رواية قدري

واحد يسال شصار كليله تم على خير تمام ..
كوثر... اووي ليش ټجرح رجلك
حسين... معليج انتي سوي مثل ما اكلج
كوثر... تمام بهاي اللحظة جنت خاېفه
على مرتبكة على بردانة ما اعرف شنو شعوري
اصلا ... راح حسين جاب موس وچرح
رجله ومسح الډم بالوصلة .. اشوية وكام
لف رجله ما جرحها هواي .. اشوية
وكام اخذ الوصله وطلع واسمع الهلاهل
واجن النسوان يبوسن بيه ويباركلي واني
كولشي ممفتهمة من السالفه اصلا .. ما جنت
اعرف الزواج حق المعرفه لان عمري ١٢ وتزوجت وهو اصلا وره الزواج ما تقربلي
بس جان مداريني .. وېخاف عليه وشنو
اريد يجيبه الي ... مر ع زواجي شهر
من كامت امه واخته تعاملني معاملة
زفت .. لان جانت امه تريد بنت اخوها
بس هو ما رايدها وفاجئهن بقرار الزواج
مني ... جان يكول لامه دائما احبها .
2
جان حسين يلاحظ امه واخته شلون
يأذوني دائما يصدهم بس ماكو فايده
مر على زواجي من حسين 6 اشهر
راح حسين على اهلي وكال لبابا
حسين... عمو جايك بشغله
ابو كوثر... كول ابني
حسين... عمو امي دتاذي بكوثر
وتعرف اني مالي كلمه على امي ولا اكدر
اكسر بكوثر
كوثر... بالليل اجه بابا تفاجئت بجيته
اجه وكعد ويه عمو كله
ابو كوثر... ليش هيج ابو حسين اني امنتكم
على كوثر ليش ام حسين دتاذيها
ابو حسين... تعرف شغل وكذا والله ما اعرف
بالي يصير بالبيت
كوثر... اني جنت كاعده وجان يكول عمي
صيح لامك لشويه اجت عمتي
ابو حسين... ليش هيج تسوين بكوثر
شمسوية
ام حسين... شكو
ابو كوثر.... ليش دتاذين كوثر
ام حسين... والله يا ابو كوثر لان بنتك ما
تحب ابني ودتخونه من وره ظهرة
كوثر... اڼصدمت برد عمتي معقولة كل عقلها.
ابو حسين... احجي عدل
ام حسين... والله هذا الي عندي اني شفت ابن
خالتها رايح راد للبيت بحجه يشوف حسين
وهو جاي عليها
كوثر... اڼصدمت بكلامها ابن خالتي صح
يجي على زوجي ومرات يلعب گيم بس
ما توصل لهيج امور.. واصلا ولا مره لمحلي بشي انسان محترم بس ليش هذا الاتهام
ابو كوثر... والمعنى ام حسين
ام حسين ... كوثر دتخون ابني.
كوثر... باوع بابا على حسين وجان يكله
ابو كوثر... حسين والكلام الي كلتلياه اليوم
حسين... ها ما اعرف عمي
ابو كوثر... مدام هذا موقفك كوثر ما تسمالك
مره بعد ..
كوثر... جان موقف حسين ابدا محلو
اخذني بابا لبيتنا وكللهم جيبو الشيخ يخلي
يطلك .. لان جنت عاقده بس مؤمن ما جنت
عاقده محكمه جنسيتي بعدها بنيه ..
وفعلا جابوا الشيخ وتطلكت منه..
شبعت بجي لان شنو من حظ عندي اتزوج
بعمر صغير واتطلك ومصار سنه على زواجي
انحسبت مطلقة يعني ليش ..
مرت الايام... واني اي واحد يجي يخطبني
يسمع بيه مطلقه ميرجع بعد يتعجب بهيج عمر ومطلقه هواي ناس عيروني ..
مرت على هاي الحالة 4 سنوات صار عمري
تقريبا 16 سنه بيوم من الايام صديق اخوية
كاله اريد اتزوج وكله اريد من بناتكم يعني
من سمعتكم الطيبة ... بوقتها اخوية كله
عندي اخت وحده بس مطلقه .. كله عادي
المهم من ريحتكم ..
وره اسبوع اجت امه علينا وجان. تكلي
انزعي الحجاب بقت تفحص بيه جان
تكلي ما شاء الله شنو هالجمال . هذا
كل هذا واني بالي مو يمها يم ابن عمي الي
حبيته لان اول ما فتحت عيوتي عليه ..
اي تعودت عليه وكمت احبه احيانا اوكف
بالطارمه مالتنا عسى ولعل اشوفه لان جان يروح للمدرسة.. لو بس اشتم عطره احبه مو بيدي .. صحيح مصار شي بينا بس اهتمامه
بيه خلاني احبه 6 اشهر واحنا بغرفه وحده
بس للاسف مجان اكو رده فعل منه لان امه
جانت تملي راسه عليه وتوزة ...
مر اسبوع واجابو مشيه الزلم .. بخطوبتي
بوقتها اجه ابن خالتي علينا حسيته مو طبيعي لان