تعرف إن فيه مخلوقات في البحر مرعبة لدرجة الأساطير؟ بقلم محمد صاوي

بعد الحادثة بكام سنة اليابان قررت تبعت مركب عن بعد للوصول لأعمق نقطة في الخندق، وفعلًا كشفت عن أكتر من 350 نوع من المخلوقات البحرية عايشة في قلب الخندق، ورحلة الاستكشاف استغرقت من سنة 1995م لسنة 2003م!
سنة 2017م، فيه رجل أعمال اسمه (فيكتور فيسكوفو) عنده 52 سنة، ودا شخص عنده شغف الاكتشاف والمعرفة، قرر إنه يعمل بعثة ويسميها "بعثة الأعمال الخمسة"، وقرر يكتشف فيها أعمق 5 مناطق على سطح الأرض، ومنها قدر يوصل لمنطقة "Challenger Deep" أو "خندق ماريانا"!
وفعلًا قرر (فيكتور) إنه يغوص في قلب الخندق لوحده، غير مهتم بالمخاطر اللي ممكن تواجهه، وفضل أربع ساعات بيغوص، وقدر إنه يرصد عدد كبير من المخلوقات البحرية الحية في قلب الخندق، وتم توثيق رحلته على قناة "ناشونال جيوغرافيك"، وفيها قدر يتوصل إنه يكتشف أنواع غريبة من المرجان وقنديل البحر وكائنات عجيبة ملهاش وجود في المحيط العادي!

وقدر (فيكتور) إنه يسجل رقم قياسي لأعمق غوص فردي في التاريخ بعد الرقم اللي قدر يسجله

 (جيمس كاميرون) مخرج فيلم "تايتانيك 2" اللي اتعرض سنة 2010م، وعرض الرحلة الخاصة بيه في فيلم وثاقي وسماه "Deep sea challenge"!
لحد وقتنا هذا العلماء مقدروش يثبتوا وجود كائن بحري أسطوري في الخندق، لأنهم ببساطة مقدروش يصوروا حاجة زي كدا ويعرضوها، وبينهم تضارب كبير دلوقتي على وجود قرش المجالدون من عدمه، ولكن الفئة الأكبر بترجح وجوده وعدم انقراضه!
العالم غريب يا عزيزي، مرعب، ومليء بالاكتشافات، والإنسان مهما بلغ من الحياة على كوكب الأرض وحاول يتوصل لاكتشافات هيفضل ضئيل، وصغير جدًا أمام عظمة الخالق، تخيل معايا لو الحياة للبشر مقدرة مثلًا بـ20 ألف سنة، في المدة دي كلها الإنسان قدر يخترع ويكتشف ويسافر للفضاء، ويحاول يوصل لكل خبايا الكون، وقدر بالفعل يوصل لأشياء تغيب بسببها العقول، ولكن مهما وصل، مش هيقدر يعرف كل حاجة، ولا هيقدر يوصل لمدى عظمة الخالق، لأنك في النهاية، هتفضل ضئيل!

في النهاية، دا مجهود اتبذل علشانك، علشان يوصل لك معلومة وتعرفها، فيا ريت إنتَ كمان متبخلش على المعلومة إنها توصل لغيرك.
شير ولايك وكومنت، دي حاجات ممكن تساعد بيها في انتشار المعلومة، علشان تكون جزء منها.
ولو جديد اعمل لايك للبيدج وحطني في المفضلة وادخل خد لفة هتتبسط.