتصل: مالها
سيد: جايلها عريس وانا مش عايزو وهي موافقه وعاندت معايا وضربتها
المتصل: لاء بقولك اي انا مش هستنا لما ياجي عريس علي مزاجك وتجوزها انا عايزه اخلص بقاااا من الهم ده
سيد: انا عيني علي عريس جامد
المتصل: وانا مش هستنا الجامد ده لما ياجي هتكون روحي طلعت بقولك اي انت توافق علي العريس ده وتدوس عليه في الطلبات وافق يبقا تمام موافقش يبقا تشوف غيرو وكله في السريع
سيد: انتي شايفه كده
المتصل: طبعا ي عمرري
_______
سندس: لولولولولووووووووووي عشت وشفت اليوم اللي اشوفك فيه عريس
رحيم: بس ي بت اوعي من وشي
شهد: انا هاجي معاكم

رحيم: احنا مش رايحين نتفسح ده لسه هنشوف هيوافقه ولا لاء
فايزه ام رحيم: ازاي ده وهما يطولووو
سندس بضحك: معلش ي طنط القرد في عين امه بقاا
فايزه: ماشي ي جذ*مه
أسامه: انتي رايحه فين كده ي بت
سندس: رايحه معاكم
أسامه: لاء احنا مش هنلم لمه
سندس: انا مش رايحه تبعكم اصلا انا تبع العروسه وكمان هسبقكم علي البيت وياريت تدخلو محترمين كده عشان اخليها توافق
رحيم: أسامه اقتل اختك ويلااا
#بقلمي_اميره_رمضان_مسعود
__________
بعد ساعه
سندس: يالهوووووي اي الكدمات اللي في وشك دي
ندي: انا ابويا لو ركب دماغه ورفض انا هنتحر بقاا
بسمه: بطلي هبل استغفري الله حرام عليكي
ندي ببكاء: انا تعبت والله ومش قادره استحمل اكتر من كده
بسمه: ربنا عالم بيكي وفرجه قريب ومتيأسيش ابدااا من رحمته
ندي: ونعمه بالله
سندس: ثواني بس فهموني اي اللي حصل
(بسمه حكت لسندس كل حاجه بس مجابتش سيرة فارس)
سندس: يعني مش هيوافق
بسمه: لاء ان شاء الله هيوافق ان شاء الله ادعوه انتو بس
(سمعو صوت زغاريط)
سندس: دي مرات عمي اللي بتزغرط
ندي بزهول وفرحه: اي ده هو بابا وافق
سندس: هطلع اشوف حصل اي

بعد دقيقه
سندس: لولولولووووووووووي مبررررررووووووك ي قلبااااااااااي
(ندي بكت من الفرحه وحضنت سندس اوووووي )
بعد شويه
(ندي طلعت تقعد شويه مع رحيم وكانت مخبيه اثر الضرب بالطرحه )
رحيم: مبروك
ندي بكسوف: الله يبارك فيك بس انا كنت عايزه اسألك علي حاجات كتيره
رحيم: هتعرفي كل حاجه في وقتها بس اتمني تكون دي اردتك ومحدش يكون غصب عليكي انك توافقي
ندي ابتسمت بسخريه وقالت في بالها: دول غصبو عليا موافقش
رحيم: ندي
ندي: ايوا معاك لاء محدش غصب عليا دى ارادتي انا (دخلت بسمه بالعصير وسندس من وراها بالحلويات)
سندس بضحك: اطفح ي عريس مش بتطفح ليه
رحيم: شوفي ي ندي اول حاجه عشان نكمل مع بعض انك تقطعي علاقتك بالبت دي
ندي بضحك: انا قاطعه علاقتي بيها من زمان اصلا (وخدت العصير وقدمته لرحيم ) اتفضل اشرب
رحيم بياخد منها العصير وخد بالو من بصمه كف علي وشها
رحيم باستغراب وغضب: بتقوليلي ان محدش غصب عليكي امال اي اللي علي وشك ده
ندي شدت الطرحه بسرعه وقالت بتوتر: دي دي حساسيه
رحيم بغضب: بطلي كدب كان من الاول لما سألتك كنتي رفضتي ومكنتش جيت ولا كان حد ضربك وغصب عليكي انك توافقي
(ندي دموعها نزلت ومعرفتش تتكلم )
بسمه: رحييم اهدا عايز تعرف اي اللي علي وشها ده اقولك انااا
ندي: بسمه لاء اسكتي
بسمه: لاء هقوله ابوها وامها مكنوش موافقين عليك خالص ولما هي اصرت انها هتتجوزك خدت علقه مoت وجسمها كلو وارم من الضرب مش بس الكف اللي علي وشها ده
رحيم باستغراب: ليه يضربها كده لييه كل ده عشان مش عايزيني
بسمه: مش بظبط كده انت عارف انهم ميهمهمش الا الفلوس ومتزعلش مني هما شايفينك مش العريس المناسب لانهم عايزين واحد غني وانا واثقه انهم طلبو منك طلبات مستحيله وانت وافقت
(رحيم سكت بعد الكلام اللي سمعه)
ند اخيرا اتكلمت: رحيم انا عارفه انك مش هتقدر علي طلباتهم وانا مستعده اقف في وشهم عشانك ومش عايزاك تجيب اي حاجه من الطلبات دي (وقالت بدموع) انا مش عايزه الا انت
رحيم فرح من كلامها وقال: بطلي بكاء بقااا مش عايز اشوف دموعك دي وكل اللي طلبو هياجيلك واكتر كمان ومتعارضيش اهلك كفايه عليكي كده مش عايز حد يمد ايدو عليك لحد متبقي في بيتي اسمعي الكلام ومتشغليش بالك انا مش هسيبك
(وقال بضحك)كلها خمس شهور محدش هيمد ايدو عليك الا انا
(ندي مكانتش مصدقه الكلام ده وفرحت اوووي )

سندس: والله العظيم انت ابن عم رااااجل خد بوسه ياض (ورمت ليه بوسه في الهواء )
ندي بصتلها بغضب جحيمي: عارفه لو قررتي الحركه دي تاني انا هعمل فيكي اااااااي
سندس: ده اخويا ي اختشي مالك انتي
ندي بردح: وده جوزي المستقبلي ي عنياااااا اطعي اني منها بدل مطلعك من الدنيا خالص
بسمه بضحك: شايف الهاديه الكيوت قلبت عشماوي ازاي
رحيم بضحك: ربنا معايا بقا علي اللي هشوفو
#بقلمي_اميره_رمضان_مسعود
_______
سوسن بغضب: انت ازاي وافقت علي الجوازه دي
سيد: وافقت انا حر
سوسن: احنا مش قولنا هنجوزها لواحد غني.
سيد: خلاص بقا نصيبها كده اطلعي من دماغي بقا
سوسن: طب عايزين فلوس بقا نجبلها باقي الجهاز عشان مش عارفه انت مستعجل علي اي
سيد: هنطول المده ليه خلينا نجوزها ونخلص بقااا كفايه خمس شهور
سوسن: ماشي ي اخويا هات الفلوس اللي في البنك
سيد بعصبيه: متجبيش سيرت الفلوس دي علي لسانك ملكيش دعوه بيها
سوسن: لاء ليييه امال مين اللي ليه
سيد:لاء محدش ليه دعوه غيري انا واتخمدي بقاااا عشان مسافر الصبح هقعد اسبوع
سوسن: اموت واعرف بتسافر تروح فين المده دي كلها
سيد: مoتي وهبقا اقولك علي قبرك
#بقلمي_اميره_رمضان_مسعود
____________
انا هعملك القهوه
ليل مسك ايدي: اقعدي بس الاول انتي لسه زعلانه من اللي حصل
اتخنقت في البكاء: لاء مش زعلانه
ليل حضني وانا مصدقت بكيت كتيير اوووي وقولت: انا صعبان عليا ندي اووي نصيبها ان يكون عندها ام واب بشكل ده لما كان بيضربها افتكرت نفس المنظر اللي كان بيضربني بيه زمان من بعد بابا ما م١ت كان بيضربي اووي بس انا كنت بلاقي ماما واختي خايفين عليا وبعد ميضربني كنت بترمي في حضن ماما ابكي لكن هي ي حبيبة قلبي امها واختها قاعدين يتفرجو عليها وهي بتضرب بالشكل ده ومحدش دافع عنها
تعرف انت لو مكنتش موجود مكنش سابها ابدااا بس هما بيعملو حساب للفلوس عشان كده ساب ندي وزعق لمراته لما قالتلنا كده مع العلم هي بتقول كلام اسواء من كده مليون مره
ليل: ان شاء الله خير متقلقيش ربنا هيعوضها اكيد عن كل اللي هي شافته
_ منه لله اللهي تتكسر فرحته زي مكسر فرحتها جايلها دلوقتي عريس وهي كانت طايره من الفرحه وانا متاكده ان عمي ضربها عشان العريس
#بقلمي_اميره_رمضان_مسعود
ليل: ليه كان عايزها تتجوزو غصب عنها
_ لاء كان عايز يجوزها واحد غني عشان يصرف عليهم لكن رحيم شغله بسيط

ليل: رحيم مين ابن عم سندس
_ اه انت تعرفه
ليل: ده هيبقا في بينا شغل الفتره الجايه ورحيم ده هيبقا من اكبر المهندسين في مصر
رديت بفرحه: انت بتتكلم جد
ليل: اه والله
_ ده اي الخبر القمر ده بس ادعي بس عمي يوافق لان متعرفش الاتنين دول لايقين علي بعض ازاي
ليل بغمزه: زي انا وانتي
_ لاء ي روحي مفيش حد زيك ابدااا
ليل: ايوا بقااااا بقولك اي الاسبوعين خلصو وكده بقا اي
_ اي
ليل: جتك اوه المكافاءه ي روحي
قولت بضحك وكسوف _ لاااااااء
ليل: هتهربي علي فين ده انتي في حضني خلاص دقت ساعه العمل
غمضت عيني بكسوف ووو تسكت شهرذاد عن الكلام
____________
بعد يومين
خديجه بضحك: انت ازاي رايح تخطب بعد القرار ده
فارس: قرار اي
خديجه: القرار اللي قالب السوشيل ميديا بتاع الغاء القايمه والعريس هو اللي هيجهز نفسه
فارس: ازاي يعني
خديجه بضحك اكتر: يعني انت هتجيب الكوبايات وطقم التيفال والصيني والمفارش وكل حاجه في الشقه ومش بس ده وكان الشقه وفستان العروسه والكوافير ولبس العروسه والمكياج و

فارس: باااااااس هو اي ده كلو وانتو بقا عليكم اي
خديجه: ركعتين الاستخاره
فارس: هتتعبو اوووي بصراحه
خديجه: طبعاا بس بقولك اي انا كنت شاريه كام طقم مفرش لسرير وطقم التيفال انا ممكن ابعهملك تجهز بيهم نفسك ومتقلقش هظبطك في السعر هههههههههه همووووووت مش قااااادره اتخيلك وانت نازل تشتري الصيني هههههههههه
فارس بعصبيه: غورررري من وشي ابوشكلك

اناااااا مش قووووووولت متلبسيش اللون ده تاااااني
_ يابني انت هتجنني ده اسود اسود
ليل: منا عارف هو انا اعمي بس متلبسهوش مخليكي حلوه اوووي وانا مش عايز حد يشوف الجمال ده غيري انا
_ اممممم طب ابعد بس كده خلاص هلبس الزهري
ليل: برضو ملفت
_ متجننيش اماااال البس اااااااي
ليل: خلاص خليكي متاجيش معانا
_ والله ! انا جايه دي صحبتي وعشره عمري اهي جات علي السيره وبترن
(فتحت التلفون )
_ اي ي بنتي جاااايه
سندس بعصبيه: هتاجي ايمتااااا ده كلو تاخير
_ وطي صوتك عشان مخلهوش يسمعه دلوقتي
سندس برقه: لاء دي مش انا اللي كانت بتتكلم ده التلفزيون انتي اتاخرتي كده ليه
#بقلمي_اميره_رمضان_مسعود
_ ههههههههه والله طب خلاص ي ست الرقيقه انا جايه اهو
(قفلت معاها وبصيت لليل )
ليل: عايزه تقولي اي
_ جاسمن نفسها تشوف ولادها

