سبتلك هدية جميلة فى البيت
الله
.. لا اله الا الله طب بص لو مش هتقدر تصحيها اقټلنى موتنى انا عادى صدقنى مش هستحمل اعيش من غيرها
ربنا يصبرك بعد اذنك
الدكتور وهو خارج مسكته من الجاكت وقولتله
.. بقولك فوقها امال انت دكتور ازاى فوقها ياعم وهديلك اللى انت عايزه
الجيران اتدخلوا ونزلوا الدكتور وانا بحضن فى ناهد ومش عايز اسيبها ويادوب اللى سامعه من الناس
شاورت لحد من الجيران قولتله هات زياد من جوه زمانه بيعيط عم علي جارنا دخل يدور على زياد وقالى
مش موجود ياابنى فى البيت يمكن حد من الجيران خده وسط الدوشة دى هسألهم وهجبهولك حاضر
بعد دقايق وانا غرقان فى الدموع على فراقها لقيت عم علي بيقولى
محدش من جيرانا شاف ابنك ياحسين
ناهد كانت كاتبالى الرسالة بتفرحنى بالترينج اللى جابته من تحويشة الايام وواضح كده ان المۏت منعها انها تروح عند امي وتستنانى هناك وتفرحنى بوجودها اكتر من اى وقت تانى.
انا اسف يااستاذ حسين ومقدر اوى اللى انت فيه لكن انا مضطر ابلغ القسم لان الموضوع فيه شبهة جنائية
.. يعنى ايه!
يعنى ممكن يكون اللى حصل ده بفعل فاعل
لو سمحت يااستاذ حسين انا بنفذ شغلى بعد اذنك وياريت تبعد لو امكن
.. ايه دى مراتى !! انت بتقول ايه مش هسيبها ابدا
فضلت قاعد وماسك ناهد فى حضنى لحد ماسمعت صوت سرينة البوليس طلعوا جرى ودخل اتنين امناء شرطة مسكونى من ايدى وقومونى من جنبيها وبدأت رجالة المعمل الجنائى تشوف شغلها وترفع بصمات وانا فى حالة يرثى لها ويادوب قادر اجمع نفسي واقف على رجلى الظابط قالى
حضرتك
هتيجي معانا يااستاذ حسين محتاجين ناخد اقوالك
.. حاضر حاضر بس مراتى
الله يرحمها يااستاذ حسين حضرتك هتيجي
