زهرة قلب الربيع بقلم فيروز عبدالله
من نوعى المفضل وقالتلى : شوفى جبتلك أية .. بالهنا والشفا على قلبك
خدتها منها .. وأنا بفكر "ينفع تبطلى طيبة و حنية بقى، أنت كدا بتخلينى اكر"ه نفسى اكتر ! " .. ابتسمت باصطناع : تسلميلى يا كوكو ..
قعدت جنبى وهى بتسأل : مالك بقى يا ست الكل؟
جاوبتها : مالى ، منا زى الفل اهوة
قعدت جنبى وقالت بهزار : لا مش باين .. لو يحيى مش عاجبك والله افشكل الجوازة علشان خاطرك يا جميل .
لوهلة كنت هفقد السيطرة واقولها آه ، فشكليها ومن غير رجعة ، بس تمالكت نفسى : لأ ، بالعكس أنا مبسوطة أنك لاقيتى حد زى مستر يحيى
باستغراب : آجى فين ؟!
حنان : تيجى معايا أنا وهو ننقى الشبكة ! ، شبكتى يا زوزو !
زهرة : نعمم !
وهكذا روحت انقى الشبكة مع اختى و خطيبها وماما ، حاولت اتحجج كتير ، بس قالولى انتى لازم تبقى موجودة .. وانتى اكتر واحدة فينا بتفهم فالحاجات دى ..
لبست طقم فرايحى ، حطيت ميكب خفيف وفضلت اقول بينى وبين نفسى " النهاردة هيبقى يوم حلو ، مبهج .. خليكى مبتسمة ! "
جة مستر يحيى بالعربية بتاعتة ومامتة كانت معاة ، ركبنا فيها وروحنا للصايغ .
*فى المحل*
حنان كانت بتقيس خاتم و بفرحة ورتهولى .. : أية رأيك فدا يا زهرة ؟
بصيت علية و قولت وأنا بشاور على دبلة تانية : لا دى احلى بكتير ، شوفى كدا
قالتلى بخيبة أمل : عجبتنى أوى بردة ، بس للأسف مش جاية على مقاسى ..
قولت بسرحان وأنا بقيسها وكان مظبوط عليا .. : مش مهم ، مهى جاية على مقاسى أنا .. !
#يتبع