ليل: حنييين كام مره قولت ابعدي عن الموصوع ده ومتتكلميش فيه
_ ي ليل هي مش هتاذي ولادها واكيد اشتاقت ليهم لانها ام حرام تبعدهم عنها
ليل: وانا قولتلك انا عارفها وبعدين انا قايل للعيال انها ماتت
_ العيال صغيرين ومش هيفهمو المoت اووي ولما يكبرو يبقا تعرفهم مفيش مشاكل ي ليل لما تاجي هنا وتشوفهم حتي انت اللي هتحدد الوقت اللي هتاجي فيه
(ليل سكت)
_ اسمعني هي مش هتقدر تعمل حاجه عشان خاطري وافق بقااا
ليل: ماشي يبقا نشوف الموضوع ده بعدين
____استغفرو❤______
وليد: حبيبي هات الفلوس
زياد بغضب: خلاص بقااا قولت هديك اطلع من دماغي
وليد: هههههههه بس رحيم عطالك قلم ااااي جامد
زياد: انت بتحرق دمي
وليد: انا متكلمتش بس وشك ميبشرش بالخير
زياد: معاك حق
وليد: ناوي علي اي بظبط
زياد بشر: هطلع علي عينهم كل اللي جوايا
بقا هي تحلقلي وتسيبني وتتخطب لرحيم البطل بتاعها انا هوريها انا هعمل فيه اااي
_____صليو على سيدنا محمد ❤_____
سوسن: انتي ي بت مش هتقومي تاكلي
ندي: لاء مش هاكل
سوسن: يعني انا هاكل لوحدي
ندي: براحتك بس فين بسمه
سوسن بسخريه: اتقمصت وطلعت شقتها #بقلمي_اميره_رمضان_مسعود
ندي: هي اللي اتقمصت برضو قولتيلها اااي زعلها
سوسن: ايوا اصل انا الشرانيه اللي في البيت
ندي بصتلها وسكتت
سوسن: اختك واولادها في شقتها يبقا روحي نضفي معاها عشان مش قادره تقف عندها برد
ندي ببرود: الف سلامه
سوسن: انتي مش هتروحيلها
ندي: لاء مش هروح لحد
سوسن: انتي لسه زعلانه من ساعتها خلاص بقا ماهو ابوكي وافق وهتتجوزيه عايزه اي تاني دانتي مش بتحمدي ربنا
ندي: معلش اصل انا مفتريه اطلعي ي امي الله يخليكي وخليني ساكته وانتي بذات مش عايزه اتكلم معاك
سوسن: هو انا كنت عملت حاجه
ندي: ماهي المشكله في حد ذاتها انك معملتيش حاجه عارفه لو كنتي دافعتي عني وهو نازل ضرب فيا يمكن مكنتش اتكسرت اوي كده
سوسن ببرود: الف سلامه علي كسرتك ي اختي انا طالعه اكل بلاش دلع
ندي: يااااربي يارب صبرني
#بقلمي_اميره_رمضان_مسعود
____لا حوله ولا قوه الا بالله العلى العظيم ❤_______

فارس: اي رايكم باين اني عريس صح
نوح: اقعد ساكت دانا فكرتك المكوجي وانا داخل
خديجه: مالو اخويا ده احلي عريس في الدنيا واللي يشوف غير كده يبقا اعمي
نوح ببرود: شكرا ي انسه
خديجه: اووووف يلاااا بقا انا عايزه اغوور
(جهزنا كلنا ومشينا عند سندس )
____الحمد لله ❤____
سندس: بت ي شهد كده كل حاجه تمام ولا فيه حاجه ناقصه
شهد: عيب عليك مش انا اللي عملت كل حاجه يبقا اكيد مفيش غلطه وكله تمام
رحيم: طلاما اختي هي العملت اكيد هتفضحنا قدام الناس
#بقلمي_اميره_رمضان_مسعود
شهد: والله ي استاذ رحيم بقا انا هفضحكم طب اياااك تطلب مني اعملك حاجه
رحيم: يبقا احسن بكرا ي اختي هتاجيلي اللي تعملي كل حاجه ومش هحتاج حاجه من وشك
شهد: بقا كده خلااااص هتستغني عني
سندس: ده واطي مش بيطمر فيه المهم سيبك منه وتعالي نجهز بقا
(بعد نص ساعه )
سندس كانت بتبكي
_ بتبكي ليه ي حزينه
سندس: بابا وحشني اووي كان نفسي يبقا موجود
شهد: احيييه ي بت ابوكي موجود برا
سندس: يالهووووي اندمجت اصل انا فرحانه اوي ولما بفرح بقلق فكنت ببكي عشان اطمن
_ بتطمني لما بتبكي اللهم اني لا اسالك رد القضاء ولكني اسألك اللطف فيه
رحيم دخل: ما تسمعونا زغروطه
انا وشهد في صوت واحد: لولولولولولوووووووووووووووووي
خديجه بضحك: انا مش بعرف ازغرط ينفع اصفر
______لا اله الا انت سبحانك اني كنت من الظالمين ❤________
(بعد اربع شهور )
تالين: انتي بتعملي اي
_ انهارده عيد ميلاد بابا وبزين البيت عشان نحتفل
خديجه: انا علقت البلالين كفايه كده ولا اعمل تاني
_ كفايه هي جميله كده الجو مبهج اوووي استني بس نحط تاني في المكان ده
(وجيت اقوم دوخت اوووي وكنت هقع فقعدت مكاني تاني )
خديجه: حنيين انتي كويسه
_ اه ي قلبي متقلقيش ده بس عشان قومت بسرعه
خديجه: يابنتي انتي بقالك فتره مش طبيعيه ووشك اصفر
_ جسمي متكسر من المروحه ومعدتي تعباني اووي مفيش حاجه ثابته فيها
#بقلمي_اميره_رمضان_مسعود
خديجه: طب تعالي نروح لدكتور
_ مش بحب اروح للدكاتره خالص
خديجه: لاء هتروحي يلااا
(وبعد كلام كتير خديجه زهقت من عنادي وقالت)خلاص خليكي لما ليل ياجي وهقوله يوديكي
جاسمن: عااااملييين ااااي
خديجه ببرود: كويسين

_ تعالي ي جاسمن نورتي (احب اقولكم الفتره اللي فاتت ليل وافق انها تاجي تشوف اولادها وايان مش بيحب يقعد معاها لانها مش مهتميه بيا وتالين بتحاول تتعود عليها اما انا بقا لما بشوفها بتعصب لوحدي كده لانها بتدلع لما ليل يكون هنا ووصلنا لحل ان ليل يسمحلها تاجي في الوقت اللي يكون مش موجود فيه والي حد ما الامور ماشيه )
جاسمن: تعرفي انا جيت انهارده من غير ميعاد بس عشان انهارده عيد ميلاد ليل فلازم نكون كلنا موجودين
خديجه: اها طبعا لازم نكون موجودين انتي جايه ليه بقا
جاسمن: متنسيش اني كنت مراته
قولت بعصبيه: كنتيييييي وخلاااااااص الموضوع انتهي مش كل شويه هنتكلم فيييه
جاسمن بخبث: انا اقصد يعني ان كان فيه بينا عشره عشان كده جيت في العيد ميلاد عادي زي اي حد
_ تمام (وناديت علي ايان ) ايااااان ماما جات تعالي سلم عليها
ايان: انا بلعب خلي تالين تقعد معاها
تالين بصوت واطي ل ايان: انا مث بحب اقعد معاها مث بتلعب معايا وعلطول بتقعد تتكلم في التلفون
ايان: خلاص تعالي نلعب مع ميس حنين ونسيبها لوحدها
تالين بضحك: ايوا يلااا
_____سبحان الله وبحمده سبحان الله العظيم ❤____
ندي داخله اوضتها وسوسن بتهزق فيها وشافت التلفون بيرن جرت عليه فتحت بسرعه
ندي: جيت في وقتك
رحيم: هههههههه وحشتك صح
ندي بكسوف:لاء مش عشان كده
رحيم بمشاكسه: اااااي يعني انا مش بوحشك
ندي: لاء بتوحشني طبعا ماهو انت الحاجه الحيد اللي مصبراني بس حقيقي انا خلاااااص مبقاش عندي طاقه استحمل تاني
رحيم بتفهم: عارف والله خلاص كلها 28يوم وتبقي في بيتي
ندي: انت حاسبهم
رحيم بحب: طبعااا هو انا عندي كام ندي وبعدين عشان تعمليلي اكل وتغسلي و
ندي: اااااي هو انت هتشغلني خداااامه
رحيم: امال انتي فاكره انك هتاجي تصيفي ولا اااي ده انتي هيطلع عييينك
#بقلمي_اميره_رمضان_مسعود
ندي: لاااا دانا استحمل امي وابويا هنا اهون من المرار اللي هشوفو معاك وبعدين في حد بيقول كده هتاجي يطلع عينك
رحيم: امال اكدب عليكي وتاجي تتصدمي
ندي بضحك: ياعم اضحك عليا انا عايزاك تضحك عليا يخربيت الصراحه دي انت جاي انهارده صح
رحيم: والله مش هينفع خالص انهارده
ندي: لاء انت بقالك اسبوعين مجتش وكده كتير بقااا
رحيم: والله في شغل كتير اووي ومينفعش اسيبهم
ندي: يابني دانت الراس الكبيره في المصنع يعني تقعد وتحط رجل علي رجل
رحيم: هنبدء بقا نتكبر انا لو بقعد واحط رجل علي رجل مكنش ربنا كرمني ووصلت للي انا فيه ده
ندي: ربنا يزيدك من نعيمه يارب وخلاص المرادي سماح بس لو مجتش بكرا هنكد عليك
رحيم: لااااااء هو انا اقدر
( ندي ورحيم في الفتره دي اتقربو من بعض اووي وندي بقا بلسم جروحها هو رحيم بتلجاء ليه في اي حاجه وزياد فشل كذا مره يوقع بينهم اما بنسبه لرحيم فهو من غير حاجه بيحبها ولما اتقرب منها وفهمها شاف فيها حنان وطيبه مش في اي حد وحبها جداا واستحمل اهلها رغم كل اللي بيحصل منهم *ملحوظه كتبو الكتاب)
#بقلمي_اميره_رمضان_مسعود
_____اللهم صل على سيدنا محمد ❤_____
فارس: وحشتيني
سندس بصدمه: انت اي اللي جابك هناااا

