روايه فتاه سي-ئه السمعه _ بقلم عادل عبدالله
: ده اتكرر معاكي كتير ؟؟
: مرتين.
: ممكن اعرف تفاصيل ؟
: مفيش تفاصيل مهمة.
: بنت زيك في الظروف دي والدها متو .في ووالدتها متجوزة واحد تاني وعايشة مع جدتها كانت ممكن تضيع ومستقبلها كله يت .دمر .
: عندك حق، وكتير حصلهم كده لكن انا كنت عايزة ابقي حاجة كويسة علشان كده كنت حريصة علي مستقبلي.
: اومال انتي اتجوزتي ازاي ؟
اتنهدت ايناس بعمق وبعدها قالت: ايهاب كان اخو ريهام صحبتي في الجامعة.
: اتعرفتوا علي بعض ازاي ؟
: روحت عند ريهام في يوم وهو كان هناك، بعدها اتفاجئت بريهام بتقولي اخويا ايهاب معجب بيكي وعاوز يكلمك.
: اتقابلنا عن طريق ريهام واتكلمنا مع بعض فترة وارتحنا لبعض بعدها قالي انه عاوز يتقدملي.
: ومش شايفة ان كلامك معاه بدون خطوبة ولا ارتباط غلط ؟
: في الوقت ده كنت شايفه انه عادي وصح جدا كمان لكن بعد كده اكتشفت انها كانت اكبر غلطة في حياتي.
: يعني انتي في الوقت
ده كنتي مرتاحة له ؟
: في الوقت ده كنت مرتاحة له لأني كنت لسه مش عرفته علي حقيقته.
: كملي وبعدين ؟
: اتخطبنا وكنت في سنة رابعة في الجامعة.
: واتجوزتوا بعد قد ايه ؟
: اتجوزنا بعد سنة خطوبة تقريبا.
: في بداية الجواز كنا كويسين جدا جدا وجوزي كان رومانسي وحنون وكريم اوي، وكنا بنخرج ونتفسح كتير، وكنا عايشين في منتهي السعادة اكتر من اربع شهور.
: تمام اوي.
: لأ مش تمام ولا حاجة.
: ليه ؟ اي اللي حصل ؟
: ايهاب كان دايما بيقعد في البيت ومش بينزل الشغل الا علي فترات بعيدة !! ممكن كل اسبوع يوم او اتنين بالكتير.
: هو كان بيشتغل ايه ؟
: كان عنده محل بيبيع فيه حدايد وبويات.
: طيب ده كويس جدا، ده معناه انه كان عنده تجارة وبيكسب كويس.
: لأ.
: ليه ؟
: لأنه كان وارث المحل ده وفلوس تجارته من والده،
