رواية قدري

على بابا وكله تعال اخذ كوثر
حسين... راح يجي ابوج ياخذج اني
اشويه وراجع
كوثر... عرفته يريد يتعارك وياه لزمته
فدوة لا تكبرها لخاطر بنتي
حسين... من كل عقلج كوثر ليش تخافين
مو رجال الي يمد ايده على مره
كوثر... اجه بابا اخذني يمكن لليل جان
اسمع الصياح برا جان يكله بابا مدام
مديت ايدك عليها ما تتسمالك مره بعد
وهاي ضربتك الا تتحاسب عليها..
جان اسمع علي يكله اخذها غصبنا عليك
بابا هنا انفعل وطرده برا بقيت ارجف من
الخۏف ... بقيت يم اهلي تقريبا ٧ اشهر
زوجي جاب ساده وشيوخ علمود يرجعوني
وتعهدوا لبابا اذا مد ايده عليه هم يطلگوني
منه...
ابو كوثر... شكلتي بابا القرار الج اقلها لخاطر
بنتج باباتي
كوثر... من كال هيج بجيت بابا والله کرهت
الطبه لبيتهم وکرهت امه الي تذب كلامها مثل
السم ... سكتت لان بنتي مالها ذنب لخاطرها
اتحمل كولشي... لان مو مال اتطلك مره
ثانية .. تالي رجعت وياه ... وكمت اتحمل كولشي منه ...
كوثر... بقيت اني والحسرات بس..
مرت الايام وبيوم صارت عزيمة بيت جدو
جبيرة .. عرس ابن عمو الثاني .. جنت بيت عمي دانضف ويه البنات جان تصيحني
خالتي مرت عمو .. جان تكلي كوثر
تعالي كشړي البيتنجان وملحي . رحت
كلتلها ماشي خالة .. جنت كاعده اكشر
وجان يدخل ابن عمي هو ما منتبهلي
جان تكله خالتي يوم الك ونفرح بيك
جان يكللها الله وايدج خالتي وضحك
جان يباوع عليه اڼصدم لان ما منتبه
لوجودي .. اني بسرعه نزلت الدمعه
سويت نفسي ما مهتمه اخذت البيتنجان
وصعدت على السطح حتى اگلي لان
حاطين البريمز بالسطح .. اول ما حطيت
البيتنجان جان يطفر الدهن على ايدي
روحي شاغت من الالم .. ايذي احتركت
بقيت ابجي على الصامت جان اسمع صوت
وراي جان يكول... هاي من كلمة انجرحتي
وكمتي تبجين شحال اني الناس سنين
وهي تلوم بية على شي سويته علمودج
شوف هو وين يحجي واني وين دابجي من ايدي باوعت عليه اڼصدم من منظر ايدي
بسرعه اجه عليه وجان يكلي كوثر شبيج
شبيها ايدج..
كوثر... ابتعد مني وين ما اروح اشوفك
صارلي سنين خلصانه منك وهسه تجي
تطلع كدامي .. رجعت ورجعت المواجع
وياك ..
حسين... شو تعاي
كوثر... جرني من ايدي واني اعت بي
واكله عوفني لخاطر الله هو ولا كان
احجي وياه .. لا ينتبهن عماتي وخالاتي
اخذني للصيدليه مال البيت اخذ شاش
وقطن ومعقم
حسين... تحملي اشوية
كوثر... لا عفيه جان يصلخ الحرك بالشاش
من كد الالم اغمى عليه وما ادري شصار
ما اعرف شكد استغرقت من الوقت بس
من كعدت لكيت الكل ملتم فوك راسي
وزوجي وياهم الشرار تتطافر من عيونه
لان جنت مستنده على ايد حسين ..
علي.... وخررررر عنها
حسين... وانت شعليك
علي... شنو شعليه غير زوجها
حسين..... هههههههههه لا تخليني احجي
كلام اندم عليه.. لخاطرها سكتت. وكلت
مدام وافقت عليه الله يوفقها بس. نسيت
انت الشړ بعينه
علي... لكككك حقيرررر
كوثر... هو كال هيج وجان تكب العركه
بينهم علي يضرب بيه كوه لزمته وكلتله
كافي لا تفضحونا كااااافي .. حسين
مشه واني بقيت ابجي واباوع على ايدي
الملفوفه .. بعدها قررت اشوفه واعرف
السر منه حتى لو تطلكت ميهمني
لان احس روحي عايشة بكذبة ..
بقيت كاعده فكرة تاخذني وفكره تجيبني
جان اصحى على صوت بنت خالتي جان
تكلي تكدرين تحطين شكر للاستكاين
بتك ايد ...جاوبتها اكدر
داحط شكر جان يدخل حسين ما اعرف
شلون تجرأت وحجيت كلتله حسين اريد
احجي وياك .. بس الخۏف والقلق والارتباك
مبين عليه ..
حسين... تمام بس وين خاف يجي زوجج
ويسوي مشكلة
كوثر... كلتله مخايفه من زوجي ولا اي احد
اني الي اريد اعرفه شضام عليه كل هاي
السنين ..
حسين... كوثر عوفي الموضوع وسدي
وعيشي حياتج ولا تفكرين بشي
كوثر... مستحيل لازم اعرف ما اتحمل اعيش
بكذبه بعد .. عندي هواي اسئلة بعقلي
واريدلها جواب مقنع
سحب