فارس: في اي ي بنتي انا خطيبك علي فكره
سندس: واي يعني خطيبي اقسم بالله لو ابويا ولا امي عرفه انك بتاجيلي الشغل ليفسخو الخطوبه دي
فارس باستغراب: ليه بقا ان شاء الله
سندس: احنا معندناش وحده تقابل خطيبها الا لما تتجوز
فارس: لا والنبي هو انتي كمان مش عايزاهم بعد الجواز يتقابلو
سندس: مش قصدي كددده😂 بس احنا ماعندناش كده لازم لو عايز تشوفني تاجي البيت غير كده يبقا غلط ولقد وقعنا في الفخ فهمت
فارس: بس ليه والله انا غرضي شريف
سندس: لا شريف ولا خفيف
فارس: هههههه تصدقي هموت من الضحك (وقلب وشه )اياك اسمعك بتقلشي تاني
سندس: طب يلا بقا من هناااا
فارس: ي بت عيب كده دانا هبقا زوجك قرة عينك
سندس: لما تبقا بقا يلا مع السلامه
(اما دول عايشين دور العشق المجنون بيحبه بعض ومع ذالك مجانين ومحدش فاهم ليهم حاجه )
____استغفر الله العظيم واتوب اليه ❤______
خديجه: ليل اخيرا جيييت
جاسمن بمجرد مسمعت ان ليل جه قامت بسرعه: ليل عامل اي
ليل: في حاجه ي ديدا
خديجه: اه كنت عايزاك في حاجه تعالي
(وخدته ووقفو بعيد وجاسمن كانت هتولع انه مطنشها )
#بقلمي_اميره_رمضان_مسعود
_كفايه لعب لحد كده تعالو نتغدا الاول وبعدين نلعب
تالين: هي جاسمن دي هتاكل معانا
_ اسمها ماما ي بت
تالين: لاء هي قالتلي قوليلي جاسمن متقوليش ماما
_ متزعليش ي قلبي وهي تطول انك تقوليها ي ماما
تالين: هو انا ينفع اقولك انتي ماما
فرحت اووي من كلامها: ياخراشي ده انا هكون مبسوووووطه اوي لو قولتيلي ماما
تالين: خلاص انا هقولك ي ماما علطول
_ هاتي بوسه ي بت
=حنييييييييين
_ يالهووووي بابا جه وهينفخنااااا
تالين: ده متعصب انا هجري علي الاوضه
ايان: يلا بسرعه وجرو علي الاوضه
_ هتسبوني لوحدي ي كلاااا*اااب
#بقلمي_اميره_رمضان_مسعود
ليل: مقولتيش ليه انك تعبانه
بصيت لخديجه بعتاب: انتي لحقتي تقوليلو
خديجه: انتي تعبانه بقالك كتير ومش راضيه تروحي لدكتور يبقا لازم اقوله
جاسمن بتمثيل: الف سلامه عليكي ي حبيبتي طب كنتي قولتي وانا كنت اتصلت بدكتور ياجي لحد عندك ويكشف عليكي
ليل ببرود: خلاص ي جاسمن انا هجبلها الدكتور متقلقيش
_ انا مش بحب اروح لدكاتره
ليل: مش بمزاجك وكمان الدكتوره هتجيلك هنا تعالي بقا
_ انت هتعمل اي (هوووووب شالني ) نزلني يمامااااااا
ليل: انا مش بحب اقرر كلامي كتير وانتي عارفه
_ طب نزلني وهسمع الكلام والله
ليل: لاء مش هنزلك هطلعك الاوضه وانا شايلك برضو (طلعنا فوق وجاسمن حقيقي كان دمها بيغلي من الغضب)
خديجه حبت تغيظها: متقعدي ي جاسمن واقفه ليه

جاسمن بغضب بتحاول تداريه: لاء عادي انا همشي بقا
خديجه: مش هتستني حفله العيد ميلاد
(جاسمن قعدت وبتحاول تهدي نفسها والدكتوره جات )
خديجه: يلا احنا نطلع ونسيب الدكتوره معاها
جاسمن بغل: يلا ي ليل انت كمان
ليل قعد جنبي ومسك ايدي: لاء انا هفضل معاها اخرجو انتو
جاسمن بغضب: انا نازله (وكلهم نزلو ماعدا ليل )
_ انت بتعمل اي يلا انت كمان
ليل: بس ي بت
_ والله لو مخرجتش برا مش هكشف
ليل: حنيين عدي الموضوع بلاش عند الدكتوره واقفه
_ وانا اللي عندي قولته ومتخنقنيش بقا
ليل: اخنقك؟! ماشي هستني برا وحسابي معاك لما الدكتوره تمشي
#بقلمي_اميره_رمضان_مسعود
بعد شوي
ليل واقف قلقان مش عارف يعمل اي
فارس: اي يابني اهدا دي بتكشف
جاسمن بغيره: مش عارفه هو قلقان ليه كده
(نزلت انا والدكتوره)
ليل: اي اللي نزلك
_ انت قلقان كده ليه انا زي الفل اهو ويلا نبتدي الحفله عشان عايزه اديك الهدايا
ليل: سيبك من ام الحفله تعالي بس ارتاحي (طمنيني ي دكتور هي عامله اي )
الدكتوره ؛ هي صحتها كويسه مفهاش اي حاجه
خديجه: ازاي ي دكتور دي تعبانه اوي وكل شويه تدوخ
الدكتوره: ده شي طبيعي
ليل: اشمعني
(قومت وقفت قدامه وقولت بفرحه)
_ انا كنت جيبالك هديه وحاليا بقا اتنين
ليل: اي علاقه الهديا باللي بيحصلك
_ ركز معايا انا خلقي في مناخيري انا كنت جيبالك الهديه اللي هناك ده والهديه التانيه موجوده هنا (وشاورت علي بطني )
ليل: يعني اااي ثانيه انتي حاااامل
رديت بفرحه اكبر_ اه
ليل: انا مش مصدق انتي بتتكلمي جد
_ قوليلو انتي ي دكتوره
الدكتوره: حامل في الشهر التاني
ليل بسعاده شالني من علي الارض ولف بيااا كتيرررر
_ نزلني هرجع
نوح: الله يقرفك بقا وسط الجو الرومانسي ده تقوليلو هرجع
#بقلمي_اميره_رمضان_مسعود
خديجه: مبرووووك ي نوناااااااااا

(وكلهم كانو مبسوطين ماعدا وحده وكلنا عرفينهااا)
جاسمن بغضب: انا لازم امشي عندي مشوار ضروري (مشت وكانت متضايقه جدااا طلعت ركبت العربيه)
جاسمن بغضب جحيمي: فرحاااان انها حامل كأنك اول مره هتكون اب دانا مشفتش الفرحه دي علي وشك لما انا كنت حامل ماااشي ي ليل وبتشيلها وتدلعها قدامي وبتحرقني بتصرفاتك دي طب والله ماهخليك تشوف ابنك ده
_____لا حوله ولا قوه الا بالله العلى العظيم ❤______
سوسن بصوت عالي: بت ي ندي تعالي افتحي الباب
ندي: خلاااص سامعه
فتحت الباب
ندي: نعم
الست: ازيك ي حبيبتشي
ندي: الله يسلمك
الست: مش هتقوليلي اتفضلي
ندي: اتفضلي
سوسن: هو اي اللي اتفضلي انتي مين ي اختي
الست: لاء اهدي شويه ي حلوه مش عايزه صوتك العالي ده
ندي: حضرتك مييين
الست: انا ابقا مرات ابوكي ي عنياااا
سوسن خبطت علي صدرها: ي مصيبتييييييي

هوووو ااااااي اللي اتفضلي انتي ميييييين ي اختي
الست: لاء اهدي شويه ي حلوه مش عايزه صوتك العالي ده
ندي: حضرتك مييين
الست: انا ابقا مرات ابوكي ي عنياااا
سوسن خبطت علي صدرها: ي مصيبتييييييي انتي بتقولي ااااي
الست: بقول الحقيقه
ندي بصدمه: لاء لاء اكيد انتي بتهزري صح بابا اكيد ميعملش كده
الست: كلميه واسأليه ي اختي وابعدي كده انا مش هفضل واقفه علي الباب كتير
سوسن: تدخلي فيييين وجيالي لحد هنا برجليكي دانا هموتك (ومسكتها من الطرحه ولكن مديحه شدت ايدها بعيد)
مديحه بتحذير: انا مقدره صدمتك لكن هتفكري تمدي ايدك عليا هكسرها انتي متعرفنيش فاحسنلك اتقي شري انا جيت بلغتك اني ابقا مرات جوزك التانيه ضرتك يعني عشان كلها اسبوع ولا حاجه وهاجي اعيش هنا
#بقلمي_اميره_رمضان_مسعود
___اللهم صلي وسلم وبارك على سيدنا محمد ❤____
تاني يوم
نوح: فارس هنا ولا مشي
خديجه ببرود: فارس فوق فيه حاجه
نوح: علفكرا الورق بتاعك كان فيه غلطه وانا عدلتها
خديجه: انا شغلي زي الفل ومفيش فيه غلطات

نوح: كنت واثق انك مش هتعترفي بغلطك عشان كده صورت الورق بتاعك (وطلع التلفون )
شوفي كده الورقه دي مش ده خط ايدك اهو حضرتك غلطانه في الحساب هنا كنتي المفروض تركزي لان ليل لو كان شاف الغلطه دي كان قلب الدنيا
خديجه خبطت بايدها علي جبينها: انا ازاي فاتتني حاجه زي كده
نوح: يبقا تركزي شويه اي اللي واخد عقلك
خديجه ببرود: معلش حب جديد بقا وكده
نوح اتغيرت ملامحه وغضب: حب مين ي روح امك
خديجه: اي روح امك دي اتكلم عدل
نوح: هو ده كلامي بتحبي ميييييين
خديجه: وانت مالك هي هتفرق معاك
نوح: اه تفرق وهتفرق اووي كمان بصيلي وانا بكلمكككككك بتحبي مييييييين
خديجه بتحاول تكتم الضحكه بس فشلت: لما انت غيران اوي كده بتخبي ليه
نوح فهم انها قالت كده عشان تخرجه عن شعوره: بتستفزيني يعني
خديجه: بظبط كده زي مانت بتستفزني ب حبيبه
نوح: مش بستفزك انا وحبيبه بنحب بعض عادي يعني
خديجه: طب شوف بقا طريقه تانيه تغيظني بيها عشان الحوار ده اتكشف
نوح: حوار اي اللي اتكشف
خديجه: اسكت مش انا كنت جايه جيالك مره المكتب عشان اديك الورق وبالصدفه كده سمعتك وانت بتتكلم مع حبيبه
وبتقول ان الفيلم اللي انتو عاملينو عليا ماشي تمام وبتستفزني وكده بس من سوء حظك اني كنت سامعاك
#بقلمي_اميره_رمضان_مسعود
نوح بصلها كتير وقال: ماهو الجديد اللي انتي مش عارفاه اني وانا بمثل معاها حبيتها فعلا
خديجه اتفاجات من كلامه: انت بتقول اي
نوح: للأسف زي مسمعتي سلام بقا عشان اشوف فارس (ومشي)
خديجه بحزن: حبيتهاااااا ليييييه
(نوح كان بيبص عليها من بعيد )
نوح بتنهيده: حلو اللي انا بعمله فيكي ده لو مكنتيش سافرتي من الاول مكنش ده بقا حالنا
وسمع صوت من وراه: واهي رجعت وندمانه واعتذرت بكل الطرق لاكن انت اللي بتبعد
نوح بصلي وقال: انا اتجرحت اووي
_ اتجرحت وعايز تشوفها مجروحه زي ما جرحتك غصب عنها
نوح: اكيد مش عايز اشوفها كده بس علي الاقل عايزها تحس باللي انا حسيت بيه
_ مش هتهون عليك
نوح: عندك حق بس برضو لسه مسامحتهاش عن اللي عملته وهفضل كده لحد محس فعلا اني نسيت كل حاجه
#بقلمي_اميره_رمضان_مسعود

__استغفر الله❤______
يابنتي اهدي بقا وبطلي بكاء انتي لما كلمتيني جيتلك علطول
ندي: امي مش مصدقه ومستنيه لما بابا ياجي وتسالو
رحيم: معلش ي حبيبتي خير متزعليش
ندي: انا مش بحب ابدا فكره ان حد يتجوز علي مراته مهما حصل وخايف احسن انت تتجوز عليا زي بابا
رحيم بهزار: مش الشرع محلل لينا اربعه
ندي بعصبيه: يعني انت هتتجوز عليا
رحيم: يخربيتك انتي بتصدقي لاء مش هتجوز وبعدين اسكتي حوار الغاء القايمه ده فعلا لو اتطبق مش هنعرف نتجوز تاني غصب عننا
ندي: احسن طب والله الراجل اللي طلع القرار ده عايزه ابو*سه
رحيم بغضب: تبو*سي مين ي بتتتتتت
ندي: اي ده انت فهمت غلط مقصدش ابو*سه يعني ابو*سه
رحيم: ايوا كده
ندي: هبوس دماغه بس #بقلمي_اميره_رمضان_مسعود
رحيم: وحياه امككككككك (التلفون رن)
رحيم: الو
عامل في المصنع: ايوا ي بيه في مشكله في المصنع واحنا مش عارفين نحلها وعايزينك تاجي حالا تشوفها
رحيم: مشكله اي وبعدين مش وقت الشغل خلص
العامل: المكنه الجديده مش راضيه تشتغل وفي شغل كتير واقف عليها وانا مردتش امشي الا لما اخلصو
رحيم: خلاص انا جاي اهو مسافه السكه
____سبحان الله ________
ليل: يابنتي حرام عليكي كلي اي حاجه بقا كده مش هينفع
_ مش قادره اكل والله
ليل: انتي بقالك كتير مش بتاكلي
_ ماهو انا مليش نفس شويه كده وهاكل
ليل بتفهم: انتي مش راضيه تاكلي عشان متتخنيش صح
_ اي لاء شوف
ليل: قولي الحقيقة
_بصراحه اه
ليل بعصبيه: يعني انتي مش راضيه تاكلي عشان متتخنيش ومش خايفه علي نفسك انتي والبيبي
_ اعمل اي يعني منا لما باكل بتخن وكمان جاسمن لما بتاجي بتقعد تنتقدني وتقولي انتي سايبه نفسك كده ليه ومش عارفه اي
ليل: انتي ملكيش دعوه ب جاسمن انا مبسوط بيكي كده وقلت كده مليون مره حلو اللي انتي فيه ده انتي لازم تتغذي
_ هاكل وعلي ضمانتك يعني لو تخنت انت اللي قولت ومتزعلش بقا
ليل: هههههههه كلي بس علي مهلك بلاش طفاسه
#بقلمي_اميره_رمضان_مسعود
_________
رحيم وصل المصنع بس مكنش فيه حد فيه
رحيم: هو راح فين ده، يابني (ونده كتير مفيش حد رد في الاخر قرر انه يمشي ولسه هيطلع من المصنع وسمع صوت عربيه الشرطه )
رحيم باستغراب: فيه اااي برا (وطلع يشوف فيه اي )
الظابط: انت رحيم الصاوي

