تعرف إن علامات الساعة الصغرى تقريبًا كلها حصلت بقلم محمد صاوي
انت في الصفحة 1 من 7 صفحات
تعرف إن علامات الساعة الصغرى تقريبًا كلها حصلت؟!
السؤال دا ممكن يكون أرعب سؤال هتشوفه في حياتك، والإجابة عليه ممكن تكون أرعب، بس خليني أقول لك يا عزيزي إن فعلًا معظم علامات الساعة الصغرى حصلت، بل إن فيه منها منتشر، ومنها اللي حصل من قرون.
قبل ما ابدأ، لازم تعرف إن أول ما تشوف علامة من علامات الساعة الكبرى يبقى خلاص نهاية العالم على الأبواب.
عاوزك تركز معايا، لأن الموضوع كبير، وسيب كل اللي في إيدك، أنا هنا علشان اعرض عليك الحكاية كلها بالترتيب، من أول علامة ظهرت لحد آخر علامة لسه مظهرتش.
العلماء بذلوا جهود كبيرة علشان يعرفوا علامات الساعة وطريقة حدوثها سواء كانت الكبرى أو الصغرى، ولأن علم الساعة غيب لا يعلمه إلا الله عز وجل، لازم يكون فيه نص صريح يؤخذ منه، وعلشان كدا اجتهاد العلماء كان كبير، واتباعًا للسنة النبوية هناخد من الأحاديث والنصوص العلامات وهوضحها لكم.
وهنبدأ كلامنا بالعلامات اللي ظهرت وانتهت، ودول كتير جدًا وأولهم بعثة النبي -صلى الله عليه وسلم- وموته.
لما بُعث سيدنا (محمد) -صلى الله عليه وسلم- دي تُعد علامة من علامات الساعة الصغرى زي ما قال:
بعثت أنا والساعة كهاتين)، وقرب من إصبعيه السبابة والوسطى.
وموته كمان علامة لأنه قال:
(اعدد ستًا بين يدي الساعة: مoتي ثم فتح بيت المقدس).
تاني حاجة هي علامة غريبة جدًا، وهي معجزة انشقاق القمر!
في عهد الرسول -صلى الله عليه وسلم- انشق القمر أمام عينيهم بمعجزة لم يشهد لها العرب مثيل، ودا اتذكر في القرآن (اقْتَرَبَتِ السَّاعَةُ وَانشَقَّ الْقَمَرُ (1)) سورة القمر.
