سيـل المطر ' بــاللهجه العراقيه '

رغم كلشي ابقه احب ههل بيت الصغير الي جامعنا كلنا
و بما أنو ابوي من الغربيه
لهجه ابوي تختلف عن امي و طبعا كلنا تعودنا نحجي مثله 
اجت امي جايبه الخبزات وياها و الصينيه الي بيها الريوك
التمينا كلنا
ابوي طبعا يكعد من ٥ الصبح يروح لل شغل
و احنا امي تكعدنا لل دوام ف هو رايح قبلنا
و من يرجع من الشغل جايب مسواك و كلنا نلتم نبوس ايده و راسه من الصغر هيج متعلمين
كعدنا ناكل كلنا
حجت تير يمه اليوم خل نطلع لل سوك 
ردت عليها امي ببرود
ما عندنا فلوس 
شمرت الخبزه و كامت اخذت جنطتها
حجت نيل شبيها هاي شو متغيره 
ردت امي ب عصبيه مو صوجها صوج الي مدخلتها مدرسه طبعا تتغير عبن تشوف البنات لبس و تغار 
ردينا اني و نيل حشاج يمه 
ردت امي ابوجن مطلع عينچن انه كتله ما اريدهن يكملن دراسه يوصل سادس نزوجهن و نفتك منهن 
ردت عليها نيل يمه من حقي اكمل دراستي و احقق حلمي انت ليش دائما ضدنا 
أشرت ل نيل تسكت
ردت امي عليها وهي تكوم
لجن هل عيشه المره منهو يتحملها لا بيه اسبح مي ماڪو من البارحه شعدنجن ضالات يمي 
كمت انيہ الحمد الله راح أتأخر ؏ المدرسه 
جريت نيل وياي
غسلنا و طلعنا
طبعا ثنينا مو محجبات حتى اختي الكبيره مع العلم ابوي معلمنا ؏ الصلاه و القرأن من احنا و صغار بس ما جبرنا نلبس حجاب
مشيتنا لل مدرسه اني و تير متوسطه
نيل اعداديه
طبعا تير طلعت ؏ امي بكلشي گ شكل و تصرفات بكلشي
اني و نيل ؏ بآبا
دخلت لل مدرسه و نيل طلعت كبل لان مدرستها ب الفرع الثاني
دخلت لل مدرسه و رحت كبل لل صف
و مشى اليوم عادي و رجعنا كلنا لل بيت
برجعتنا دخلنا لل بيت دحكت ابويه نايم و مغطي وجهه ب البطانيه بس جان هادء و ميتحرك
تفاجئت هو بطبعه ما ينام اول ما يجي
دحكت ؏ البيت مرتب بعده بس امي ما موجوده
حجت تير و هيه لازمه راسها وين امي 
رديت عليها يجوز ب الحمام 
ردت عليه نيل و هيه تشوف الكدور مال الغده اروح اشوفها 
رحت و اجت كالت ماڪو
كلنا يمكن يجوز راحت لل سوك او يم وحده من الجيران
شفت ابوي لا حس و لاا نفس خفت ؏ليه
تقدمت تجاه ابوي و كلبي ناغزني احس اكو صاير شي
وخرت البطانيه و دحكت ؏ليه وجهه ازرك و حلكه طالع منه ډم
هل لحضه مراح انساها طول عمري ابد
صحت ب علو صوتي يااااابهههه 
جنت خاېفه و ارجف جتي نيل دفعتني و شافت وجهه نصدمت
كامت تبجي و جابت مي و غسلت وجهه و هو ماڪو مو صاحي ابد
خفنا عليه كلش و كعدنا نبجي منعرف نتصرف
جانت هاي اصعب لحضات حياتي..!
نفضت نفسها تير و كامت
اروح اصيح احد من الجيران يجي يشوف شبي خاف عايش يمكن متخربط حتى يودوا للمستشفى 
رحت و احنا بقينا اني افرك بأيده و نيل تبجي خاېفه
صحت بيها اميييي وين 
نيل ردت ما اعررررف !!!! 
انتضرنا شوي و اجت خالتي ساميه الي هي تصير ممرضه المنطقه
و وياها ولدها و تير خاېفه جانت و تشهك
اجتي شافته و فحصته
باوعت علينا و كالت امجن وين 
رديت ما ندري اجينا شفنا البيت فارغ و هو هيج متمدد 
تهند و ردت
البقيه بحياتچن بنات ... ابوجن توفى 
من سمعنى هيج و جن طابوكه و نضربت براسنا
كمنا نصيح و نلطم فقدنا