رحيم: ايوا انا
الظابط: معانا امر بتفتيش المصنع
رحيم باستغراب:لييه
الظابط: هتعرف بعدين يلا بسرعه فتشو المصنع
#بقلمي_اميره_رمضان_مسعود
______
سندس: اي يابني
فارس: برن عليكي بقالي كتير مش بتردي ليييه
سندس: كنت نايمه
فارس: نايمه بقالك خمس ساعات
سندس: والله وعايزه انام تاني
فارس: يابنتي فوقي شويه وعيشي معانا ااي ده
سندس: لاء بص بقا من البدايه كده ي ابن الناس انا كل همي النوم بعشقه كده متحاولش انك تبعدو عني عشان هتزعل
فارس بضحك: مالك ي بت قلبتي عبدو موته كده ليه
سندس: لاء انا بعرفك بس
فارس: ثواني كده الزفت نوح عمال يرن هشوفه عايز اي وهكلمك
فارس: اي ياض في اي
نوح: الحق رحيم اتقبض عليه

__لاء حوله ولا قوه الا بالله العلى العظيم ❤_____
سمر: تعالي شوفي ي امااااااا اللي عملو جوز بنتك
بسمه: في اااي ي سمررر مالك
سمر: مش هو ده العريس اللي كنتي موافقه عليه ي اختي
ندي: في ااي مالك كده
سمر: جوووووزك طلع تاجر مخدرات وحكومه قبضت عليه متلبس
بسمه: اااااااي 😳
ندي مستحملتش الخبر واغمي عليها
بسمه: نددددددددددي

هاتي مايه بسرعه
سمر: فوقيها ي حنينه
سوسن: ملكيش حظ ي بنتي كل اللي تتخطبي ليه يطلع وراه مصيبه ي قلة بختك ي بنتي
بسمه: اسكتووو بقا شوووويه، ندي ندي فوقي ي حبيبتي (وكبت مايه علي وشها)
ندي بخضه: ااااااه في اي (وافتكرت بسرعه ) اي اللي سمر بتقوله ده
بسمه: مفيش حاجه ي حبيبتي اهدي بس
ندي: رحيم اتقبض عليه ازاي ازاي هو مستحيل يعمل كده مستحيييييل انا هروحله
سوسن: هتروحي فين ي بت اترزعي هنا دانا هبعت محامي ليه عشان يطلقك
ندي بصراخ وانهيار: طلاااااااااق ااااااااي اسكتي خاااااالص وسبيني في حااااالي مش عايزه اسمع صوووووتككككك
سوسن: امال هناسب ناس تجار مخدرات
سمر: وبعدين ده ان طلع منها اصلا ده قدامو ولا 15سنه سجن علي الاقل
#بقلمي_اميره_رمضان_مسعود

ندي: اوعي من قدامي انا رايحه لجوزي ويكون في علمكم مش هتطلق لو اطبقت السماء علي الارض
(وطلعت وخبطت باب الشقه اووي)
سوسن: منك لله يابن فايزه تلاقيك عاملها عمل والله لااطلقها منك نسب يعررر
__________
ليل: انت رايح فين بسرعه كده
فارس: رحيم اتقبض عليه
_ يالهووووووي انت بتقول اي
ليل: اهدي انتي مفيش حاجه ان شاء الله هنروح نشوف في اي وهيطلع باذن الله مداااام كرررريمه
مدام كريمه: ايوا ي بيه
ليل: خليكي معاها خلي بالك منها يلا ي فارس
___لاء اله الا انت سبحانك اني كنت من الظالمين ❤___
فايزه ام رحيم: ابعددددي من قداااامي
شهد بدموع: يا امي هتروحي فييين دلوقتي اسامه وعمي قالو هيطمنونا
فايزه: انا مش هقعد هنا واسيب ابني
سندس: ي مرات عمي والله هيبقا اتاخد ظلم وهيطلع علطول اهدي بس
فايزه بدموع: يارب ناجيه وانتقم من اللي عمل فيه كده ووجع قلبي عليه قادر ي كرررريم
________
في قسم الشرطه
ندي وصلت وكانت بتدور علي رحيم زي التايهه لحد مشافت ليل
ندي: ليل الحق رحيم بالله عليك انت عرفت اللي حصلو
ليل: ايوا اهدي متقلقيش هيطلع ان شاء الله
ندي بدموع: ان شاء الله
ليل: انا عايز اقابل الظابط ي ابني
العسكري دخل لظابط: تمام ي فندم ليل الحديدي عايز يقابل سعادتك
الظابط: خليه يدخل
(ليل وفارس وندي دخلو )
الظابط: اهلا ليل باشا
ليل: عايز اعرف قبضتو علي رحيم الصاوي ليه

الظابط جالنا بلاغ بان رحيم الصاوي بيتاجر في المخدرات ومكان المخدرات ورحنا فعلا لقينا المخدرات ورحيم عشان كده قبضنا عليه
ليل: انت لقيت المخدرات دي في المصنع مش معني كده انها بتاع رحيم
الظابط: بس الباغ جالنا واتهم فيه رحيم وهو المتهم الوحيد قدامنا في القضيه عشان كده قبضنا عليه ولسه التحقيقات شغاله
ليل: رحيم يطلع حالا وتخلصو اجراءتكم دي مع نفسكم
الظابط: القانون فوق الكل ي ليل باشا ومش انا اللي هقولك كده
فارس: ليل اهدي هو عندو حق لازم يطبقو القانون
ليل: طب عايزين نشوف رحيم
الظابط: جدعنه مني هخليك تقابله 10دقايق مش اكتر
الظابط: انت ي عسكري هات رحيم الصاوي من الحجز
#بقلمي_اميره_رمضان_مسعود
__________
وليد: ده اي دماغ الشيطان دي يخربيتك مخدرات مره وحده
زياد: فكره حلوه صح
وليد: جاااامده
زياد: يلا بقا خليهم يتجوزو في السجن عشان تسيبني انا وتروح تتجوز واحد تاجر مخدرات
وليد: احنا هنكدب الكدبه ونصدقها
زياد: لازم نصدقها لان الكدبه دي هتقلب حياتهم وتدمرها
وليد: طب انت جبت المخدرات دي منين
زياد: من الواد ترجي
وليد: ترجي هو لسه شغال في المخدرات مش بينه اتسجن
زياد: قضي المده وطلع كمل شغل
وليد: شكل الشغلانه عجبته بس انت كده دفعت كتير اووي
زياد: مش كتير علي كسره قلبهم ودمارهم
____صلو على سيدنا محمد ❤_____

_ اي ي سندس وصلتو لحاجه
سندس: لسه والله اسامه مرنش
_ وانا برن علي ليل كتير مش بيرد عليا
سندس: طب سبيهم دلوقتي اكيد مشغولين وريحي نفسك لتتعبي انتي تعبانه من غير حاجه
_ متشغليش بالك بيا شهد عامله اي
سندس: مش مبطلين بكاء وحقيقي مش عارفين نعمل اي
_ صلو وادعوله ان شاء الله خير اتفائلي بربنا خير
__________
العسكري: تمام ي فندم رحيم الصاوي واقف برا
الظابط: دخلو
رحيم دخل وندي اول مشافته قلبها اتخلع من مكانها: رحييييييم
رحيم بغضب: انتي اااي اللي جابك هنااااا روحي يلااا متقعديش في المكان ده
ندي: مش همشي الا وانت معايا مستحيل اسيبك تقعد هنا
رحيم: فارس روحها البيت واياكي اشوفك هنا تاني
ندي ببكاء: حرام عليك انا لما عرفت الخبر اتجننت وانت كل اللي شاغلك اني امشي من هنا
#بقلمي_اميره_رمضان_مسعود
ليل: بس اهدي وانت ي رحيم اهدا انت كمان
الضابط: عشر دقايق واجيلكم
ليل: ركز معايا وقولي اي اللي حصل معاك
رحيم: انا كنت روحت لما كلمتك ي فارس وكل العمال روحت معادا شويه كانو لسه بيقفلو المصنع ولما روحت حد رن عليا وقالي ان فيه مشكله في المكنه الجديده ولازم اروح اصلحها ورحت المصنع ملقتش حد دقيقه والشرطه جات وفتشو المصنع طلعو منه مخدرات انا كنت مصدوم ازاي ده يحصل وبعدها قبضو عليا
فارس: دي تهمه متلفقه ليك وباينه اووي واللي عمل كده تفكيرو سطحي اوووي لانك هتطلع منها بسهوله
ليل: متقلقش هتطلع من هنا علطول واللي عمل كده هجيبو لو تحت الارض وزي مقال فارس اللي عمل كده شخص ساذج واكيد هيبقا سايب دليل وراه
رحيم: الحمد لله

ليل: باقي اربع دقايق هسيبك مع ندي وهستناكم برا يلا ي فارس (طلعو بسرعه)
رحيم: انا مش حابب وجودك هنا اطلعي امشي
ندي بدموع: رحيم انا قلبي واجعني عليك اوووي وحاسه ان اللي عمل كده زياد
رحيم: لاء زياد كان اخرو يوقع بينا متوصلش بيه لكده
ندي: طب متبقاش قاسي عليا كده وطمني عليك
رحيم اتنهد وقام وقف وهي وقفت: ي رحيم اس….
(وقبل متخلص كلامها شدها رحيم لحضنو وندي مسكت فيه اوووي وبكت )
رحيم: خلاص اهدي بقاااا ومتقلقيش عليا انا كويس وبقيت كويس اكتر لما شفتك بطلي بكاء بقاا
ندي من بين شهقاتها: ح ح حاضر
(الباب خبط والظابط دخل )
الظابط: وقتكم خلص
رحيم: يلا روحي مع فارس وليل وزي مقولتلك متاجيش هنا تاني
(طلعت ندي وكان اسامه وابوه واقفين مع ليل وفارس
فارس طمنهم انه هيطلع منها وكلهم روحو)
_______
قدام العماره ليل وقف العربيه وندي نزلت
ليل: مش عايزك تقلقي انا وعدتك انه هيطلع منها بسرعه
ندي: يارب،طب اتفضلو عندنا
فارس: مره تانيه بقا يلا اطلعي
ندي: حاضر (وطلعت بس قبل متطلع شافت زياد واقف قدام السوبر ماركت وبيعمل كأنه بيكلم وليد وبيقول بصوت عالي )
=منا قولتلك ي وليد مش انا اللي تروح مني حاجه واقف اتفرج قولتلك هندمك مصدقتنيش سلملي علي احزانك بقاا
(ندي اتاكدت ان زياد ليه دخل في الموضوع )
#بقلمي_اميره_رمضان_مسعود
ورنت علي ليل
ليل: اي ي بنتي في حاجه ولا اي
ندي: معلش مقدرتش استني بس انا متاكده ان زياد وراه الموضوع ده
ليل: زياد مين
ندي: هقولك
_______

