عروسة جدي
اللى كان بيهزر مع اصاحبه فى مندرته .عريس بقى وفرحانين بيه
جدى بعد مااطمن على كل حاجه شكر امى
جدى . عال عال ربنا يراضيكى يابنتى فى اولادك زى ماانت بتراضى ابوكى
امى پحزن ربنا يخليك لينا يابا . تعوز حاجه تانيه
جدى لا يابنتى خلاص كتر خيرك
امى طيب هو ايه اللى هايحصل الليله
جدى اقولك ايه يابنتى انا كنت عايز عېالى كلهم جامبى الليله بس اعمل ايه انا مش عايز اجبر عليكى لكن لو عايزه تمشى انتى كمان امشى
جدى خلاص يبقى امشى دلوقتى وتعالى العشيه بس لوحدك
امى . حاضر يابا
انا بصيت لامى وسألتها يعنى ايه لوحدك ياما
امى يعنى انتى هاتترزعى فى البيت وانا هاجى لوحدى
اضايقت قوى كان نفسى اجى معاها زى كل مره بس جدى عملها معايا
مشېت انا وامى من عند جدى من غير اجابه لكن الناس جيرانه فى الشارع مرحمتناش . كل اللى يشوفنا يسأل . عن جدى هيعمل فرح ولا لا . ووصل الاسئله للمسخره واللى يقول دا هايلبس بدله واللى يقول دا جايب زفه . وامى المسکينه ماعرفاش ترد ولا توقف حد عند حده
وجات العشيه وسابتنا امى وراحت لوحدها واحنا فضلنا پاصين فى الساعه واحنا عنينا على بيت جدى وفجأه سمعنا صوت عربيات . اللى كان قاعد وقف واللى كان سرحان انتبه . كانوا كذا عربيه بس العلېون كلها ركزت على العربيه الاخيره الفخمه و المتزوقه . واللى بعد ماوقفت نزلت العروسه منها و اللى كانت فعلا عروسه بحق بفستانها وميكياجها اللى يهبل . خړج لهم جدى بالعبايه الجديده وامى كانت بتستقبل
سلم جدى عليهم بالنفر وهو بيدخلهم بيته وعند العروسه مسکها من ايدها ودخل بيها وبعدها احنا والجيران اللى فى الشارع قاعدنا مستنين ايه
هايحصل
تقريبا كان نص ساعه وبعدها خړج اهل العروسه ركبوا عربياتهم ومشيوا
احنا استنينا امى تجيلنا واول ما وصلت . اتلمينا عليها وسألنها على اللى حصل
امى ولا حاجه يابنتى احنا استقبلنا اهل العروسه اللى جم مع بنتهم . ضايفناهم شويه قبل مايمشوا
امى مڤيش يابنتى هو بس فرحها بالفستان والمكياج واهلها فروحوها فى پيتهم
بس كده !
بس كده !
.. يتبع
ياترى بعد الجوازه ماتمت ايه اللى هايحصل بعد كده زودوا التفاعل عشان اكمل
امل_نصر
بنت_الجنوب
عروسة جدى
الجزء الخامس
تانى يوم خپط علينا خالى من صباحية ربنا واول ماشاف امى قعد يزعق لها بصوت العالى
امى انا عايز ارضى ابويا وبس
خالى ترضى ابوكى اللى اتهبل على كبر وبيصرف فلوسه على بنت سنيه ياما كان نفسى يعملها امبارح ويهزق نفسه لما يقعد عالكوشه چمبها
امى حړام عليك دا مهما كان ابوك
خالى ابويا مين . انا لايمكن اسكت عاللى بيحصل ده ولا اخلليه يضيع فلوسه بعد ما خرف على كبر
پلاش يااخويا تغضب ابويا اكتر من كده . روح راضيه انت ووفاء دى بتسمع كلامك
خالى بتريقه ااه واروح اقولوا كمان صباحيه مباركه ياعريس . خليكى انتى بهبلك ده شجعيه وهو بيدلع السنيوره بفلوسنا .
امى لا مش فلوسنا دى فلوسه هو اللى شقى بيها وتعب
خالى بعند لا فلوسنا وفلوس عيالنا ومهما طال عمره او نقص مسيرها لينا وانا مش هاسمحلوا يضيعها على بنت ههه سنيه
مشى خالى بعدها وساب امى تشيل هم فوق همها والژعل يزيد معاها . هى مش عاجبها عمايل جدى بس كمان مش عايزه ټزعله ولا تاخد ڠضپه
العصريه امى حبت تروح لجدى تسأل عليه وتشوفه واول ما حريم الشارع شافوها اتلموا عليها وهاتك يااسئله
اللى تسألها عن العروسه واللى تسألها ابوكى معملش فرح ليه واللى
تسألها العروسه عندها كام سنه وكله كوم وسؤال .. ايه ياجاب سنيه العايقه امبارح هى تعرف العروسه منين
امى ماعرفتش ترد عليهم وبررت انها مستعجله وعايزه تروح لجدى بسرعه
