رواية جوهرة القصر المهجور كاملة بقلم منال عباس

من زمان
منى الحقيقه جوهرة تتحب يا خالتوا
وتدخل القلب بدون استئذان
جاسر والله بتفهمى يا منى هو انا كيانى اتشقلب من شويه .
يمر الوقت على أبطالنا ..ويستعد كلا من جوهرة وزين وعز الدين للذهاب إلى فيلا عصام ..
عند شهاب
شهاب اخيرا هشوفك يا جوهرتى
ويرتدى اجمل ما لديه من الملابس. ..
ويذهب إلى فيلا عصام .. على أمل أن يرى جوهرة فى العشاء
سهر بضيق من حضوره شهاب ما قولتش انك جاى يعنى
شهاب هو المفروض استأذن ولا ايه يا سهر ..
سهر مش القصد بس ..يا شهاب ..اصل اصل .
شهاب ممكن نقعد وافهم فى ايه يا سهر حاسس انك متغيرة من فترة وعايزة تقولى حاجه 
سهر ايوا يا شهاب انت لازم تعرف كل حاجه .
شهاب وهو يتذكر مرضها وخوف خاله احمد الذى رباه طيله عمره فلم يرى والديه ابدا وقرر أن يكون حنون على سهر ردا لجميل خاله
شهاب قولى يا سهر ..انا هسمعك 
سهر شهاب .انا ..
يستكمل شهاب حديثه مع سهر
شهاب قولى يا سهر انا هسمعك
سهر انا ..انا ياشهاب ..بس ارجوك
ما تزعلش منى 
شهاب قولى ..قلقتينى 
سهر انا مش عارفه اشوفك غير صديق ..يا شهاب 
انا كنت فاكرة نفسي بحبك بس الحقيقه انت مش اكتر من صديق 
لاول مرة يشعر شهاب بغصه فى قلبه
ولا يدرى ما السبب نظر إليها طويلا ولا يدرى بماذا يجيب 
ثم ابتسم فجأة لها
شهاب فى حد تانى فى حياتك 
سهر بخجل ايوا
شهاب هو دا بقي اللى مضايقك انا فكرت فى حاجه كبيرة يا شيخة ..
سهر يعنى انت مش زعلان منى 
شهاب لا ابدا انتى غاليه عندى بس المشكله هنقول ليهم ايه ..
سهر مش عارفه 
شهاب سيبينا نفكر فى قصه علشان محدش يزعل 
سهر انت متاكد انك مش زعلان
شهاب لا خالص المهم سعادتك 
يلا اسيبك سلام وتركها دون رد
سهر لنفسها معقول شهاب وحبه ونظراته اللى كلها احتواء ليا كانت مجرد اعجاب ..دا ما زعلش ولا رفض
سهر وبعدين معاكى يا سهر ..طب ايه اللى مضايقك دلوقتى ..مش دا اللى انتى عايزاه تخلصى من شهاب علشان جاسر . بقلم منال عباس
بس جاسر ما يعرفنيش ولا حتى لمح ليا بأى اعجاب كأنه مش شايفنى ..
وجلست تتذكر ذكرياتها مع شهاب 
عند شهاب
كان يشعر بالضيق
شهاب لنفسه انا متضايق ليه مش دى سهر اللى كانت بالنسبه ليا مجرد سلم علشان احقق أمنياتى وكنت بفكر اخلص منها علشان جوهرة ..
ثم صمت للحظات جوهرة دى جوهرة عمرها ما ادتنى ريق حلو ..اه هى صحيح مؤدبه وبحس أنها مسئولة منى وبضايق لما حد يزعلها ..بس هى عمرها ما حسستنى انى حاجه بالنسبه ..لكن سهر ياترى مين دخل فى حياتك يا سهر وغيرك من ناحيتى
عند عزالدين
عز الدين بصى يا جوهرة يا بنتى ..عايزك تحطى حاجه مهمه فى بالك انك سواء طلعتى بنت اختى أو لأ فانتى مرات ابنى وكرامتك من كرامتنا ومحدش يقدر يكلمك كلمه فى وجودنا
ابتسمت جوهرة لذلك الاب الطيب ..ليعوضها حرمانها من والدها
لتشكره بامتنان على طيبة قلبه
..
وصلوا جميعا إلى فيلا عصام الباجورى
استقبلهم عصام وسلمى بترحاب
عصام يا اهلا وسهلا اتفضلوا
ورحب ترحاب شديد ب عز الدين رجل الأعمال الكبير الذى يمتلك بشهره واسعه فى الشرق الأوسط .
عز الدين حبينا نيجى نتشرف بأسرة بنتنا جوهرة 
سلمى وهى تنظر إليه باهتمام ف عز الدين رجل ذو هيبه
سلمى فى نفسها يا عينى عليا وعلى حظى ..بقي هى دى الرجالة ولا بلاش طول ب عرض ..وابنه زى الأسد