بعد يومين
تالين: انا مش شامه حاجه
_ ازاي بس انا شامه ريحه لحمه نيه
تالين: مفيش حاجه
_ طب استني كده ليل
ليل: اي
_ مش شامم حاجه كده
ليل: حاجه زي اي
_ لحمه نيه
ليل باستغراب: لاء خالص مفيش حاجه زي كده
_ ازاي انا شامه الريحه دي فيك انت
ليل: بيتهيألك بس
_ انا عايزه اكل لحمه نايه (وبصيت لليل اوي )
ليل: انتي بتفكري في اااااي ابعددددددي
وخد تالين وطلع برا بسرعه يخربيتك هتتحولي زومبي ولا اي ده مش وحم ده
ايان: بابا تلفونك بيرن (ليل نزل تحت)
ليل: الو
المتصل: ……….
ليل: تمام كده هقابلك بعد العصر اقولك هتعمل اي تاني
_ وصلت لحاجه
ليل: خلاص فاضل تكه والموضوع يتحل ويخرج منها علي خير
_ طب الحمد لله بس ياريت بسرعه قبل ميتحكم عليه دي ندي هتروح فيها
ليل: متقلقيش انتي مش واثقه فيا ولا اي
حضنته وقولت: بعد ده كلو لسه بتسأل
جاسمن: ليييييل
#بقلمي_اميره_رمضان_مسعود
اتخضيت من صوتها: في اي
جاسمن: مش عيب بتحضنو بعض قدام الناس كده
خديجه: ااااي ده مين اللي بتتكلم دي
جاسمن: مقصدش حاجه انا بس مش عايزه حد يتكلم عليكم
ليل: خلي حد يتكلم وانا اقطع لسانه قبل مينطق وبعدين دي مراتي يعني اعمل اللي انا عايزو
جاسمن بحقد: اه طبعا تعمل اللي عايزو
_ جايه ليه

جاسمن ؛ ولادي وحشوني وجيت اشوفهم عشان مسافر
ليل: اي ده بجد الحمد لله
جاسمن: فرحان اني همشي
_ ولادك قاعدين اهم اقعدي معاهم براحتك
كريمه: ليل بيه
ليل: تعالي ي مدام كريمه
كريمه: الطبق ده بعته عم صالح لمدام حنين بمناسبه الحمل وبيقول لازم تاكله لانه مغذي جدااا وبيقولك الف مبروك
ليل: الله يبارك فيه
_ اي الطبق ده
جاسمن بحقد: الطبق ده لما انا كنت حامل قبليكي بعتهولي وقالي كل مره لما اكون حامل هيبعتلي واحد مخصوص بس انتي بقا جيتي وخدتي مكاني عشان كده بعته
ليل حب يغيظها: عندك حق حنين جات خدت مكان كل الناس في حياتي دي بقت كل حياتي
_ حبيب قلبي وريني بقا الطبق ده
(شميت الطبق ريحته عجبتني اووي )
ليل: هو انتي هتمشي تشمشمي كده كتييير
_ بس حلو والله هات بقا كده انا طالعه اكل في الجنينه
تعالي ي لولو كلي معايا
جاسمن: لااااء
(كلنا بصنالها باستغراب)
#بقلمي_اميره_رمضان_مسعود
جاسمن: انت مش فاكر ي ليل لما عم صالح بعتلي الطبق ده قال لازم انا اللي اكله كله عشان مغذي وكمان اكد عليك بكدا
مش عايزه احكيلك عليه ي حنين لما كلته كان جميل بشكل وخلي صحتي كويسه جدااا
_ ليه سحري علعموم هاكله وهقول اذا كان فعلا كل الكلام ده فيه ولا لاء
ليل: استني هطلع معاكي هو فين اللاب توب
_ فوق في الاوضه
ليل: هطلع اجيبو في ثواني واجيلك

(ليل طلع جاب اللاب ووقف ثانيه )
ليل: ازاي عم صالح باعت الطبق ده وهو اصلا مسافر من اكتر من سنتين وعرف ازاي ان حنين حامل وهو مسافر
غريبه واي اللي جاب جاسمن في الوقت ده
ليل بقلق: لاء اكيد اللي في بالي غلط بس انا لازم اخلي حنين متاكلش من الاكل ده ولسه بيطلع من الاوضه سمع صوت صراخ
حنين بصراخ: ليل الحقنااااااااااااااااااااي

(ليل بمجرد مسمع صوتها نزل بسرعه علي تحت وكل اللي في البيت اتجمع)
ليل: حنييييييين
(اول مشفته جريت عليه واستخبيت فيه )
ليل: انتي تعبانه حااااسه بحاجه
قلت ببكاء: الكلب الكلب اتسيب وكان هيعضني
ليل بص علي الكلب شافو بياكل الاكل بتاع حنين حضنها: اهدي اهدي هو مش هيأذيكي
_ مش هيأذيني ازاي بقولك اتسيب وكان هيعضني ده جري عليا
فارس: هو بس عشان شم ريحه اللحمه قريبه منه اتجنن المهم انتي كويسه
#بقلمي_اميره_رمضان
_ اه كويسه
خديجه: طب بتبكي ليه
_ انا بخاف من الكلاب بعد اللي حصل ده الكلب ده مش هيقعد هنا
ليل: حاضر مش هخليه هنا ممكن تهدي بقا
جاسمن جات بسرعه: اي في اي ي حنين بتصرخي لييه بطنك وجعاكي
ليل: اشمعني بطنها يعني

جاسمن: انت نسيت انها حامل ولا اي وجع بطنها طبيعي يعني
تالين: بابي الحق الكلب م١ت
(كلنا بصينا باستغراب علي الكلب وفعلا م١ت)
خديجه: م١ت ازااااي
(فارس قرب من الكلب وحرك راسه شفنا رغوه بيضه نازله من فمه)
فارس: الكلب اتسمم
(كلنا اتصدمنا )
اتكلمت بصعوبه: ا ا انت بتقول اي
كريمه: يبقا الاكل اللي كان جاي لمدام حنين كان مسمم
ليل بعصبيه وصوت عالي: ميييييين اللي جااااب الاكل دددددده
كريمه بخوف: انا خدته من عم صبري والله ي بيه
قولت بصدمه وزهول _ ليل اي اللي هما بيقولو ده يعني اي الاكل مسمم
ليل بصدمه وخوف: حنين اوعي تكوني كلتي منه 😳

يبقا الاكل اللي كان جاي لمدام حنين كان مسمم
ليل بعصبيه وصوت عالي: ميييييين اللي جااااب الاكل دددددده
كريمه بخوف: انا خدته من عم صبري والله ي بيه
قولت بصدمه وزهول _ ليل اي اللي هما بيقولو ده يعني اي الاكل مسمم
ليل بصدمه وخوف: حنين اوعي تكوني كلتي منه
_ لاء لاء مكلتش منه بس يعني انا كان زماني ميته ووابني (قولت بصراخ وانا حاطه ايدي علي بطني ) كانو هيموتوووو ابنيييييييي
ليل حضني اوووي وبيحاول يهديني: اهدي بس مفيش حاجه انتي كويسه
_ طب ليه ليه عايزين ياذو ابني هو كااان عمل فيهم ااااي (وفجاء الدنيا اسودت ومحستش بالدنيا )
خديجه: يالهوووووي حنيييين
#بقلمي_اميره_رمضان_مسعود
(ليل شالني ودخلني جوا)
ليل: هاتو مايه بسرعه (كب مايه علي وشي لحد مفوقت)
كريمه بلهفه: اجبلك الدكتوره ي مدام
_ لاء لاء انا كويسه الحمد لله يارب الحمد لله
ليل: انا لازم اعرف مين اللي جاب الاكل ده وانا هوديه وراه الشمس عم صبررررررري
صبري: ايوا ي بيه
ليل: مين اللي عطاك الاكل ده
صبري: واحد لابس بدله ونضاره جالي وقالي ان عم صالح باعت الطبق ده لمدام حنين وانا وصلتو لمدام كريمه
كريمه: حصل ي بيه وانا جبته والله علطول ليك

جاسمن: انتو الاتنين كدااابين وكنتو عايزين تموتو حنين والبيبي
صبري: ي بيه انا من زمان وانا بشتغل عندكم وعمري ماهفكر في اذيتكم خالص
جاسمن: مفيش الا انتي ي كريمه طول عمرك الحقد مالي قلبك
كريمه بدموع: بعيد عن ان دي حنين وانا بعترها زي بنتي والله بس انا مستحيل افكر اقتل حد والله مستحييييل
_ عارفه ي خالتي والله وانا مصدقاك (بصيت لجاسمن وقلت) بطلي تتهمي حد هما ميعملوش كده ابدااا
جاسمن: ليه مش هما الاتنين اللي جابو الاكل ده
ليل: جااااسمن بطلي كلام فعلا مفيش اي حد هنا يعمل كده لانهم مخلصين ليااا الدور والباقي عليك انتي
#بقلمي_اميره_رمضان_مسعود
جاسمن بتتدعي الصدمه: اي انت بتتهمني انا
ليل: مفيش حد ليه مصلحه الا انتي تقدري تقولي اشمعني الوقت ده اللي جيتي فيه وكمان اصريتي ان حنين بس هي اللي تاكل منه
جاسمن بدموع التماسيح: انا جيت عشان اشوف ولادي لاني مسافره ومردتش اخلي حد ياكل من الاكل غير حنين عشان ده مفيد للحمل جدا مكنتش اعرف انه مسمم وانا مش هسمحلك تكلمني كده ولو وجودي هنا مضايقك مش هتشوف وشي خالص
عن اذنك
(مشت جاسمن والكل في البيت كان متوتر من اللي حصل وليل شغل كاميرات المراقبة بتاع الشارع وبيحاول يصل للي عمل كده )
____اللهم صل على سيدنا محمد ❤________
سمر: قاعده كده ليه ي حزينه
ندي: خير
سوسن: انتي فاكره انه هيطلع منها تبقي بتحلمي
ندي بنفاذ صبر: سبوني احلم انتو مستكترين عليا الحلم حتي
سوسن: لاء ي اختي مش مستكترين بس عايزينك تفوقي من الوهم ده عشان نشوف هنطلق ازاي
ندي: يااااااربي انتو مش بتزهقووو (وسابتهم ودخلت رنت علي سندس)
ندي: وصلتو لحاجه
سندس: فارس كلمني وطمني وقالي قربو هوصلو للي عمل كده
ندي: يارب يارب يوصلولو انا مش عارفه احساس رحيم اي دلوقتي ي قلبي وهو محبوس كده هاين عليا اروح اقتل زياد دلوقتي
سندس: اشمعني زياد
#بقلمي_اميره_رمضان_مسعود
ندي ؛ انا واثقه انه الزفت زياد هو اللي عمل كددده
سندس: تعرفي انا نفسي يكون هو عشان يتكشف ونخلص منه ومن القرف بتاعه
__لا حوله ولا قوه الا بالله العلى العظيم ❤________
في مكان ما وليد قاعد علي الارض وفيه رباط علي عينه مش شايف
وليد بصراخ: انتو مييين وعايزين مني ااااااااي

