فرح للكاتبة ملك إبراهيم
ثم اضاف وهو ينظر الى فرح.
- ايه اللي حصل يا فرح ؟!
تحدثت فرح وهي مغمضة العين وتعطي ظهرها الى يونس.
- عرَّف صحبك ده ان احنا هنا مش في الساحل عشان يقف بالمنظر ده
ثم اضافة بانفعال.
ـ الاستاذ واقف في البلكونه ولا همه وفرحان بنفسه اوي والكل واقف يتفرج عليه
نظر اليها يونس بدهشة واراد الحديث كي يخبرها انه لا يعلم سبب انفعالها ولا يعلم لماذا هي غاضبه إلى هذا الحد، لكن اسلام تحدث سريعًا واعتذر لها بالنيابة عنه، واندفعت الى شقتها واغلقت الباب خلفها بعن.ف.
نظر اسلام الى يونس واقترب منه قائلًا بهدوء.
- ايه اللي انت عملته ده، ازاي تفتحلها الباب وانت عر.يان كده!!
نظر يونس الى نفسه وتحدث بدهشة.
- عريا.ن يعني ايه ؟!
دخل اسلام الشقة واغلق الباب عليهم وتحدث بهدوء موضحًا له.
- احنا عندنا هنا، لازم تبقى لابس هدومك كلها قبل ما تخرج للبلكونه وقبل ما تفتح الباب لاي حد
نظر اليه يونس بدهشة ليضيف اسلام بحماس وهو يستنشق رائحة الطعمية الساخنه باستمتاع.
- المهم دلوقتي ادخل جبتلك معايا احلى فطار
حرك يونس رأسه بالرفض قائلًا.
- لا اريد الطعام، اريد الذهاب إلى السفارة ومنها اعود إلى فرنسا
تحدث اسلام بتأكيد.
- متقلقش انا هوصلك لحد قدام السفارة بتاعك، بس اوعىٰ تجيب سيرتي، الحكومه عندنا هنا معندهمش يما ارحميني، بياخدو كله مع بعض، يعني مش بعيد يطلعوني انا اللي فجرت برج التجارة العالمي
ابتسم يونس على حديث اسلام الممتع والمرح بالنسبة له ثم تحدث بتأكيد وهو ينطق الكلمات كما ينطقها اسلام.