فارس: صرخ براحتك مفيش حد هيسمعك
وليد: طب قلولي انتو عايزين اي
ليل: حطيت المخدرات لرحيم ليه
وليد: رحيم مين
(فارس ضربه بالحزام )
وليد: ااااااااه طب استني رحيم الصاوي
ليل: برفو عليك
وليد: والله ما حطيت حاجه انا مليش دعوه بالموضوع ده
فارس: بس زياد اعترف عليك وقال ان انت اللي عملت كده وكمان هيروح بكرا النيابه يشهد عليك
وليد: يابن الك*لب ي زياد وا*طي ويعملها فعلااا
فارس: اي رايك بقا
وليد: بس انا معملتش كده والله
ليل: بس هتبقا قدام النيابه انت اللي عملت ورحيم كده كده هيطلع ده غير اني مش هخلي فيك حته سليمه
وليد: متقدروش تعملو معايا حاجه
ليل مسك السوط (الكرباج) وضربو ضربة: اي رايك
وليد بتاألم: اااااااااه مش انا اللي عملت كده والله ده زياد هو اللي عمل كل ده
فارس: ليييه
وليد: عشان ينتقم منه هو ندي خطيبته
ليل: واي اللي يثبت
#بقلمي_اميره_رمضان_مسعود
وليد: انا عارف انه خاين وممكن يبيعني في لحظه عشان كده كنت بسجلو وهو مش واخد بالو عشان لو غدر بيا اكون مامن نفسي
فارس: والتسجيلات دي فين
____استغفر الله العظيم واتوب اليه ❤____
جاسمن وهي بتكسر في اوضتها
جاسمن بصراخ: اااااااي هو كل حااااجه بتبوووظ ليييييه مش بتموووووتي ليييييييييه
عزت: اهدي مينفعش اللي بتعمليه ده
جاسمن: طب قولي انت اي اللي كان مفروض يتعمل ومعملتوش ده انا حطتلها السم في الاكل والدنيا كانت ماشيه تمام يقوم ياجي الكلب يتسيب وياكله هو عمرك شفت حظ كدددده
عزت: حقيقي هي حاجه الواحد مش عارف يستوعبها بس انا مشفتش حظ زي حظها
جاسمن: بس انا لازم اقتلها وارجع لليل تاني انت مش حاسس بالغل اللي جوايا انا همووووت لازم اقتلهااااااا
____سبحان الله وبحمده سبحان الله العظيم ❤______
نوح رن علي خديجه
خديجه: الو

نوح: هو اي اللي حصل عندكم بظبط
(خديجه حكت كل اللي حصل )
نوح: انتي بتتكلمي جد
خديجه بدموع: اه والله انت لو شفت حنين كانت عامله ازاي كانت هتصعب عليك
نوح: عارف ومقدر والله طب هي عامله اي دلوقتي
خديجه: من ساعت اللي حصل وهي بتصلي وتسبح ربنا
نوح: دي اكيد لها حاجه كبيره عند ربنا انه ينجيها بشكل ده
خديجه: فعلا وانا اعصابي باظت من وقتها وكل اللي بفكر فيه اني ارجع اسافر
نوح بعصبيه: هتسافري تاني
خديجه: امال عايزني اقعد هنا عشان اموت
نوح: متقلقيش محش يقدر يلمس شعره منك طول منا موجود
خديجه: كفايه عليك ي اخويا ست حبيبه بتاعتك
نوح بضحك: خفي علي نفسك شويه هتموتي من الغيره
خديجه بضيق: انا مليش دعوه بيكم اصلا
نوح: امممممم طب كنت عايز اقابلك بكرا ممكن
خديجه: انا كده كده جايه الشركه اما اشوف انت عايز اي
__________
سوسن: اخيرا جيييت كنت فين وقافل تلفونك لييييه
سيد: اتفضلي (دخلت مديحه ومعاها اولادها)

سوسن: انت جاااايب الوليه دي هناااا ليييه
سيد: مديحه هتعيش هنا
سوسن: انت بجد اتجوزتها انطق
سيد: ايوا انا ومديحه متجوزين
سوسن بصراخ: اتجوووووووزت علياااااا بعد كل اللي عملته عشانك ي راجل ي نااا*اقص
سيد بصوت عالي: اخررررررسي بدل مطلقكككككك واخلص من زنك

ندي: ليه ي بابا لييييه
سيد: بس ي بت انتي كمااان انا هنا اعمل اللي عايزو انتو هتحاسبوني
سمر: وجايبها بقا تعيش معانا هنااا
سيد: لاء هي هتعيش في الشقه اللي فوق شقت عمك
بسمه: بس الشقه دي بتاعتي انا واختي
سيد بجشع: انتي واختك اتجوزتو وهي فاضيه هعيش فيها انا ومسمعش كلمه في الموضوع ده تااااني
__________
(تاني يوم راحو النيابه ووليد اعترف علي زياد بكل حاجه وسلمهم التسجيلات بصوت زياد وخرج رحيم )
أسامه: كفااااره ي ابن عمي
رحيم: اي اللي كفاره دي انا واخد براءه علي فكره
فارس: تصدق انا مشفتش النوم من وقت متقبض عليك
رحيم: ليه ي عم الحنين
فارس: كنت بفكر في طريقه اقنع بيها سندس اننا نتجوز وانت مسجون لانها هتبقا حزينه عليك للاسف
رحيم: هو كل ده اللي هامك غور من وشييييي
#بقلمي_اميره_رمضان
ليل: انا من رايي كفايه كده واطلع لان البنت اتحنطت برا من الوقفه
رحيم: ميين
أسامه بغمزه: هتكون مين ي نمس
رحيم: طب سلام انا بقاا (وجري علي برا وشاف ندي واقفه علي اعصابها )
رحيم قرب منها وهي مش واخده بالها: وحشتيني
ندي بخضه: رحييييييم (وحضنته اوووي //عادي ي جماعه ده جوزها😂 )

رحيم: لاء بلاش الرقه دي انا واحد كنت قاعد مع المجرمين والبلطجيه ومش واخد علي الرقه دي خاالص
ندي: انا مش مصدقه انك خرجت وبقيت واقف قدامي كنت خايفه عليكككك اوووي والله
رحيم: خلاص ي بنتي انا بقيت قدامك اهو وهنكمل تجهيزات الفرح عايز اتجوز واخلص بقااا
ندي: مستعجل علي اي انا لسه مجبتش الطاسه التيفال
رحيم بنفاذ صبر: بقا عايزه تأجلي الجوازه عشان الطاسه التيفال امشي بدل مشوهلك وشك ده
_________
في الشركه
خديجه: خير ي مستر نوح عايز اي
نوح: ده اي الرسميه ده
خديجه: بحاول متخطاش حدودي مع حضرتك
نوح: اتكلمي عدل ي بت
خديجه بعصبيه: اااي عااايز ااااي
#بقلمي_اميره_رمضان
نوح: ايوا كده ارجعي لاصلك
خديجه: مالو اصلي ي اخووووووويا
نوح: احسن ناس ي اختي خلاص انتي مش جايه تتخانقي اسمعي ام الكلمتين اللي عاي اقولهم
خديجه: سمعني واخلص عشان مش فاضه وعندي (قاطعها نوح وقال)
نوح: بحبك
خديجه بعدم انتباه: ايوا ماشي يعني مش حاجه م (وسكتت شويه وقالت) انت قولت اي
نوح بضحكك علي شكلها:. اقفلي بوقك
خديجه: فكك من بوقي عيد كده اللي قولته ده
نوح: قولت بحبككككك
خديجه: انت بتتكلم بجد ولا بتقولي كده وترجع تقولي ده مقلب
نوح بضحك: لاء والله بتكلم بجد ده علي اساس يعني انك اول مره تعرفي
خديجه: عارفه انك كنت بتحبني زمان بس دلوقتي انت اتغيرت وبقيت تعاملني بطريقه وحشه
نوح: كنت بحاول اقنع نفسي اني نسيتك بس كل مره كنت بعاملكةبطريقه وحشه كنت انا اللي بتضايق
خديجه: احسن عشان متعاملنيش كده تاني

نوح: هااا موافقه بقا ولا اي
خديجه: اطلب ايدي من اخويا الاول
نوح: منا طلبت ي عنيااا من اربع سنين وعايز الاجابه بقا
خديجه: لاء دي مده صلاحيتها انتهت اطلب من جديد
نوح: هو كارت شحن بروح امك
(دخلت حبيبه المكتب وشافتهم مع بعض )
خديجه ببرود: خير ي انسه هو مش في باب تخبطي عليه ولا انتي متعلمتيش كده
حبيبه بضيق: سوري المره الجايه هبقا اخبط
خديجه: تؤتؤ اطلعي وخبطي ومتدخلش الا لما اسمحلك
حبيبه بعصبيه: بس ده مكتب مستر نوح
خديجه بصوت اعلي: وانا هبقا حرم مستر نوح ي عنياااا وعايزاكي متاجيش علي المكتب ده تاني بدل مقطع عيشك من الشركه خالص
(حبيبه طلعت وهي هتنفجر من الغيظ )
نوح: اي ي بت الشر ده كلو دانا علي كده اخاف منك
خديجه بانفعال: اذا كاااان عاجبك
#بقلمي_اميره_رمضان
___________
ليل: عامله اي دلوقتي ي قلبي
_ مش عارفه بدءت احس بوجع في بطني
ليل: ده طبيعي معلش استحملي كله يهون عشان حنين الصغيره
_ لااااااء مش هسميها حنين
ليل: امال عايزه تسميها اي
_مش عارفه بس مش هسميها حنين وبعدين مين قالك انها هتكون بنت مش يمكن ولد
ليل: لو ولد هتفضلي تجبيلي عيال لحد متجبيلي حنين ويبقا عندي بنوتين قمرات حنين وتالين
قولت بحب _ تصدق لايقه وكفايه ان انت ابوهم
ليل: ده اي الكلام الجامد ده
قولت بعصبيه: ليييييييييل
ليل: ده اي القلبه الطين دي

_ انت داخل بالجذمه هناااا حرام علييييككككك انا لسه منضفه انت مش بتحس بيااااا حراااام عليييكككك والله هسبلك البيت وهروح في داهييييه
ليل: اهدي اهددددددي كل ده عشان دخلت بالجزمه
_ شايفها حاجه تافهه قول اني انا تافهه بقا ومليش لازمه ومبقتش تحبني اه ي انا ي امااااا تعالي شوفي بنتك بقا مليش لازمه خدني لحم ورماني عضم وخلاص مب….(ليل بصوت عالي)
ليل: اقسم بالله لو مسكتي لاديكي بالجزمه دي علي بوقكك اااااااي
قولت بدلع: اي ي روحي مالك متعصب كده ليه هو انا موحشتكش ولا اي
ليل باستغراب: حنين انتي شاربه حاجه
_ شاربه الهنا والحب والحنان من يوم معرفتك
#بقلمي_اميره_رمضان
ليل: بت انتي في وعيك انتي واخده بالك من كلامك
_ طبعا واخده بالي بدلع جوزي حبيبي قرة عيني
ليل: امال اي الجنان اللي كان من شويه ده يخربيت هرمونات الحمل وسنينها
_ بقولك ي روحي
ليل: قولي نونا
_ كنت عايزاك ت (وبصيت علي رجليه لقيته لسه لابس الجزمه) اااااااانت لسه مقلعتش الجذذذذذذذذمه اقلعهااااااااااا
ليل بعصبيه: ااااام الجذمه اللي جننتيني بيهاااا (قلع الجزمه وحدفها عليا وانا جريت بسرعه وضحكت علي شكله)
___________
بسمه: الف حمد لله علي سلامته يلا عقبال الفرح بقااا
ندي: تفتكري الفرح ده هيتم خايفه من مرات ابويا لتعمل حاجه
بسمه: هههههههه طب والله امك متهدتش الا لما جات مديحه دي هما الاتنين انهارده طول اليوم شغالين خناق
ندي: ربنا يستر بس انا بخاف منها لما بتتعصب بحس انها هتاكلني
بسمه: طب انتي كلها كام يوم وتتجوزي وتمشي من هنا هتسبيني انا معاهم لوحدي
(وسمعو صوت دوشه جامد في الشارع طلعو البلكونه بسرعه يشوفو في اي)
زياد: اوعي ي عم ايدك
الظابط: خدو علي البوكس

ابو زياد: ي بيه ابني عمل اااي
الظابط: ابنك متهم في قضيه مخدرات هو اللي لفق قضيه المخدرات لرحيم الصاوي وتقدر تقول اتقلب السحر علي الساحر
زياد شاف ندي واقفه تتفرج عليه في البلكونه قال لابوه: متخلهمش يخدوووني اعمل اي حااااااجه
العسكري شدو جامد ورماه في البوكس وندي بتتفرج عليه وفرحانه ان ربنا خد حقها هي ورحيم منه
#بقلمي_اميره_رمضان
_________
عدي فتره من غير احداث مهمه وجينا ليوم فرح ندي ورحيم
سندس: ده اي العروسه القمرايه دي
ندي: مش عارفه ليه حاسه اني مهبطه وجعانه اتصلي بامي خليها تبعتلي حله المحشي اللي علي البوتوجاز
سندس: اسكتي يخربيتك حد يسمعك في عروسه تقول هتولي حله المحشي وبعدين انتي جايلك اكل كتير اووي في الشقه لما تروحي بليل يبقا كلي
ندي: طب هتصل علي رحيم يجبلي محشي من اللي راح الشقه
بسمه: يخربيتك هتفضحينااااا اسكتي بقا هنزل اجبلك اكل
ندي: طب بسرررررعه
_________
ااااااوف شايف شكلي عامل ازاي ده كله ولسه في الرابع
ليل: مالك متعصبه ليه كده
_ باين عليا ان عندي كرش
ليل: يابنتي انتي حاااامل لازم بطنك تتنفخ متخنقنيش بقاااا كل شويه تزعلي
_ اه تصدق انا فرحانه اووي وانا بطني قدامي كده شكلي حلو صح
ليل: يابنتي ارحميني انا تعبت من الهرمونات دي
_ اعمل اي يعني هو انا اللي بنكد ماهو انت اللي مش بتفهمني
ليل: تصدقي فعلا انا اللي غلطااااااان
_ طب علي متخلص لبس اكون كلت
#بقلمي_اميره_رمضان
ليل: انتي مش لسه واكله قبل متلبسي
_ يابني انا حاامل باكل لاتنين لازم اكل واتغذي
ليل: اتغذي ي روحي بس خفيف كده عشان نعرف نروح الفرح مش عايز طفاسه
_ طب والله العظيم لاكل واخلص الاكل انت هتعد عليا الاكل
____________

هشام: اخيرا وافقتي انك تقابليني
جاسمن: عايز اي ي هشام انا مش رفعت عليك قضيه خلع وقولتلك مش عايزاك جااي ورايا ليييه
هشام: علفكره انا لسه بحبك وجايلك انك تديني فرصه وحده بس نرجع لبعض انا وانتي
جاسمن: بقولك انا كل اللي خلاني اتجوزك انك كنت مبين قدامي انك ابن مليونير ومعاك فلوس لا لها اول ولا اخر لكن طلع كل ده كدب وكنت بتضحك عليا عشان تتجوزني وخليتني اسيب جوزي وعيالي وامشي وراك
هشام: يعني انتي مش كنتي بتحبيني
جاسمن: اقولك بصراحه انا محبتش حد غير ليل ولما لقيته مش مهتم بيا اووي ومش قادر يجبلي كل طلاباتي اللي نفسي فيها طلبت منه الطلاق شوف يعني الشخص اللي بحبه لما محققش ليا كل اللي عايزاه سبته مبالك انت بقا
هشام: طيب انا قولتلك اديني فرصه ومش هتخسري وهحققلك كل اللي بتتمنيه
جاسمن بتفكير ثم قالت بخبث: اممممم خلاص تقدر تصرف عليا انا واولادي
هشام: اكيد بس انتي قولتي انك اتنازلتي لليل عنهم
جاسمن: عارفه بس هقولك هنعمل اي

الهووووي رحيم وصل
بسمه: متخلهوش يدخل ده لو دخل وشافك وانتي بتاكلي كده هيخاف علي نفسه
سندس: هطلع انا اعطله وانتي شيلي مائده الرحمن اللي عملاها دي
ندي: انا لسه مخلصتش اكلي هو جاي علي ميعاده ليه ماهو كل العرسان بتتاخر ده الانتظام ده
بسمه: متضايقه عشان الراجل منتظم ربنا يصبرك ي رحيم
(سندس طلعت وشافت رحيم)
سندس: الله اكبر اي القمر ده ي واد لاء باين عليك عريس فعلاااااا
رحيم بغرور: دي اقل حاجه عندي
سندس: احنا هنظيط ده علي اساس اني مش عارفاك
شهد: ناس تتخطب بعدينا وتتجوز قبلينا حظ بقاااا
رحيم: الله يخربيت الحقد اسكتي بعينك دي للعربيه تولع فينا
أسامه: هو انت في حاجه بتأثر فيك
رحيم بصوت عالي: فييين العروسه خلينا اخدها بسلامه من هنا قل اعوذ برب الفلق
بسمه ادخل ي عررريس
(رحيم دخل وندي كانت فرحانه ومكسوفه اووي عملو الفريست لوك وخدها وطلعو علي القاعه )
#بقلمي_اميره_رمضان_مسعود

في القاعه
رحيم ؛ كفايه رقص بدل ماخدك ونروح دلوقتي حالا
ندي: اي ي رحيم ده فرحي واول واخر مره هيتعملي فرح سيبني بقا ارقص واطير من الفرحه
رحيم: ي قلبي افرحي انا مقولتش حاجه مش لازم تتنططي يعني
ندي: لاااء انا لما بكون فرحانه بحب ارقص
رحيم: خلاص كلها ساعه بالكتير ونروح وارقصي براحتك
ندي بكسوف: بس عشان انت مش محترم
رحيم: انتي اللي دماغك جذ*مه قديمه انا نيتي خير لكن تفكيرك وا*طي
ندي: انا برضوووو
__________
أسامه: بت احنا فرحنا هنعملو الشهر الجاي اخوك اتجوز بقا وهيقعد يغيظ فيا
شهد: لاااء انا عايزه ابقا عمتو الحربايه الاول وبعدين اتجوز
أسامه: عارفه ي شوشو كل يوم بتبهريني بتفكيرك اللي داخل فيه قطر ده حرام عليكي ارحمي امي
شهد: اي ي اوس اوس الحق عليا اني بتكلم معاك بتلقأئيه كده من غير تكاليف
أسامه: ابوس ايدككك حطي التكالف دي انا تعبت بجد
#بقلمي_اميره_رمضان_مسعود
شهد: عيب عليك ي اسطي دانت ابن عمي وزي رحيم بظبط
أسامه بعصبيه: زي مين ي اختي
شهد: اي في اي ااااه لاء مش زي ما فهمت انا اقصد انك في مقام اخويا الكبير
أسامه: شهد اسكتي ارحميني واسكتي
شهد: اي مالك مش طايقلي كلمه انهارده ليه
أسامه: بذمتك انهارده بس

شهد بضحك: بصراحه انت مش بتقبل كلامي خالص بس فين بقا الحب والزفت اللي هنعيش بيه باقيت حياتنا ولا شكل ملناش حياه مع بعض وكلها سنه ونتقابل قدام محكمه الاسره
أسامه بنفاذ صبر: رحييييييم
رحيم: خير عايز اي
أسامه: هو انا ينفع افسخ خطوبتي من اختك
رحيم بعصبيه: تفسخ اي ي اسامه انت اتجننت احنا عمرنا ما نقبل علي نفسنا كده (وقال بضحك) البضاعه المباعه لا ترد ولا تستبدل ولا عايزين نشوف وشها شد حيلك بقاااا واتنيل خدها عشان امي عايزه تربي بط في اوضتها
أسامه بصلهم بزهول
شهد بضحك: مفيش مفر مني ي روحي
___________
كنت واقفه وحسيت بتعب شويه ليل خدني وقعدنا بعيد عن الدوشه وكنت بتفرج علي ندي ورحيم وهما بيرقصو سلو وانا فرحانه اووي
ليل: شكلهم حلو صح
_ اه جداااا ندي طايره من الفرحه
ليل بحزن: اكيد كان نفسك يتعملك فرح
بصتلو وقولت بتنهيده: اكيد كل وحده بتكون نفسها يتعملها فرح كبير وتفضل ترقص فيه مع اصحابها واخواتها وتفرح مع شريك حياتها لكن انا متعمليش فرح ولا حتي اخترت شريك حياتي ده كان اجباري عليا
(ليل بصلي بحزن وزهول طنشت نظراته وكملت ) اتجوزتك وانا شايفه انك الخليجي اللي جايه يدفع ويشيل كنت كارهه حياتي بمعني الكلمه بس سبتها علي الله ودعيت كتير انك لو خير ليا عيني تشوف الخير ده في اقرب وقت
بعد فتره صغيره معاك شفت فيك حنية الدنيا دي كلهم لقيت فيك السند اللي اتحرمت منه بدري في الدنيا وحمايتي من عمي وغيرو شفت فيك كل حاجه حلوه حسيت بنفسي وعشت طفولتي اللي اتحرمت منها بدري عاملتني زي تالين رغم اني كنت بتعصب لما بتقولي كده بس حقيقي خلتني اعيش لنفسي لاول مره في حياتي كنت ليا كل حاجه كانت نقصاني وحاليا انت فرحتي وعوضي من ربنا
#بقلمي_اميره_رمضان_مسعود

ليل بصدمه: اي كل الكلام ده معقوله الكلام ده ليا انا
_ اه طبعا ليك اوعي تكون مكنتش حاسس بيه
ليل: كنت حاسس بس بصراحه مش كل ده انا معرفش اصلا ان فيا كل الصفات اللي قولتيها دي
_ هههههههه لاء فيك واكتر كمان بس انا جوعت ومش قادره اتكلم
ليل بضحك: خدي دراعي كلي فيه انتي مش بتشبعي وبعدين خرجتينا من الجو الرومانسي اللي كنا عاملينه
_ اعمل اي مش ابنك هو اللي طفس
ليل: ابني برضو
__________
خديجه: ولاااا ياض ي فارس سيب المزه شويه وتعالي اقعد معايا
فارس: اقعدي مكانك وملكيش دعوه بيا خليني واقف مع البت شويه بلاش تلزيق
خديجه: هو كل واحد خد وحده وقعد معاها وسبتوني لوحدي زي قفص الجوافه كده
نوح: طب وانا رحت فين
فارس: جراء اي يلاااا هو مفيش حد قاعد ولا اي قوم من هنا
نوح: في اي ي عم فارس متوحد الله في قلبك وخليك مع خطيبتك وخليني انا مع خطيبتي
فارس: انت لسه قاريء فاتحه يدوبك وبعدين انا وسندس كاتبين الكتاب واخيرا يعني فاسكت كده وريح عشان انت لسه الطريق طويل عليك
نوح: طريق اي اللي طويل اقسم بالله هقطع ليكم شراييني هنا واجبلكم مصيبه
#بقلمي_اميره_رمضان_مسعود
سندس: هي حصلت لكدا لاااء هتبوظو الفرح تعالي ي بت ي ديدا نطلع عند العروسه وسبيهم يقطعو شرايين بعض
(بعد شويه الفرح خلص وكله روح )
أسامه: مبروك ي عريس متنسناش بقا في الاكل ده بلاش طفاسه ومتطفحش لوحدك
رحيم: انساك دانا همحيك من زاكرتي ولا اعرفك وبعدين دي ليله العمر وانت ي معفن باصصلي في شويه الاكل اللي فيها
أسامه: وا*طي طول عمرك
رحيم: يلا بقااا غور اي اللي مقعدك لدلوقتي انت ناسي ان انهارده دخلتي وخد جوز الهبل اللي جوا دول انا مش عارف بيعملو ااي

سندس بصوت عالي: جراااا اااااي بنشيلها اللينسز مالك مستعجل ليه
رحيم: انتي مال اهلكككك وبعدين كل ده بتشيلو اللينسز دانتو لو هتشيلو عينها كنتو خلصتو من بدري
شهد بصت جوا وبعدين بصتلو وقالت: ماهو احنا كلنا بنعمل تعديل في الاوضه
رحيم بشك: مش مرتاح ليكم عملتو مصيبه اي
شهد: مصايب اي اللي هنعملها اول يوم انت عايز البت تاخد عني فكره وحشه لسمح الله
رحيم: ازاااي دانتي ملاك يلا بقااا كلكم بربطه المعلم كده برا
#بقلمي_اميره_رمضان_مسعود
سندس: طالعين ده اي النداله دي
شهد: طب يارب الشمع يولع في الشقه
_________
ياسين: بسمتي عامل ليكي مفاجاءه
بسمه: اي
ياسين: المره الجايه لما اسافر هاخدك تعيشي معايا هناك ومش هسيبك ابداااا
بسمه بفرحه: انت بتتكلم بجد
ياسين: اه والله كفايه عليكي اللي استحملتيه من اهلي وبعدين كفايه بعد كده بقا عايزك معايا طول الوقت
بسمه: انا مش مصدقه والله وبعدين انا استحمل اي حاجه عشان خاطرك
ياسين: كل مره بتكبري في نظري اكتر واتاكد اني اخترت صح
بسمه: بس انا مش عايزه اسيب ماما لوحدها
ياسين: علفكره انهارده واحنا في الفرح حنين كانت بتتحايل علي مامتك كلعاده انها تروح تعيش معاها بالاخص بعد الحمل لاكن والدتك رفضت عشانك بس كده اتحلت هي هتقعد مع حنين واحنا نسافر
بسمه: دي حنين هتطير من الفرحه لما تعرف
_________

رحيم خبط علي الباب ودخل
ندي بكسوف: ادخل
دخل رحيم واتصدم من منظر ندي
ااااي اللي انتي لابساه ده
ندي: مالك دي بجامه باندا اول مره تشوفها
رحيم: حرااام عليكي يعني انا بقالي سنين بحلم باليوم ده وفي الاخر تلبسيلي باندا
ندي: امال عايزني البسلك ااي تايجررر
رحيم بغمزه: ياااريت
ندي بضحك: مش التايجرر اللي في بالك انا قصدي علي بتاع مربوحه
رحيم: مربوحه اي اللهي تطلع روحك ي بعيده قومي ي بت اقلعي الزفت ده والبسي حاجه مدلعه كده ولا اقولك متلبسيش خالص
ندي: لبسك عفريت ي بعيد مش عاجباك الباندا اللهي يوعدك بباندا تقعد عليك تفطسك
#بقلمي_اميره_رمضان_مسعود
رحيم: تفطسني؟! ونجيب باندا من برا ليه وانتي موجوده
ندي بصدمه ؛ يعني قصدك اني تخينه طب والله لقوم اغير الباندا واي رايك بقا هلبسلك عبايه سوده عشان تبقا ليله سوده علي دماغك
(وفتحت الدولاب)
رحيم: ثانيه وحده كده هدومي راحت فين
ندي: هدوم اي ااااه هدومك ثواني( فتحت ضرفه الدولاب) موجودين اهم
رحيم بزهول: حطاهم في ضرفه وحده
ندي: احمد ربنا انهم في الدولاب اصلا ده لولا اننا عرسان جداد كنت خليتك نزلت اشتريت مسامير وخليتك علقتهم ورا الباب احمد ربنا وبلاش طمع

رحيم: تصدقي فعلا انا مفتري
ندي: يلا ربنا علي الظالم بقا
رحيم: بت انتي انا لو فضلت اتكلم معاكي هتشليني بكلامك وتموتيني قبل مدخل دنيا تعالي كده بقا
ندي بضحك: اااي
رحيم: هقولك كلمه بس ووو تسكت شهرذاد عن الكلام
_________
ليل: نوناااااا
_ اي خضيتني
ليل:سلامتك من الخضه ي قلبي بقولك اي عايزك تلبسي اللي في الشنطه ده
_اي ده (فتحت الشنطه واتصدمت)ينهااااار ابوكككك اسود انا البس المسخره دي
ليل: مالها دي احلي حاجه
_ ليل انت مال اخلاقك بقت في النازل كده ليه تجيبلي بجامات قصيره ودلوقتي جايبلي قلة الادب دي
ليل: متعرفيش انتي قله الادب دي بتفرحنا ازاي متكسبي فيا ثواب وفرحيني
#بقلمي_اميره_رمضان_مسعود
_ ده علي جثتي اني البس المسخره دي
________

تاني يوم الصبح
كنت في المطبخ بجهز الفطار
ليل من ورايا: بس المسخره كانت هتاكل منك حته امبارح
قولت بكسوف: متفكرررنيييييش معرفش اي اللي خلاني اسمع كلامك
ليل: قلبك ي روحي
_ طب يلاااا نفطر ي قلبي عشان جعاااانه
ليل: لاء كده بقا كتير انا عايز اعرف انتي حامل في اي بظبط الواد ده مش طبيعي
___________
بعد اسبوعين
(كنت قاعده بزاكر لايان وتالين وسمعت صوت الكلاب بتنبح بصوت عالي اه نسيت اقولكم ان ليل جاب كلاب تاني بدل المرحوم اللي حلفت عليه انه مش هيقعد في البيت )
_ اي الصوت ده
ايان: الكلاب تقريبا في حد غريب دخل البيت
_ مين يعني وبعدين هما صوتهم عالي اوووي يالهووي ليكونو اتسيبو
ايان: لاء ي ماما لانها لو اتسيبت هتعض الشخص للي قدامها من غير متنبح عليه لكن اكيد انها مربوطه
قولت بفخر: شاطر ي قلب مامي عرفت الحاجات دي منين
#بقلمي_اميره_رمضان_مسعود
ايان: انا عارفها اصلا
تالين: اهي الكلاب سكتت يلا بقا فين الامتحان
_ اهو اما اشوف مين فيكم اللي هيحلو بسرعه
ايان: اكيد انا عشان اخد الجايزه

تالين: لاء انا عشان انا شاطره وهاخد الجايزه
_ بااااس هنعرف مين الشاطر دلوقتي (سمعت التلفون بيرن من الاوضه بتاعتي )
حد يقوم يجيب التليفون
ايان: لاء مش هقوم عشان اخلص قبليها
تالين: وانا كمان مش هقوم عشان اسبقو
_ خلاص خليكم بس عارفين لو حد غش هعلقكم هاتي الطرحه ي بت
( لبست الطرحه وطلعت جبت التلفون وكان ليل )
_ اتاخرت كده ليه
ليل: كان عندي اجتماع فرهدني بس خلاص خلصت ايان وتالين وصلو البيت ولا اجيبهم وانا جاي
_ وصلو من بدري تعالي انت بقا متتاخرش
ليل ؛ مش عايزه حاجه اجيبها وانا جاي
لاء عايزه سلامتك (وبعدها سمعت صراخ تالين جريت بسرعه اشوف في اي واول مدخلت لقيت شخص ماسكهم)
_ ااااانت مييييي
( لسه هروحلهم في واحد حط منديل علي مناخيري وبعدها محستش باي حاجه)

تالين بصراخ: مامااااااا
الشخص بصرامه: بت اسكتي خااااالص
تالين بخوف حطت ايدها علي وشها: حاضر حاضر
الشخص: شيلوها بسرررعه يلا
ايان بعصبيه: انتو واخدينها علي فيييين
الشخص: خليك هادي بدل متموت
ايان اتعصب وشد القناع من علي وش الراجل وشاف وشه
الشخص التاني: هات الواد ده معاها
الشخص: احنا مطلوب مننا نجيب مراته بس مش اولاده
الشخص التاني: ماهو شاف وشنا وممكن يوصف شكلنا ليهم هاتو بسرررعه
________

قبل قليل عند ليل لما كان بيكلمني
ليل: مش عايزه حاجه اجيبها وانا جاي
_لاء عايزه سلامتك
وفجاء ليل سمع صراخ في التلفون من بعيد
ليل بخوف: الو الو حنييين في ااي
(لا رد)
نزل بسرعه خد العربيه وفضل يرن علي خديجه
خديجه: ايوا ي ليل
ليل بسرعه: انتي في البيت
خديجه بقلق: لاء انا خارجه مع نوح شويه في حاجه ولا اااي
ليل قفل معاها بسرعه ورن علي مدام كريمه كتير بس مكنتش بترد علي التلفون وهو قلق اكتر
ساق العربيه بسرعه اكبر
___اللهم صلي وسلم وبارك على سيدنا محمد ❤____
خديجه لما ليل كلمها قلقت اووي ورجعت البيت هي ونوح وبما انهم كانو قريبين من البيت وصلو اسرع من ليل
دخلت خديجه بسرعه البيت: حنيييييين حنيييييين لولو ي تاليييييين (بصت لنوح)هو مفيش حد بيرد ليه
نوح: هما ممكن يكونو خرجو
خديجه: مش عارفه بس ليل كان باين عليه قلقان اووي خايفه لحنين يكون جرالها حاجه تعالي كده
طلعت بسرعه فوق ولاحظت كام حاجه واقعه علي الارض قالت بهستريااا: حنيييييييييين
(وسمعو صوت بكاء مكتوم جاي من اوضه ايان وتالين جرو بسرعه علي هناك وشافو تالين حاطه اديها علي وشها وبتبكي)
خديجه: تالين قلبي مالك بتبكي ليه فين حنين وايان
(تالين مش بتتكلم بتبكي بهستريا)
ليل وصل البيت
قال بصوت عالي: حنيييييين
ودخل الاوضه وشافنا واحنا بنحاول نهدي تالين
ليل حضنها اوي: لولو اهدي قوليلي اي اللي حصل
(بعد وقت تالين هدت وحكت كل حاجه شافتها)
ليل بصدمه: يعني اي حنين وايان اتخطفوووو
خديجه: يالهووووي يالهووووووووي وكمان حااااامل ربناااا يستر
ليل حس كانه مش سامع ولا شايف اي حاجه قعد علي الكرسي ومازال مصدوم
_________

فتحت عيني بصعوبه واستغربت انا فين كنت راقده علي الارض والاوضه كانها مخزن
_ يالله اي المكان ده (وبتلفت في الاوضه ولقيت ايان نايم بعيد )
اتخضيت: اياااااان ايااان حبيب مامي فوق اصحي (فضلت افوق فيه كتير وفي الاخر صحي)
ايان بخوف: احنا فين
_ مش عارفه هو اي اللي حصل
ايان: انتي وقعتي في الارض والراجل زعق لتالين
قولت بسرعه: طب هي فييين
ايان: في البيت وانا خايف من الضلمه
_ متخفش ي حبيبي انت معايا وبعدين انت الراجل هنا يعني انت اللي تقولي متخافيش
ايان: بس الراجل معاه مسدس وقالي لو اتكلمت هموتك
_ مين ده ولا حد يقدر يعملك حااجه انت بطل زي بابا ولا اي
ايان: ايوا
_ احنا هنستني شويه وبعدين هنلاقي بابا جاي وهيخدنا من هنا بس انت قول يارب
(كنت بحاول اطمن ايان شويه رغم اني انا اللي هموت من الرعب وخايفه علي ابني اللي في بطني فضلت ادعي ربنا وانا واثقه انه هينجيني زي ما نجاني من كل حاجه قبل كده)
__________
بسمه: انا كده جهزت كل حاجه
ياسين: يابنتي احنا هنسافر لسه بعد يومين بتجهزي من دلوقتي
بسمه: اه عشان منساش حاجه وكمان هطلع اجهز لماما شنطتها هي كمان قبل حنين ما تاجي هي تلمها عشان متتعبش
ياسين: ماشي

بسمه قالت بحزن: المكان هنا هيوحشني اووي انا حياتي كلها كانت في العماره دي اتولدت وعشت واتجوزت هنا ايوا كل مرحله كانت في شقه غير التانيه بس كلها كانت في نفس العماره مش عارفه هعيش برا ازاي حاسه اني عامله زي السمكه لو طلعت ب ا هموت
ياسين: اي ي بت الكلام الكبير ده(قال بضحك) بس متقلقيش هبقا اعملك تنفس صناعي
بسمه: هههههههه والله تعرف امك نفسها تمسكني كده تولع فيا
ياسين: ربنا يستر ونمشي من هنا علي خير قبل متحصل حاجه
بسمه: بس صعبانه عليا والله 
ياسين: ليه
بسمه: اصعب حاجه علي الوحده انها تشوف جوزها في حضن وحده غيرها ومتقدرش تقول حاجه امك ساكته بس جواها نار بتطلعها في العصبيه والخناق كل شويه معايا او مع مديحه
للمتابعة اضغط متابعة القراءة: